# ಬೆಳ್ತಂಗಡಿ: ಯತೀಶ್‌ ಕೊಲೆ ಪ್ರಕರಣ: ಆರೋಪಿಗಳಿಗೆ ಜಾಮೀನು ಮಂಜೂರು

- Link: https://hosakannada.com/crime/beltangady-yatish-murder-case-bail-granted-to-the-accused/
- Published: 2026-11-20T12:10:27+00:00
- Author: ಹೊಸಕನ್ನಡ ನ್ಯೂಸ್

Sponsored

ಬೆಳ್ತಂಗಡಿ: ಗುರುವಾಯನಕೆರೆಯ ಅಲಾದಿಕೊಟ್ಟಿಗೆ ಎಂಬಲ್ಲಿ ಜೂ.1 ರಂದು ಯತೀಶ್‌ ಗೌಡ ಎಂಬುವವರ ಕೊಲೆ
ಪ್ರಕರಣದಲ್ಲಿ ಬಂಧನಕ್ಕೊಳಗಾಗಿದ್ದ ಪಡಂಗಡಿಯ ಇಬ್ರಾಹಿಂ ಎಂಬುವವರಿಗೆ ಮಂಗಳೂರಿನ ಜಿಲ್ಲಾ ಮತ್ತು ಸೆಷೆನ್ಸ್‌
ನ್ಯಾಯಾಲಯವು ಜಾಮೀನು ಮಂಜೂರು ಮಾಡಿದ ಕೆಲವೇ ದಿನಗಳಲ್ಲಿ ಮಿತ್ತಬಾಗಿಲಿನ ಯಶೋಧರ ಮತ್ತು ಕಡಬ ತಾಲೂಕಿನ
ಚಾರ್ವಕದ ಮೋಹನ್‌ ಗೂ ಜಾಮೀನು ಮಂಜೂರಗಿದೆ.

Sponsored

ಜೂ.1 ರಂದು ಬೆಳಗ್ಗೆ ಗುರುವಾಯನಕೆರೆಯ ಅಲಾದಿಕೊಟ್ಟಿಗೆ ಎಂಬಲ್ಲಿ ಅಪರಿಚಿತ ಯುವಕನ ಮೃತದೇಹ ಪತ್ತೆಯಾಗಿತ್ತು.
ಈ ಕುರಿತು ಬೆಳ್ತಂಗಡಿ ಪೊಲೀಸ್‌ ಠಾಣೆಯಲ್ಲಿ ಅನುಮಾನಾಸ್ಪದ ಸಾವು ಪ್ರಕರಣ ದಾಖಲು ಮಾಡಲಾಗಿತ್ತು. 
ನಂತರ ಈ ಮೃತದೇಹ ಪೆರ್ನೆಯ ಯತೀಶ್‌ ಗೌಡ ಎನ್ನುವವರದ್ದು ಎಂದು ತಿಳಿದು ಬಂದಿತ್ತು. ನಂತರ ಯತೀಶ್‌ 
ಅವರ ಸಹೋದರ ನಿತಿನ್‌ ಮತ್ತು ಅವರ ಸಂಬಂಧಿಕರು ಘಟನಾ ಸ್ಥಳಕ್ಕೆ ಭೇಟಿ ನೀಡಿ ಮೃತದೇಹದ ಗುರುತು ಪತ್ತೆ
ಮಾಡಿದ್ದರು. ನಂತರ ಪೊಲೀಸರು ತನಿಖೆ ಮಾಡಿ ಮೂವರು ವ್ಯಕ್ತಿಗಳನ್ನು ಬಂಧನ ಮಾಡಿದ್ದರು.

Advertisement

Advertisement

ಪೊಲೀಸರು ಬೆಳ್ತಂಗಡಿ ತಾಲೂಕಿನ ಮಿತ್ತಬಾಗಿಲಿನ ಯಶೋಧರ, ಕಡಬ ತಾಲೂಕಿನ ಚಾರ್ವಾಕದ ಮೋಹನ್‌, ಬೆಳ್ತಂಗಡಿ
ತಾಲೂಕಿನ ಪಡಂಗಡಿಯ ಇಬ್ರಾಹಿಂ ಎನ್ನುವವರನ್ನು ಬಂಧನ ಮಾಡಿದ್ದರು. ಇವರ ವಿರುದ್ಧ ಕೊಲೆ ಪ್ರಕರಣ ದಾಖಲಾಗಿತ್ತು.

Advertisement
