# ಬಿಜೆಪಿ ಕಾರ್ಯಕರ್ತ ಮುಕ್ಕಚ್ಚೇರಿ ಜುಬೇರ್‌ ಕೊಲೆ ಪ್ರಕರಣ; ಪ್ರಮುಖ ಆರೋಪಿ ಸುಹೇಲ್‌ಗೆ ಜೀವಾವಧಿ ಶಿಕ್ಷೆ ಪ್ರಕಟ

- Link: https://hosakannada.com/crime/bjp-worker-mukkacheri-zubair-murder-case-main-accused-suhail-sentenced-to-life-imprisonment/
- Published: 2026-04-28T17:40:15+00:00
- Author: ಹೊಸಕನ್ನಡ ನ್ಯೂಸ್

ಮಂಗಳೂರು, ಎ.28: ಉಳ್ಳಾಲ ಮುಕ್ಕಚ್ಚೇರಿ ನಿವಾಸಿ, ಬಿಜೆಪಿ ಕಾರ್ಯಕರ್ತ ಜುಬೇರ್‌ ಎನ್ನುವಾತನನ್ನು
ಕಡಿದು ಕೊಲೆಗೈದ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಆರೋಪಿಗಳ ಪಾತ್ರ ಸಾಬೀತಾಗಿದ್ದು, ಪ್ರಧಾನ ಅಪರಾಧಿಗೆ
ಮಂಗಳೂರಿನ 3 ನೇ ಹೆಚ್ಚುವರಿ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯವು ಜೀವಾವಧಿ ಶಿಕ್ಷೆ ವಿಧಿಸಿ ತೀರ್ಪು
ನೀಡಿದೆ.

Sponsored

ಅಬ್ದುಲ್‌ ರಹಿಮಾನ್‌ ಸುಹೇಲ್‌ (23) ಶಿಕ್ಷೆಗೊಳಗಾದ ಅಪರಾಧಿ. ಇನ್ನುಳಿದ ಆರೋಪಿಗಳಿಗೆ 2022 ರಲ್ಲಿ
ಶಿಕ್ಷೆ ಪ್ರಕಟಗೊಂಡಿತ್ತು.

Advertisement

Advertisement

2017 ರ ಅಕ್ಟೋಬರ್‌ 4 ರಂದು ರಾತ್ರಿ 7.55 ಕ್ಕೆ ಮುಕ್ಕಚ್ಚೇರಿ ಮಸೀದಿ ಎದುರು ಜುಬೇರ್‌ ತನ್ನ ಗೆಳೆಯ
ಇಲಿಯಾಸ್‌ ಜೊತೆ ಮಾತನಾಡುತ್ತಿದ್ದಾಗ ಆರೋಪಿಗಳಾದ ಸುಹೇಲ್‌, ನಿಜಾಮ್‌, ಮುಸ್ತಾಫ, ಅಲ್ತಾಫ್‌, ಆಸಿಫ್‌,
ನಾಸೀರ್‌ ಸೇರಿ ತಲ್ವಾರ್‌ ಕತ್ತಿಯಿಂದ ಜುಬೇರ್‌ಗೆ ಕಡಿದು ಕೊಲೆ ಮಾಡಿದ್ದರು. ಈ ಸಂದರ್ಭದಲ್ಲಿ ತಡೆಯಲು
ಬಂದ ಇಲಿಯಾಸ್‌ ಅವರಿಗೂ ತಲವಾರಿನಿಂದ ಕಡಿದು ತೀವ್ರ ಗಾಯ ಮಾಡಿದ್ದರು. ಈ ಕುರಿತು ಉಳ್ಳಾಲ ಪೊಲೀಸ್‌
ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.

ಎ.20,2022 ರಂದು ಜುಬೇರ್‌ ಕೊಲೆ ಪ್ರಕರಣವನ್ನು ಮಂಗಳೂರಿನ 3ನೇ ಹೆಚ್ಚುವರಿ ಜಿಲ್ಲಾ ಮತ್ತು ಸತ್ರ
ನ್ಯಾಯಾಲಯವು ಸಮಗ್ರ ವಿಚಾರಣೆ ನಡೆಸಿದ್ದು, ಅಪರಾಧ ಸಾಬೀತುಪಡಿಸಿ ತೀರ್ಪು ನೀಡಿದರು. 2ರಿಂದ 4 ನೇ
ಆರೋಪಿಗಳಾದ ನಿಜಾಮ್‌, ತಾಜುದ್ದೀನ್‌, ಮುಸ್ತಾಫ ಎಂಬುವರಿಗೆ ಜೀವಾವಧಿ ಶಿಕ್ಷೆ ನೀಡಿದ್ದರೆ, 6ನೇ 
ಆರೋಪಿ ಅಸಿಫ್‌ ಮತ್ತು 7ನೇ ಆರೋಪಿ ನಾಸೀರ್‌ ಖುಲಾಸೆಗೊಂಡಿದ್ದಾಗಿ ತೀರ್ಪು ಪ್ರಕಟ ಮಾಡಿದ್ದರು. 5ನೇ
ಆರೋಪಿ ಅಲ್ತಾಫ್‌ ಈ ನಡುವೆ ಮೃತಪಟ್ಟಿದ್ದ.

ಪ್ರಮುಖ ಆರೋಪಿ ಮುಕ್ಕಚ್ಚೇರಿ ನಿವಾಸಿ ಅಬ್ದುಲ್‌ ರಹಿಮಾನ್‌ ಸುಹೇಲ್‌ ತಲೆಮರೆಸಿಕೊಂಡಿದ್ದ. ನಾಲ್ಕು
ತಿಂಗಳ ಹಿಂದೆ ಆತನನ್ನು ಬಂಧನ ಮಾಡಿದ್ದು, 3ನೇ ಹೆಚ್ಚುವರಿ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯವು ಜೀವಾವಧಿ
ಶಿಕ್ಷೆ ವಿಧಿಸಿ ತೀರ್ಪು ನೀಡಿದ್ದಾರೆ.

Advertisement