# 15 ವರ್ಷದ ಬಾಲಕಿ ಮೇಲೆ ಭೀಕರ ಅತ್ಯಾಚಾರ, ಖಾಸಗಿ ಅಂಗಕ್ಕೆ ರಾಡ್‌ ಹಾಕಿ ಹ*ತ್ಯೆ

- Link: https://hosakannada.com/crime/horrific-rape-of-a-15-year-old-girl-murdered-by-inserting-a-rod-into-her-private-parts/
- Published: 2026-08-03T13:34:46+00:00
- Author: ಹೊಸಕನ್ನಡ ನ್ಯೂಸ್

15 ವರ್ಷದ ಬಾಲಕಿಯ ಮೇಲೆ ಅತ್ಯಾಚಾರ ಮಾಡಿ, ಖಾಸಗಿ ಅಂಗಕ್ಕೆ ರಾಡ್‌ ಹಾಕಿ ಅತ್ಯಂತ ಭೀಕರವಾಗಿ ಹತ್ಯೆ
ಮಾಡಿರುವ ಘಟನೆ ಅಸ್ಸಾಂನ ಹೈಲಕಂಡಿ ಜಿಲ್ಲೆಯಲ್ಲಿ ನಡೆದಿದೆ.

Sponsored

ಪೊಲೀಸರು ಪ್ರಕರಣ ದಾಖಲು ಮಾಡಿ ಐವರನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ. ಪೊಲೀಸರ ಪ್ರಕಾರ,
ಕಟ್ಲಿಚೆರಾ ಪೊಲೀಸ್‌ ಠಾಣೆ ವ್ಯಾಪ್ತಿಯ ಅಲೋಯಿಚೋರಾ ಪ್ರದೇಶದಲ್ಲಿ ಶನಿವಾರ ರಾತ್ರಿ 11 ಗಂಟೆ ಸುಮಾರಿಗೆ
ಈ ದುರ್ಘಟನೆ ನಡೆದಿದೆ. ಬಾಲಕಿ ತನ್ನ ಕುಟುಂಬದವರೊಂದಿಗೆ ಸಂಬಂಧಿಕರ ಮನೆಯಲ್ಲಿ ನಡೆದ ಔತಣಕೂಟಕ್ಕೆ
ಹೋಗಿದ್ದು, ಆದರೆ ಸಂಬಂಧಿಕರೊಬ್ಬರೊಂದಿಗೆ ಮಾತಿನ ಚಕಮಕಿ ನಡೆದಿದ್ದು, ಈ ಹಿನ್ನೆಲೆಯಲ್ಲಿ ಆಕೆ ಒಬ್ಬಳೇ
ಮನೆಗೆ ಹಿಂದಿರುಗಿದ್ದಳು.

Advertisement

Advertisement

ರಾತ್ರಿ ಮನೆ ಮಂದಿ ಮನೆಗೆ ವಾಪಸ್‌ ಬಂದಾಗ ಬಾಲಕಿ ರಕ್ತದ ಮಡುವಿನಲ್ಲಿ ಮೃತಪಟ್ಟ ಸ್ಥಿತಿಯಲ್ಲಿ ಪತ್ತೆಯಾಗಿದ್ದು,
ಆಕೆಯ ಮುಖವನ್ನು ಜಜ್ಜಲಾಗಿದ್ದು, ದೇಹದ ಮೇಲೂ ಗಂಭೀರ ಗಾಯಗಳಿದ್ದುದ್ದಾಗಿ ಆಕೆಯನ್ನು ಗುರುತಿಸಲು 
ಕಷ್ಟವಾಗಿತ್ತು ಎಂದು ಮೂಲಗಳು ತಿಳಿಸಿದೆ.

ಘಟನೆಯ ನಂತರ ಸ್ಥಳೀಯರು ಆಕ್ರೋಶಗೊಂಡ ರಸ್ತೆ ತಡೆದು ಪ್ರತಿಭಟನೆ ಮಾಡಿದರು. ಆರೋಪಿಗಳನ್ನು ಕೂಡಲೇ 
ಬಂಧನ ಮಾಡಿ ಕಠಿಣ ಶಿಕ್ಷೆ ನೀಡಬೇಕೆಂದು ಆಗ್ರಹ ಮಾಡಿದರು. ಘಟನೆ ಸಂಬಂಧ ಪ್ರಕರಣ ದಾಖಲಾಗಿದ್ದು, ಐವರನ್ನು
ವಶಕ್ಕೆ ಪಡೆದು ವಿಚಾರಣೆ ನಡೆಸಲಾಗುತ್ತಿದೆ. ಮರಣೋತ್ತರ ಪರೀಕ್ಷೆಯ ವರದಿ ಬಂದ ನಂತರ ಲೈಂಗಿಕ ದೌರ್ಜನ್ಯವನ್ನು
ದೃಢೀಕರಿಸಬಹುದು ಎಂದು ಜಿಲ್ಲೆಯ ಹಿರಿಯ ಪೊಲೀಸ್‌ ಅಧಿಕ್ಷಕ ಅಮಿತಾಭ್‌ ಸಿನ್ಹಾ ಹೇಳಿದ್ದಾರೆ.

Advertisement