# ಬೆಳ್ತಂಗಡಿ: ಚೆಕ್‌ ಅಮಾನ್ಯ ಪ್ರಕರಣ; ಕೋರ್ಟ್‌ನಿಂದ ಶಿಕ್ಷೆ ಪ್ರಕಟ

- Link: https://hosakannada.com/crime/belthangady-invalid-cheque-case-court-announces-sentence/
- Published: 2026-02-11T17:34:44+00:00
- Author: ಹೊಸಕನ್ನಡ ನ್ಯೂಸ್

ಬೆಳ್ತಂಗಡಿ: ಚೆಕ್‌ ಅಮಾನ್ಯ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಬೆಳ್ತಂಗಡಿ ಹಿರಿಯ ಸಿವಿಲ್‌ ನ್ಯಾಯಾಲಯವು
ಆರೋಪಿಗೆ ದಂಡ ಪಾವತಿಸಲು ಆದೇಶ ನೀಡಿರುವ ಘಟನೆ ನಡೆದಿದೆ.

Sponsored

ಪ್ರಕರಣ ವಿವರ: ಪ್ರವೀಣ್‌ ಭಂಡಾರಿ ಬಿನ್‌ ಭಂಡಾರಿ ಅವರು ಬೆಳ್ತಂಗಡಿಯ ರಾಜ್ಯ ಸರಕಾರಿ ಅಧಿಕಾರಿಗಳ
ವಿವಿದ್ದೊದ್ದೇಶ ಸಹಕಾರ ಸಂಘದಲ್ಲಿ ಸಾಲ ಪಡೆದಿದ್ದು, ಅದನ್ನು ಮರುಪಾವತಿಸಲು ಚೆಕ್ಕು ನೀಡಿರುತ್ತಾರೆ.
ಸದ್ರಿ ಚೆಕ್ಕನ್ನು ನಗದೀಕರಣ ಮಾಡಲು ಬ್ಯಾಂಕಿಗೆ ಹಾಜರು ಪಡಿಸಿದಾಗ ಖಾತೆಯಲ್ಲಿ ಹಣ ಇಲ್ಲವೆಂದು ಚೆಕ್ಕು
ಅಮಾನ್ಯಗೊಂಡಿದೆ.

Advertisement

Advertisement

ಈ ಕಾರಣದಿಂದ ಸೊಸೈಟಿ ಬ್ಯಾಂಕಿನವರು ಬೆಳ್ತಂಗಡಿ ಹಿರಿಯ ಸಿವಿಲ್‌ ನ್ಯಾಯಾಲಯದಲ್ಲಿ ಸಿ.ಸಿ.ನಂಬ್ರ 
247/2024 ರಲ್ಲಿ ಚೆಕ್ಕು ಅಮಾನ್ಯ ಪ್ರಕರಣ ದಾಖಲು ಮಾಡಿದ್ದರು. ಆರೋಪಿ ಪ್ರವೀಣ್‌ ಭಂಡಾರಿಯವರ ಚೆಕ್‌
ಅಮಾನ್ಯ ಪ್ರಕರಣ ನ್ಯಾಯಾಲಯದಲ್ಲಿ ಇದೀಗ ಸಾಬೀತಾಗಿದ್ದು. ಫೆ. 2 ರಂದು ನ್ಯಾಯಾಧೀಶಕರು ಆದೇಶ ನೀಡಿರುವ
ಪ್ರಕಾರ, ಆರೋಪಿ ಪ್ರವೀನ್‌ ಭಂಡಾರಿ ರೂ.3,71,961 ನ್ನು ದಂಡವಾಗಿ ಪಾವತಿಸಲು ಸೂಚಿಸಿದೆ.

ಇದರಲ್ಲಿ 3,70,961 ರೂ. ಅನ್ನು ಪ್ರಕರಣ ಫಿರ್ಯಾದಿ ರಾಜ್ಯ ಸರಕಾರಿ ಅಧಿಕಾರಿಗಳ ವಿವಿಧೋದ್ದೇಶ ಸಂಘಕ್ಕೆ
ವಾರ್ಷಿ ಶೇ.9 ರ ಬಡ್ಡಿಯೊಂದಿಗೆ ಪರಿಹಾರವಾಗಿ ಪಾವತಿಸಲು ಸೂಚಿಸಿದ್ದು, ರೂ. 2000 ನ್ನು ಪ್ರಕರಣ 
ಬಾಬ್ತು ಸರಕಾರಕ್ಕೆ ಪಾವತಿಸಲು ನ್ಯಾಯಾಲಯವು ಆದೇಶ ನೀಡಿದೆ.

ಒಂದು ವೇಳೆ ತಪ್ಪಿದ್ದಲ್ಲಿ ಆರೋಪಿ ಆರು ತಿಂಗಳ ಸಾದಾ ಕಾರಾಗೃಹ ಶಿಕ್ಷೆಯನ್ನು ಅನುಭವಿಸುವಂತೆ ಆದೇಶ
ನೀಡಿರುತ್ತಾರೆ. ಈ ಪ್ರಕರಣದಲ್ಲಿ ನ್ಯಾಯವಾದಿ ಶಿವಯ್ಯ ಎಸ್‌ ಎಲ್‌ ಪಿರ್ಯಾದಿ ಸೊಸೈಟಿ ಬ್ಯಾಂಕಿನ 
ಪರವಾಗಿ ವಾದ ಮಾಡಿದ್ದರು.

 

 

Advertisement