# ಕಾಲೇಜು ವಿದ್ಯಾರ್ಥಿನಿ ಸೊಂಟಕ್ಕೆ ಕೈ ಹಾಕಿದ ‘ಕೈ’ ಶಾಸಕ

- Link: https://hosakannada.com/crime/congress-mla-places-hand-on-college-students-waist/
- Published: 2026-10-07T13:38:58+00:00
- Author: ಹೊಸಕನ್ನಡ ನ್ಯೂಸ್

ಸರ್ಕಾರಿ ಬಸ್‌ನಲ್ಲಿ ಕಾಲೇಜು ವಿದ್ಯಾರ್ಥಿನಿಯೊಬ್ಬರೊಂದಿಗೆ ತೆಲಂಗಾಣದ ಇಬ್ರಾಹಿಂಪಟ್ನಂ ಕ್ಷೇತ್ರದ
ಕಾಂಗ್ರೆಸ್ ಶಾಸಕ ಮಲ್ರೆಡ್ಡಿ ರಂಗಾರೆಡ್ಡಿ ಅನುಚಿತವಾಗಿ ವರ್ತಿಸಿದ್ದಾರೆ ಎಂಬ ಆರೋಪ ಕೇಳಿಬಂದಿದ್ದು,
ಇದಕ್ಕೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

Sponsored

ಅಕ್ಟೋಬರ್ 6ರಂದು ಇಬ್ರಾಹಿಂಪಟ್ನಂನಿಂದ ಯಮ್ಜಾಲ್ ಕಡೆಗೆ ತೆರಳುತ್ತಿದ್ದ TGSRTC ಬಸ್‌ನಲ್ಲಿ ಈ ಘಟನೆ
ನಡೆದಿದೆ ಎನ್ನಲಾಗಿದೆ. ರಾಜ್ಯ ಸರ್ಕಾರದ ಮಹಾಲಕ್ಷ್ಮಿ ಉಚಿತ ಬಸ್ ಪ್ರಯಾಣ ಯೋಜನೆಯ ಫಲಾನುಭವಿಗಳೊಂದಿಗೆ
ಮಾತನಾಡಲು ಶಾಸಕ ಬಸ್ ಹತ್ತಿದ್ದರು.

Advertisement

Advertisement

ಈ ವೇಳೆ ಕಾಲೇಜು ವಿದ್ಯಾರ್ಥಿನಿಯೊಬ್ಬರೊಂದಿಗೆ ಮಾತನಾಡಿದ ಶಾಸಕ, ಆಕೆಯ ಕೈ ಹಿಡಿದಿರುವುದು ಹಾಗೂ 
ಸೊಂಟದ ಬಳಿ ಕೈ ಇಟ್ಟಿರುವುದು ವೈರಲ್ ವಿಡಿಯೋದಲ್ಲಿ ಕಂಡುಬರುತ್ತದೆ ಎಂದು ವರದಿಯಾಗಿದೆ. ವಿದ್ಯಾರ್ಥಿನಿ
ಕೈಯನ್ನು ಹಿಂದೆಳೆದುಕೊಳ್ಳಲು ಪ್ರಯತ್ನಿಸುತ್ತಿರುವಂತೆ ಕಂಡುಬಂದರೂ, ಶಾಸಕ ಮತ್ತೆ ಆಕೆಯ ಕೈ ಹಿಡಿದಿರುವ
ದೃಶ್ಯವೂ ವಿಡಿಯೋದಲ್ಲಿದೆ ಎನ್ನಲಾಗಿದೆ.

ವಿಡಿಯೋದಲ್ಲಿ ವಿದ್ಯಾರ್ಥಿನಿ ಅಸೌಕರ್ಯಕ್ಕೆ ಒಳಗಾದಂತೆ ಕಂಡುಬಂದಿದ್ದು, ಘಟನೆಗೆ ಸಂಬಂಧಿಸಿದಂತೆ 
ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಆಕ್ರೋಶ ವ್ಯಕ್ತವಾಗಿದೆ. ಆದರೆ, ವಿಡಿಯೋ ಆಧರಿಸಿ ಕೇಳಿಬಂದಿರುವ
ಆರೋಪಗಳ ಕುರಿತು ಶಾಸಕ ಮಲ್ರೆಡ್ಡಿ ರಂಗಾರೆಡ್ಡಿ ಅವರಿಂದ ಯಾವುದೇ ಸ್ಪಷ್ಟ ಪ್ರತಿಕ್ರಿಯೆ ಲಭ್ಯವಾಗಿಲ್ಲ.

Advertisement