# Rave Party: ಬೆಂಗಳೂರಿನಲ್ಲಿ ರೇವ್‌ಪಾರ್ಟಿ ಮೇಲೆ ಸಿಸಿಬಿ ರೇಡ್‌; ಮಾದಕ ನಶೆಯಲ್ಲಿ ತೆಲುಗು ನಟ, ನಟಿಯರು?

- Link: https://hosakannada.com/crime/ccb-raid-on-rave-party-in-bengaluru-telugu-actors-and-actresses-intoxicated/
- Published: 2024-05-20T10:02:54+00:00
- Author: ಹೊಸಕನ್ನಡ ನ್ಯೂಸ್

Rave Party: ಬೆಂಗಳೂರಿನ ಎಲೆಕ್ಟ್ರಾನಿಕ್‌ ಸಿಟಿ ಬಳಿಯ ಜಿ ಆರ್‌ ಫಾರ್ಮ್‌ ಹೌಸ್‌ನಲ್ಲಿ ನಡೆಯುತ್ತಿದ್ದ
ರೇವ್‌ ಪಾರ್ಟಿ ಮೇಲೆ ಪೊಲೀಸರು ರೇಡ್‌ ಮಾಡಿದ್ದಾರೆ. ಈ ಪಾರ್ಟಿಯಲ್ಲಿ ಡ್ರಗ್ಸ್‌, ಎಂಡಿಎಂ ಮಾತ್ರೆಗಳು
ಪತ್ತೆಯಾಗಿದೆ. ಈ ಪಾರ್ಟಿಯಲ್ಲಿ ಆಂಧ್ರ ಮತ್ತು ಬೆಂಗಳೂರಿನ 100 ಕ್ಕೂ ಹೆಚ್ಚು ಜನ ಪತ್ತೆಯಾಗಿದ್ದು,
25ಕ್ಕೂ ಹೆಚ್ಚು ಯುವತಿಯರು ಪಾರ್ಟಿಯಲ್ಲಿ ಇದ್ದರು ಎನ್ನಲಾಗಿದೆ.

Sponsored

ಇದನ್ನೂ ಓದಿ: [Death: ರೆಸಾರ್ಟ್‌ ನಲ್ಲಿ ಜಿಪ್ ಲೈನ್ ಆಡಲು ಹೋದ ಯುವತಿ ಕೆಳಗೆ ಬಿದ್ದು ದಾರುಣ ಸಾವು! ಪ್ರಕರಣ ದಾಖಲು](https://hosakannada.com/2024/05/20/young-woman-who-went-to-play-zip-line-in-the-resort-fell-down-and-died-case-was-registered/)

Advertisement

Advertisement

ಡಿಸಿಪಿ ಶ್ರೀನಿವಾಸ್‌ ಗೌಡ ಮತ್ತು ಎಸಿಪಿ ಪರಮೇಶ್ವರ್‌ ನೇತೃತ್ವದಲ್ಲಿ ದಾಳಿ ಮಾಡಲಾಗಿದೆ. ಹೈದರಬಾದ್‌ನ
ವಾಸು ಎಂಬಾತ ಪಾರ್ಟಿ ಆಯೋಜನೆ ಮಾಡಿರುವುದಾಗಿ ತಿಳಿದು ಬಂದಿದೆ. ಈ ದಾಳಿ ಸಂದರ್ಭ ಬೆಂಜ್‌ ಕಾರಿನಲ್ಲಿ
ಆಂಧ್ರ ಶಾಸಕ ಕಾಕನಿ ಗೋವರ್ಧನ ರೆಡ್ಡಿ ಎಂಬುವವರ ಹೆಸರಿರುವ ಪಾಸ್‌ ಪತ್ತೆಯಾಗಿದೆ.

ಇದನ್ನೂ ಓದಿ: [7th Pay Commission: ರಾಜ್ಯ ಸರ್ಕಾರಿ ನೌಕರರ ವೇತನದಲ್ಲಿ 25.5% ಹೆಚ್ಚಳ ಬಹುತೇಕ ಫಿಕ್ಸ್!!](https://hosakannada.com/2024/05/20/7th-pay-commission-25-5-percent-hike-in-salary-of-state-government-employees-is-almost-a-fixed/)

ಈ ಪಾರ್ಟಿಯಲ್ಲಿ ಡಿಜೆಗಳು, ಮಾಡೆಲ್‌ಗಳು, ಬೆಂಗಳೂರು ಹಾಗೂ ಹೈದರಬಾದ್‌ ಮೂಲದ ಟೆಕ್ಕಿಗಳು ಹಾಗೂ ಟಾಲಿವುಡ್‌ನ
ನಟ-ನಟಿಯರು ಭಾಗಿಯಾಗಿದ್ದಾರೆ ಎಂದು ವರದಿಯಾಗಿದೆ. ಈ ಘಟನೆ ಕುರಿತು ಎಲೆಕ್ಟ್ರಾನಿಕ್‌ ಸಿಟಿ ಪೊಲೀಸ್‌
ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ತನಿಖೆ ಮುಂದುವರಿದಿದೆ.

Advertisement