# ಬಿ.ಸಿರೋಡ್‌: ಮನೆಯಲ್ಲಿ ಉಂಟಾದ ಬೆಂಕಿ, ಸುಟ್ಟು ಭಸ್ಮವಾದ ಸೊತ್ತುಗಳು, ವ್ಯಕ್ತಿಗೆ ಗಾಯ

- Link: https://hosakannada.com/crime/b-c-road-news-fire-breaks-out-in-house-property-destroyed-person-injured/
- Published: 2026-02-03T12:52:16+00:00
- Author: ಹೊಸಕನ್ನಡ ನ್ಯೂಸ್

ಬಂಟ್ವಾಳ: ಬಿ.ಸಿ.ರೋಡಿನ ಗೂಡಿನಬಳಿಯ ಬಳಕದಲ್ಲಿ ಮನೆಯೊಂದರಲ್ಲಿ ಬೆಂಕಿ ಕಾಣಿಸಿಕೊಂಡ ಪರಿಣಾಮ ಲಕ್ಷಾಂತರ
ರೂ. ಸೊತ್ತುಗಳು ಸುಟ್ಟು ಭಸ್ಮವಾಗಿ ಮನೆಯಲ್ಲಿದ್ದ ವ್ಯಕ್ತಿಯೊಬ್ಬರು ಗಾಯಗೊಂಡ ಘಟನೆ ಸೋಮವಾರ ನಡೆದಿದೆ.

Sponsored

ಚಾರ್ಲಿ ಡಿಸೋಜ ಅವರಿಗೆ ಸೇರಿದ ಮನೆಯಲ್ಲಿ ವಿಜಯ ಕುಲಾಲ್‌ ಕುಟುಂಬ ಬಾಡಿಗೆಯಲ್ಲಿ ವಾಸವಿದ್ದು, ಬಾಡಿಗೆಯ
ಮನೆಯಲ್ಲಿ ಅಗ್ನಿ ಆಕಸ್ಮಿಕ ಉಂಟಾಗಿದೆ. ವಿಜಯ ಕುಲಾಲ್‌ ಗಾಯಗೊಂಡಿದ್ದು, ಬಂಟ್ವಾಳ ಸರಕಾರಿ ಆಸ್ಪತ್ರೆಯಲ್ಲಿ
ಚಿಕಿತ್ಸೆ ಪಡೆಯುತ್ತಿದ್ದಾರೆ.

Advertisement

Advertisement

ಸೋಮವಾರ ಬೆಳಗ್ಗೆ ಸುಮಾರು 9.30 ರ ಸಮಯದಂದು ವಿಜಯ ಹಾಗೂ ಅವರ ಪುತ್ರಿ ರಕ್ಷಾ ಅವರು ಮನೆಯಲ್ಲಿದ್ದ
ಸಂದರ್ಭ ಘಟನೆ ನಡೆದಿದೆ. ಬೆಂಕಿ ಹೊತ್ತಿ ಉರಿಯುತ್ತಿದ್ದ ಸಂದರ್ಭ ಸ್ಥಳೀಯರು ಇಬ್ಬರನ್ನು ಹೊರಗೆ ತೆಗೆದು
ರಕ್ಷಣೆ ಮಾಡಿದ್ದಾರೆ. ವಿಜಯ ಅವರ ದೇಹದಲ್ಲಿ ಸುಟ್ಟ ಗಾಯಗಳಾಗಿದೆ ಎನ್ನಲಾಗಿದೆ. ಘಟನೆಗೆ ಸ್ಪಷ್ಟ 
ಕಾರಣ ತಿಳಿದು ಬಂದಿಲ್ಲ.

ಘಟನೆ ನಡೆದ ತತ್‌ಕ್ಷಣವೇ ಬಂಟ್ವಾಳ ಅಗ್ನಿಶಾಮಕ ದಳಕ್ಕೆ ಮಾಹಿತಿ ನೀಡಲಾಗಿದ್ದು, ರಸ್ತೆ ಕಿರಿದಾದ 
ಹಿನ್ನೆಲೆಯಲ್ಲಿ ವಾಹನ ಸಾಗಲು ಸಾಧ್ಯವಾಗಿಲ್ಲ. ನಂತರ ಸಣ್ಣ ವಾಹನದ ಮೂಲಕ ಪರ್ಯಾಯ ವ್ಯವಸ್ಥೆ ಕಲ್ಪಿಸಿ
ಅಗ್ನಿಶಾಮಕ ದಳದ ಸಿಬ್ಬಂದಿ ಹಾಗೂ ಸ್ಥಳೀಯರು ಬೆಂಕಿ ನಂದಿಸುವ ಕಾರ್ಯ ಮಾಡಿದರು. ಆದರೆ ಅಷ್ಟರಲ್ಲೇ
ಬಹುತೇಕ ಸೊತ್ತುಗಳು ಸುಟ್ಟು ಭಸ್ಮವಾಗಿದೆ ಎನ್ನಲಾಗಿದೆ.

ವಿಜಯ ಕುಲಾಲ್‌ ಅವರ ಕುಟುಂಬ ಆರ್ಥಿಕವಾಗಿ ತೀರಾ ಹಿಂದುಳಿದಿದ್ದು, ಜೀವನೋಪಾಯಕ್ಕಾಗಿ ಪುತ್ರಿ ವಸ್ತ್ರ
ಉದ್ಯಮ ಆರಂಭ ಮಾಡಿದ್ದರು. ಬಟ್ಟೆ ಬರೆಗಳು ಸುಟ್ಟುಹೋಗಿದ್ದು, ಕುಟುಂಬದವರು ಆತಂಕಕ್ಕೀಡು ಮಾಡಿದೆ.
ಟೈಲರಿಂಗ್‌ ಮೆಷಿನ್‌ ಕೂಡಾ ಸುಟ್ಟುಹೋಗಿದೆ.

Advertisement