# Amazon Prime: ಓರ್ವ ನಟಿಯಿಂದ ದೈತ್ಯ ಅಮೆಜಾನ್ ಗೆ ಭಾರೀ ಹೊಡೆತ ? ಅಂತದ್ದೇನಾಗಿತ್ತು ಅವಳಿಂದ ?

- Link: https://hosakannada.com/cinema-sports/latest-news-cinima-news-this-web-series-flopped-and-was-a-huge-loss-to-amazon-prime/
- Published: 2023-07-08T11:25:35+00:00
- Author: Mallika

Amazon Prime: ಇತ್ತೀಚೆಗಷ್ಟೆ ನಟಿ ಪ್ರಿಯಾಂಕಾ ಚೋಪ್ರಾ (Priyanka Chopra) ಮತ್ತು ರಿಚರ್ಡ್‌
ಮ್ಯಾಡೆನ್‌ ನಟಿಸಿರುವ ಸಿಟಾಡೆಲ್ ವೆಬ್ ಸರಣಿ ಅಮೆಜಾನ್ ಪ್ರೈಂನಲ್ಲಿ (Amazon Prime) ಬಿಡುಗಡೆ 
ಆಗಿತ್ತು. ಆದರೆ ಈ ವೆಬ್ ಸೀರೀಸ್ ದೊಡ್ಡ ಸೋಲನ್ನು ಕಂಡಿದೆ. ಸೀರಿಸ್‌ ಬಗ್ಗೆ ಸಾಕಷ್ಟು ನಿರೀಕ್ಷೆಯಿತ್ತಾದರೂ
ಅದನ್ನು ನಿಜ ಮಾಡುವಲ್ಲಿ ಮುಗ್ಗರಿಸಿದೆ. ಇದೀಗ ಈ ವೆಬ್ ಸರಣಿ ಫ್ಲಾಪ್ ಆಗಿದ್ದು ಅಮೆಜಾನ್ ಪ್ರೈಂ 
ಗೆ ಭಾರಿ ಸಂಕಷ್ಟ ಎದುರಾಗಿದೆ.

Sponsored

ಅಮೆಜಾನ್​ ಪ್ರೈಂ ನಿರ್ಮಾಣದ ಅತಿ ದೊಡ್ಡ ಬಜೆಟ್​ನ ವೆಬ್​ ಸರಣಿಗಳಲ್ಲಿ ಒಂದು ಎಂಬ ಖ್ಯಾತಿಗೆ ಸಿಟಾಡೆಲ್
ಪಾತ್ರವಾಗಿತ್ತು.ಆಕ್ಷನ್ ಥ್ರಿಲ್ಲರ್‌ ಕಥೆ ಹೊಂದಿರುವ ಈ ಸೀರಿಸ್‌ನಲ್ಲಿ ಪ್ರಿಯಾಂಕಾ, ರಿಚರ್ಡ್‌ 
ಜತೆಯಲ್ಲಿ ರುಸ್ಸೋ ಬ್ರದರ್ಸ್‌ ಕೂಡ ಇದ್ದಾರೆ. ಅಂದ ಹಾಗೆ ಈ ಸೀರಿಸ್‌ ಗೆ ಬರೋಬ್ಬರಿ 2000 ಕೋಟಿ 
ರೂ. ಹಣವನ್ನು ಅಮೆಜಾನ್ ಪ್ರೈಂ ಸುರಿದಿತ್ತು.

