# ರೋಗ ನಿವಾರಣೆಗೆ ವಾಮಾಚಾರ-ಇಬ್ಬರು ಸಹೋದರಿಯರನ್ನು ಕೊಚ್ಚಿ ಕೊಂದ ಅಣ್ಣ

- Link: https://hosakannada.com/crime/an-elder-brother-who-killed-both-his-sisters-for-curing-an-illness/
- Published: 2026-10-14T11:12:34+00:00
- Author: ಹೊಸಕನ್ನಡ ನ್ಯೂಸ್

ಮೂಢನಂಬಿಕೆಯ ಅತಿರೇಕದಿಂದ ಮಾಟ ಮಂತ್ರ ಆಚರಣೆ ಮಾಡಿದ 45 ವರ್ಷದ ವ್ಯಕ್ತಿಯೊಬ್ಬ ತನ್ನಿಬ್ಬರು ಸಹೋದರಿಯರನ್ನು
ಕೊಚ್ಚಿ ಭೀಕರವಾಗಿ ಹತ್ಯೆ ಮಾಡಿರುವ ಆಘಾತಕಾರಿ ಘಟನೆ ಜಾರ್ಖಂಡ್‌ನ ಪೂರ್ವ ಸಿಂಗ್‌ಭೂಮ್‌ ಜಿಲ್ಲೆಯ
ಧಲ್ಭುಮ್‌ಗಢ ಪೊಲೀಸ್‌ ಠಾಣೆ ವ್ಯಾಪ್ತಿಯ ಬಾಬೈದಾ ಗ್ರಾಮದಲ್ಲಿ ಈ ದಾರುಣ ಕೃತ್ಯ ನಡೆದಿದೆ.

Sponsored

ಆರೋಪಿಯನ್ನು ಬಂಧನ ಮಾಡಲಾಗಿದ್ದು, ಸ್ವತಃ ಆತನೇ ಪೊಲೀಸ್‌ ಠಾಣೆಗೆ ತೆರಳಿ ಶರಣಾಗಿದ್ದಾನೆ.

Advertisement

Advertisement

ತೀವ್ರ ಅನಾರೋಗ್ಯದಿಂದ ಬಳಲುತ್ತಿದ್ದ ಆರೋಪಿ ಗ್ರಾಮದ ಮಾಂತ್ರಿಕ ಬಳಿ ಚಿಕಿತ್ಸೆ ಪಡೆಯುತ್ತಿದ್ದ. 
ಆತನ ಮನೆಯಲ್ಲಿ ವಿಪರೀತ ಔಷಧಗಳು ಪತ್ತೆಯಾಗಿದೆ. ತಾನಗಿರುವ ಖಾಯಿಲೆ ಗುಣವಾಗಲು ವಿಶೇಷ ಪೂಜೆ, ಮಂತ್ರದ
ಅಗತ್ಯವಿದೆ ಎಂದು ನಂಬಿದ ಆರೋಪಿ ತನ್ನ ಇಬ್ಬರು ಸಹೋದರಿಯರನ್ನು (55 ವರ್ಷ, 50ವರ್ಷ) ತನ್ನ ಮನೆಗೆ
ಆಹ್ವಾನಿಸಿ, ಪೂಜೆಯ ನೆಪದಲ್ಲಿ ಕೂರಿಸಿ ನಂತರ ಕೊಡಲಿಯಿಂದ ಮನಬಂದಂತೆ ಕೊಚ್ಚಿ ಬರ್ಬರವಾಗಿ ಹತ್ಯೆ 
ಮಾಡಿದ್ದಾರೆ.

ಆರೋಪಿಯ ಇನ್ನೋರ್ವ ಸಹೋದರಿ, ನನ್ನನ್ನೂ ಸಹ ಆ ಪೂಜೆಗೆ ಬರಲು ಅಣ್ಣ ಕರೆದಿದ್ದ. ನಾನು ಹೋಗಿರಲಿಲ್ಲ.
ನಾನು ಪ್ರಾಣಾಪಾಯದಿಂದ ಪಾರಾಗಿದ್ದೇನೆ ಎಂದು ಹೇಳಿದ್ದಾರೆ.

ಆರೋಪಿ ಇಬ್ಬರನ್ನು ಕೊಲೆ ಮಾಡಿದ ನಂತರ ಒಳಗಿನಿಂದ ಲಾಕ್‌ ಮಾಡಿದ್ದು, ಸುಮಾರು 15 ಕಿ.ಮೀ. ನಡೆದುಕೊಂಡೇ
ಪೊಲೀಸ್‌ ಠಾಣೆಗೆ ತೆರಳಿ ತಾನೇ ಕೃತ್ಯ ಎಸಗಿರುವುದಾಗಿ ಒಪ್ಪಿ ಶರಣಾಗಿದ್ದಾನೆ. ಪೊಲೀಸರು ಸ್ಥಳಕ್ಕೆ
ಧಾವಿಸಿದ್ದು, ಹತ್ಯೆಗೆ ಬಳಸಿದ ಕೊಡಲಿಯನ್ನು ವಶಪಡಿಸಿದ್ದಾರೆ. ಪ್ರಕರಣ ದಾಖಲಿಸಿ ತನಿಖೆ ಮುಂದುವರಿಸಿದ್ದಾರೆ.

Advertisement