# ಫ್ಲೈಟ್‌ನಲ್ಲಿ ಬೆಂಗಳೂರಿಗೆ ಡ್ರಗ್ಸ್‌ ಸಪ್ಲೈ: 10 ಮಂದಿ ಕೇರಳ ಗ್ಯಾಂಗ್‌ ಬಂಧನ

- Link: https://hosakannada.com/crime/drug-supply-to-bengaluru-on-flight-10-kerala-gang-members-arrested/
- Published: 2026-01-28T16:22:39+00:00
- Author: ಹೊಸಕನ್ನಡ ನ್ಯೂಸ್

ಬೆಂಗಳೂರು: ಥೈಲ್ಯಾಂಡ್‌ನಿಂದ ಬೆಂಗಳೂರಿಗೆ ಡ್ರಗ್ಸ್‌ ಸಪ್ಲೈ ಮಾಡುತ್ತಿದ್ದ ಕೇರಳ ಡ್ರಗ್‌ ಪೆಡ್ಲರ್‌ಗಳನ್ನು
ಪೊಲೀಸರು ಬಂಧನ ಮಾಡಿದ್ದಾರೆ.

Sponsored

ಬೆಂಗಳೂರಿನ ಅಮೃತಹಳ್ಳಿ ಪೊಲೀಸರು ಬೃಹತ್‌ ಡ್ರಗ್ಸ್‌ ಜಾಲವೊಂದನ್ನು ಭೇದಿಸಿದ್ದು, ಹತ್ತು ಮಂದಿ ಡ್ರಗ್‌
ಪೆಡ್ಲರ್‌ಗಳನ್ನು ಬಂಧಿಸಿ ನಾಲ್ಕು ಕೋಟಿ ರೂಪಾಯಿ ಮೌಲ್ಯದ ಡ್ರಗ್ಸ್‌ ಸೀಜ್‌ ಮಾಡಿದ್ದಾರೆ. ಈ ಡ್ರಗ್ಸ್‌ನ್ನು
ಥೈಲ್ಯಾಂಡ್‌ನಿಂದ ವಿಮಾನದ ಮೂಲಕ ತಂದು, ಡಾರ್ಕ್‌ವೆಬ್‌ ಬಳಸಿ ಬೆಂಗಳೂರಿನಾದ್ಯಂತ ಮಾರಾಟ ಮಾಡಲಾಗುತ್ತಿತ್ತು.

Advertisement

Advertisement

ಬಂಧಿತರನ್ನು ಕುಶಾಲ್‌, ಸಾಗರ್‌, ಶಶಾಂಕ್‌, ವಿಲ್ಸನ್‌, ಆಶೀರ್‌ ಅಲಿ, ಸಜ್ಜದ್‌, ರಿಯಾಜ್‌, ಶಿಯಾಬ್‌,
ನಿಸಾರ್‌ ಮತ್ತು ಅಭಿನವ್‌ ಎಂದು ಗುರುತಿಸಲಾಗಿದೆ. ಇಬ್ಬರು ಕರ್ನಾಟಕ ಮೂಲದವರು, ಉಳಿದ ಎಂಟು ಮಂದಿ
ಕೇರಳ ರಾಜ್ಯಕ್ಕೆ ಸೇರಿದವರು.

ಡಾರ್ಕ್‌ ವೆಬ್‌ ʼಟೀಂ ಕಲ್ಕಿʼ ಎನ್ನುವ ವೆಬ್‌ಸೈಟ್‌ ಮೂಲಕ ಡ್ರಗ್ಸ್‌ಗೆ ಆರ್ಡರ್‌ ಮಾಡಿ, ಥೈಲ್ಯಾಂಡ್‌ನಲ್ಲಿರುವ
ಕೇರಳ ಮೂಲದ ವ್ಯಕ್ತಿಯೊಬ್ಬ ವಿಮಾನದ ಮೂಲಕ ಬೆಂಗಳೂರಿಗೆ ಡ್ರಗಸ್‌ ಕಳುಹಿಸಿರುವ ಕುರಿತು ವರದಿಯಾಗಿದೆ.

ಬಂಧಿತರಿಂದ 3 ಕೆಜಿ ಹೈಡ್ರೋ ಗಾಂಜಾ, 500 ಎಲ್‌ಎಸ್‌ಡಿ ಸ್ಟ್ರಿಪ್ಸ್‌, 10 ಕೆಜಿ ಗಾಂಜಾ, ಕೃತ್ಯಕ್ಕೆ
ಬಳಸಕೆ ಮಾಡಿದ ಎರಡು ಕಾರುಗಳು, 10 ಮೊಬೈಲ್‌ ಫೋನ್‌ಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಮುಖ್ಯ ಆರೋಪಿ
ನಾಪತ್ತೆಯಾಗಿದ್ದು, ಅಮೃತಹಳ್ಳಿ ಪೊಲೀಸರು ಶೋಧ ನಡೆಸುತ್ತಿದ್ದಾರೆ.

ತಲಟ್ಟಪುರ ಪೊಲೀಸರು ಕಾರ್ಯಾಚರಣೆ ನಡೆಸಿ 60 ಲಕ್ಷ ಮೌಲ್ಯದ 78 ಕೆಜಿ ಗಾಂಜಾ ಸೀಜ್‌ ಮಾಡಿದ್ದಾರೆ.

Advertisement