# ಅಶೋಕ್‌ ಖಾರಟ್‌ ರಾಸಲೀಲೆ ವಿಡಿಯೋ ಕೇಸ್‌; ಮಹಿಳಾ ಆಯೋಗ ಮುಖ್ಯಸ್ಥೆ ರಾಜೀನಾಮೆ

- Link: https://hosakannada.com/crime/ashok-kharat-raasleela-video-case-womens-commission-chief-resigns/
- Published: 2026-03-21T11:57:10+00:00
- Author: ಹೊಸಕನ್ನಡ ನ್ಯೂಸ್

ಜ್ಯೋತಿಷಿ, ಸ್ವಯಂಘೋಷಿತ ದೇವಮಾನವ ಎಂದು ಗುರುತಿಸಿಕೊಂಡಿದ್ದ ಅಶೋಕ್‌ ಖಾರಟ್‌ ರಾಸಲೀಲೆ ಪ್ರಕರಣದಲ್ಲಿ
ಮಹತ್ವದ ಬೆಳವಣಿಗೆಯಾಗಿದೆ. 35 ರ ಮಹಿಳೆ ಮೇಲೆ ಕಳೆದ 3 ವರ್ಷದಿಂದ ಒತ್ತಾಯಪೂರ್ವ ಲೈಂಗಿಕ ಕ್ರಿಯೆ
ಮಾಡಿದ ಕ್ಯಾಪ್ಟನ್‌ ಅಶೋಕ್‌ ಖಾರಟ್‌ನನ್ನು ಪೊಲೀಸರು ಬಂಧನ ಮಾಡಿದ್ದಾರೆ.

Sponsored

ಈ ವೇಳೆ ಪೆನ್‌ಡ್ರೈವ್‌ ಅನ್ನು ವಶಪಡಿಸಿಕೊಂಡಿರುವ ಪೊಲೀಸರು 58 ಮಹಿಳೆಯರನ್ನು ಲೈಂಗಿಕವಾಗಿ ಪೀಡಿಸಿರುವ
ವಿಡಿಯೋ ಲಭ್ಯವಾಗಿದೆ. ಇದೀಗ ಈ ಬೆಳವಣಿಗೆ ಹಿನ್ನೆಲೆಯಲ್ಲಿಯೇ ಮಹಾರಾಷ್ಟ್ರ ಮಹಿಳಾ ಆಯೋಗದ ಮುಖ್ಯಸ್ಥೆ
ರಾಜೀನಾಮೆ ನೀಡಿದ್ದಾರೆ.

Advertisement

Advertisement

ಮಹಾರಾಷ್ಟ್ರ ಮಹಿಳಾ ಆಯೋಗದ ಮುಖ್ಯಸ್ಥೆ ರೂಪಾಲಿ ಚಕಾನ್ಕರ್‌ ಈ ಪ್ರಕರಣ ಸಂಬಂಧ ರಾಜೀನಾಮೆ ನೀಡಿದ್ದಾರೆ.
ಇದಕ್ಕೆ ಕಾರಣ ಅರೆಸ್ಟ್‌ ಆಗಿರುವ ಅಶೋಕ್‌ ಖಾರಟ್‌ ಮತ್ತು ರೂಪಾಲಿ ಚಕಾನ್ಕಕರ್‌ ನಡುವಿನ ಸಂಪರ್ಕ.
ಅಶೋಕ್‌ ಖಾರಟ್‌ ಅರೆಸ್ಟ್‌ ಬೆನ್ನಲ್ಲೇ ಹಲವು ಸಾರ್ವಜನಿಕ ಕಾರ್ಯಕ್ರಮಗಳ ವಿಡಿಯೋ ಹಾಗೂ ಫೋಟೋಗಳಲ್ಲಿ
ರೂಪಾಲಿ ಚಕಾನ್ಕರ್‌ ಅವರ ವಿಡಿಯೋ ಬಹಿರಂಗವಾಗಿತ್ತು.

ಇದರಲ್ಲಿ ರೂಪಾಲಿ ಚಕಾನ್ಕಕರ್‌ ಅವರು ಶೋಕ್‌ ಖಾರಟ್‌ಗೆ ಕೊಡೆ ಹಿಡಿದು ಸತ್ಕರಿಸುವ ವಿಡಿಯೋ, ಪಾದ 
ಪೂಜೆ ಮಾಡುವ ವೀಡಿಯೋ ಭಾರೀ ಕೋಲಾಹಲಕ್ಕೆ ಕಾರಣವಾಗಿತ್ತು. ಮಹಿಳಾ ಆಯೋಗದ ಅಧ್ಯಕ್ಷೆಯೇ ಈ ಆರೋಪಿ ಜೊತೆ
ಸೇರಿಕೊಂಡಿದ್ದು, ಇನ್ನು ಮಹಿಳೆಯರಿಗೆ ನ್ಯಾಯ ಸಿಗಲು ಸಾಧ್ಯವೇ ಎಂದು ಮಹಾರಾಷ್ಟ್ರದ ವಿಪಕ್ಷಗಳು ಹಾಗೂ
ಹಲವು ನಾಯಕರು ಆಕ್ರೋಶ ಹೊರಹಾಕಿದ್ದವು. ಇದರಿಂದ ತೀವ್ರ ಮುಜುಗರಕ್ಕೆ ಒಳಗಾದ ರೂಪಾಲಿ ಚಕಾನ್ಕರ್‌ 
ರಾಜೀನಾಮೆ ನೀಡಿದ್ದಾರೆ.

ಮಹಾರಾಷ್ಟ್ರ ಮಹಿಳಾ ಆಯೋಗದ ಮುಖ್ಯಸ್ಥೆ ರೂಪಾಲಿ ಚಕಾನ್ಕರ್ ಅರೆಸ್ಟ್ ಆಗಿರುವ ಅಶೋಕ್ ಖಾರಟ್ ಅವರ 
ಖಾರಟ್ ಟ್ರಸ್ಟ್‌ನ ಸದಸ್ಯೆಯಾಗಿದ್ದಾರೆ. ಇತ್ತ ಹಲವು ಕಾರ್ಯಕ್ರಮಗಳಲ್ಲಿ ಅಶೋಕ್ ಖಾರಟ್ ಜೊತೆ ಕಾಣಿಸಿಕೊಂಡಿದ್ದಾರೆ.
ಇತ್ತ ವಿಪಕ್ಷಗಳ ಒತ್ತಡ ತೀವ್ರಗೊಳ್ಳುತ್ತಿದ್ದಂತೆ ಮಹಿಳಾ ಆಯೋಗ ಮುಖ್ಯಸ್ಥೆ ರೂಪಾಲಿ, ಮುಖ್ಯಮಂತ್ರಿ
ದೇವೇಂದ್ರ ಫಡ್ನವಿಸ್‌ಗೆ ರಾಜೀನಾಮೆ ಪತ್ರ ಸಲ್ಲಿಸಿದ್ದಾರೆ. ವೈಯುಕ್ತಿಕ ಕಾರಣ ನೀಡಿ ರಾಜೀನಾಮೆ ಸಲ್ಲಿಸಿದ್ದಾರೆ.

Advertisement