# ಮತ್ತೊಮ್ಮೆ ಅಜ್ಜನಾದ ತಲೈವ ರಜನಿಕಾಂತ್ | ಮಗನಿಗೆ  “ರಜನಿಕಾಂತ್” ಎಂದು ನಾಮಕರಣ ಮಾಡಿದ ಮಗಳು ಸೌಂದರ್ಯ

- Link: https://hosakannada.com/cinema-sports/soundarya-rajanikanth-gave-birth-to-baby/
- Published: 2022-09-12T15:03:17+00:00
- Author: ಕೆ. ಎಸ್. ರೂಪಾ

ಸೂಪರ್​ ಸ್ಟಾರ್ ರಜನಿಕಾಂತ್​ ಅವರ ಎರಡನೇ ಪುತ್ರಿ ಸೌಂದರ್ಯಾ ರಜನಿಕಾಂತ್​ ಗಂಡು ಮಗುವಿಗೆ ಜನ್ಮ 
ನೀಡಿದ್ದಾರೆ. ಸೆಪ್ಟೆಂಬರ್​ 11ರ ರಾತ್ರಿ ಸೋಶಿಯಲ್​ ಮೀಡಿಯಾದಲ್ಲಿ ಈ ಸುದ್ದಿಯನ್ನು ಅವರು ಹಂಚಿಕೊಂಡಿದ್ದಾರೆ.

Sponsored

![](https://hosakannada.com/wp-content/uploads/2022/09/IMG-20220912-WA0029.jpg)

Advertisement

Advertisement

ಈ ಮೂಲಕ ರಜನಿಕಾಂತ್​ ಕುಟುಂಬದಲ್ಲಿ ಸಂಭ್ರಮ ಮನೆ ಮಾಡಿದ್ದು, ಮತ್ತೊಮ್ಮೆ ತಲೈವ ರಜನಿಕಾಂತ್ ಅಜ್ಜನಾಗಿದ್ದಾರೆ.
ಚೆನ್ನೈನ ಖಾಸಗಿ ಆಸ್ಪತ್ರೆಯಲ್ಲಿ ಮಗುವಿನ ಜನ್ಮ ನೀಡಿರುವ ಅವರು ಮಗುವಿನ ಕೈ ಫೋಟೋ ಶೇರ್​ ಮಾಡಿಕೊಂಡಿದ್ದಾರೆ.
ಸೌಂದರ್ಯಾ ಅವರಿಗೆ ವೇದ್​ ಎಂಬ ಪುತ್ರನಿದ್ದಾನೆ. ಈಗ ಅವರು ಎರಡನೇ ಮಗನ ಆಗಮನದಿಂದ ಖುಷಿ ಆಗಿದ್ದಾರೆ.
ಈ ಮಗನಿಗೆ ವೀರ್ ರಜನಿಕಾಂತ್​ ವನಂಗಮುಡಿ​ ಎಂದು ಹೆಸರು ಇಡಲಾಗಿದೆ.

‘ದೇವರ ಕೃಪೆ ಮತ್ತು ತಂದೆ-ತಾಯಿ ಆಶೀರ್ವಾದದಿಂದ ಸೆಪ್ಟೆಂಬರ್​ 11ರಂದು ವೀರ್​ ರಜನಿಕಾಂತ್​ ವನಂಗಮುಡಿಗೆ
ನಾನು, ವಿಶಾಗನ್​ ಮತ್ತು ವೇದ್​ ಸ್ವಾಗತ ಕೋರಿದ್ದೇವೆ’ ಎಂದು ಸೌಂದರ್ಯಾ ರಜನಿಕಾಂತ್​ ಟ್ವೀಟ್​ ಮಾಡಿದ್ದಾರೆ.
ಈ ಸಂದರ್ಭದಲ್ಲಿ ಜೊತೆಗಿದ್ದ ವೈದ್ಯರಿಗೆ ಅವರು ಧನವಾದ ಅರ್ಪಿಸಿದ್ದಾರೆ.

ಸೌಂದರ್ಯಾ ಅವರು ಅಶ್ವಿನ್ ರಾಮ್​ಕುಮಾರ್​ ಜೊತೆ 2010ರಲ್ಲಿ ಮದುವೆ ಆಗಿದ್ದರು. ಈ ಜೋಡಿಗೆ 2015ರಲ್ಲಿ
ಮೊದಲ ಮಗು ಜನಿಸಿತು. 2017ರಲ್ಲಿ ಸೌಂದರ್ಯಾ ಮತ್ತು ಅಶ್ವಿನ್ ವಿಚ್ಛೇದನ ಪಡೆದುಕೊಂಡರು. 2019ರಲ್ಲಿ
ವಿಶಾಗನ್​ ವನಂಗಮುಡಿ ಜೊತೆ ಸೌಂದರ್ಯಾ ಎರಡನೇ ಮದುವೆ ಮಾಡಿಕೊಂಡರು. ಈಗ ಈ ದಂಪತಿಗೆ ಮಗು ಜನಿಸಿದೆ.

 https://www.instagram.com/p/CiX8A45Ppl5/?utm_source=ig_web_copy_link

Advertisement