# ಆಟೋ ಹತ್ತಿದ 13ರ ಬಾಲಕಿಯನ್ನು 1 ಸಾವಿರಕ್ಕೆ ಮಾರಾಟ ಮಾಡಿದ ಡ್ರೈವರ್!!

- Link: https://hosakannada.com/crime/auto-driver-sells-13-year-old-girl-for-rs-1-000/
- Published: 2026-07-03T19:18:42+00:00
- Author: ಹೊಸಕನ್ನಡ ನ್ಯೂಸ್

ಪ್ರಯಾಣ ಬೆಳೆಸಲು ಆಟೋ ಹತ್ತಿದ 13 ವರ್ಷದ ಬಾಲಕಿಯನ್ನು ಅದೇ ಆಟೋ ಡ್ರೈವರ್ ಕೇವಲ ಒಂದು ಸಾವಿರ ರೂಪಾಯಿಗೆ
ಮಾರಾಟ ಮಾಡಿರುವ ಘಟನೆ ನಡೆದಿದೆ. ಆದರೆ ಇನ್ನೂ ಮನ ಮಿಡಿಯುವಂತಹ, ರಕ್ತ ಕುದಿಯುವಂತಹ ಸಂಗತಿ ಏನೆಂದರೆ
ಮಾರಾಟವಾದ ಬಳಿಕ ಆ ಬಾಲಕಿಯನ್ನು 30 ಮಂದಿ ನಿರಂತರ ಅತ್ಯಾ*ಚಾರ ನಡೆಸಿದ್ದಾರೆ ಎಂಬುದು.

Sponsored

ಹೌದು, ರಾಜಸ್ಥಾನದ ಶ್ರೀಗಂಗಾನಗರದಲ್ಲಿ ಜೂನ್ 18 ರಂದು ಇಂತಹ ಒಂದು ಅಘಾತಕಾರಿ ಘಟನೆ ಬೆಳಕಿಗೆ ಬಂದಿದೆ.
ಮನೆಗೆ ಹೋಗಲು ಆಟೋರಿಕ್ಷಾ ಹತ್ತಿದ ಬಾಲಕಿಯನ್ನು ಅದರ ಡ್ರೈವರೇ ಒಂದು ಸಾವಿರ ರೂಪಾಯಿಗೆ ಮಾರಾಟ ಮಾಡಿದ್ದಾನೆ.
ಬಳಿಕ 30 ಜನ ಕಾಮುಕರು ಸೇರಿಕೊಂಡು ಆ ಬಾಲಕಿಯ ಮೇಲೆ ನಿರಂತರ ಅತ್ಯಾಚಾರ ಎಸಗಿದ್ದಾರೆ. ಸದ್ಯ ಈ ವಿಚಾರ
ಬಯಲಾಗುತ್ತಿದ್ದಂತೆ ಸರ್ಕಾರ, ಇಂಥವುಗಳಿಗಾಗಿಯೇ ಮೀಸಲು ಇರುವ ನಾಲ್ಕು ಹೋಟೆಲ್​ಗಳ ಮೇಲೆ ಬುಲ್ಗೋಜರ್​
ಪ್ರಹಾರ ಮಾಡಿದೆ.

Advertisement

Advertisement

ಆಟೋ ಡ್ರೈವರ್ ಯುವತಿಯನ್ನು ಹೋಟೆಲ್‌ಗೆ ಮಾರಾಟ ಮಾಡಿದ್ದಾನೆ ಎಂದು ಆರೋಪಿಸಲಾಗಿದೆ. ಹೋಟೆಲ್ ನಿರ್ವಾಹಕ
ಮತ್ತು ವ್ಯವಸ್ಥಾಪಕರು ಸಂತ್ರಸ್ತೆಯನ್ನು ಒಂದು ಕೋಣೆಯಲ್ಲಿ ಇರಿಸಿಕೊಂಡು ಇತರ ಜನರನ್ನು ಸಾಮೂಹಿಕ 
ಅತ್ಯಾ*ಚಾರ ಮಾಡಲು ಕರೆಸಿದ್ದಾರೆ ಎಂದು ಪ್ರಾಥಮಿಕ ತನಿಖೆಗಳು ಬಹಿರಂಗಪಡಿಸಿವೆ. ನಗರದಾದ್ಯಂತ ಹಲವಾರು
ಹೋಟೆಲ್‌ಗಳಲ್ಲಿ ಐದು ದಿನಗಳಲ್ಲಿ 30 ಕ್ಕೂ ಹೆಚ್ಚು ಜನರು ಬಾಲಕಿಯ ಮೇಲೆ ಪದೇ ಪದೇ ಅತ್ಯಾ*ಚಾರ ನಡೆಸಿದ್ದಾರೆ.

ಈ ಘಟನೆಯ ವಿವರ ತಿಳಿಯುತ್ತಿದ್ದಂತೆ ಇಡೀ ನಗರದಲ್ಲಿ ಉದ್ವಿಗ್ನತೆಯ ವಾತಾವರಣ ಸೃಷ್ಟಿಯಾಗಿದೆ. 150ಕ್ಕೂ
ಹೆಚ್ಚು ಹೋಟೆಲ್ ಗಳ ಮೇಲೆ ಪೊಲೀಸರು ರೈಡ್ ಮಾಡಿ ಮಾಹಿತಿ ಸಂಗ್ರಹಿಸಿದ್ದಾರೆ. ಅನೇಕ ರಾಜಕೀಯ ಮುಖಂಡರು,
ಶಾಸಕರು ಈ ವಿಚಾರವಾಗಿ ಬೀದಿಗೆ ಇಳಿದು ಪ್ರತಿಭಟಿಸಿದ್ದಾರೆ. ಅಲ್ಲದೆ ಅನೇಕ ಸಾರ್ವಜನಿಕರು ನಗರಗಳಲ್ಲಿ
ಇರುವ ಎಲ್ಲಾ ಹೋಟೆಲ್ಗಳ ನೋಂದಣಿಯ ಬಗ್ಗೆ ಸಮಗ್ರ ತನಿಖೆ ನಡೆಸಬೇಕೆಂದು ಆಗ್ರಹಿಸಿದ್ದಾರೆ.

Advertisement