Advertisement

Advertisement

ಮೊದಲಿಗೆ ಈ ಸೀರಿಸ್‌ನ ಒಂದೊಂದು ಎಪಿಸೋಡ್‌ಗೆ 20 ಮಿಲಿಯನ್‌ ಡಾಲರ್‌ ಅನ್ನು ಪ್ರೈಮ್‌ ನೀಡಲು ಅಂದಾಜು
ಹಾಕಿತ್ತು. ಆದರೆ ಸೀರಿಸ್‌ನ ಒಟ್ಟಾರೆ ಖರ್ಚು 250 ಮಿಲಿಯನ್‌ ಡಾಲರ್‌ಗೆ ಏರಿಕೆಯಾಯಿತು. ದೊಡ್ಡ ದೊಡ್ಡ
ಸ್ಟಾರ್ ನಟ ನಟಿಯರು ನಟಿಸಿರುವ ಈ ಸರಣಿಗೆ ಪ್ರಚಾರವನ್ನೂ ಜೋರಾಗಿಯೇ ಮಾಡಲಾಗಿತ್ತಾದರೂ ಪ್ರೇಕ್ಷಕರ
ಮನದಿಂದ ಸಿಟಾಡೆಲ್ ತಿರಸ್ಕರಿಸಲ್ಪಟ್ಟಿದೆ.

ಸಿಟಾಡೆಲ್(Citadel) ದೊಡ್ಡಮಟ್ಟದ ಸೋಲಿನ ಬಳಿಕ ಇದರ ಬೆನ್ನಲ್ಲೆ ಅದರ ಶೋಗಳು ಸಹ ಒಂದರ ಮೇಲೊಂದು 
ಸೋಲುತ್ತಿರುವುದು ದೈತ್ಯ ಒಟಿಟಿಗೆ ನುಂಗಲಾರದ ತುತ್ತಾಗಿದೆ. ಹೀಗಾಗಿ ಅಮೆಜಾನ್​ ಸಿಇಒ ಆಂಡಿ ಜಸ್ಸಿ,
ಸಿಟಾಡೆಲ್ ಸೇರಿದಂತೆ ಇನ್ನೂ ಕೆಲವು ಶೋಗಳ ಬಜೆಟ್ ನಿರ್ವಹಣೆಯ ಪರಿಪೂರ್ಣ ವರದಿಯನ್ನು ಕೇಳಿದ್ದಾರಂತೆ.
ಸಿಟಾಡೆಲ್ ಮಾತ್ರವಲ್ಲದೆ ವಿಶ್ವದ ಅತಿ ದೊಡ್ಡ ಬಜೆಟ್​ನ ವೆಬ್ ಸರಣಿ ಎಂಬ ಖ್ಯಾತಿಗೆ ಪಾತ್ರವಾಗಿದ್ದ
ಲಾರ್ಡ್ ಆಫ್​ ದಿ ರಿಂಗ್ಸ್; ದಿ ರಿಂಗ್ಸ್ ಆಫ್ ಪವರ್ ವೆಬ್ ಸರಣಿಯೂ ಸಹ ಜನರ ನಿರೀಕ್ಷೆಯನ್ನು ಗಳಿಸುವಲ್ಲಿ
ವಿಫಲವಾಯಿತು.

ಇನ್ನೊಂದತ್ತ ಈ ಸಿಟಾಡೆಲ್ ಸೀರಿಸ್‌ ಭಾರತದ ವರ್ಷನ್‌ ಅನ್ನೂ ತಯಾರಿಸಲಾಗುತ್ತಿದೆ. ಪ್ರಿಯಾಂಕಾ ನಟಿಸಿದ್ದ
ಪಾತ್ರದಲ್ಲಿ ಇಲ್ಲಿ ಸಮಂತಾ ರುತ್ ಪ್ರಭು(Samantha Ruth Prabhu) ನಟಿಸುತ್ತಿದ್ದಾರೆ. ನಾಯಕನಾಗಿ
ಬಾಲಿವುಡ್ ಸ್ಟಾರ್ ವರುಣ್ ಧವನ್(Varun Dhavan) ನಟಿಸಲಿದ್ದಾರೆ. ಪ್ರಿಯಾಂಕಾರ ಸಿಟಾಡೆಲ್ ಸೋಲು 
ಸಮಂತಾರ ಸಿಟಾಡೆಲ್​ ಮೇಲೂ ಪರಿಣಾಮ ಬೀರುವ ಸಾಧ್ಯತೆ ಇದೆ.

 

ಇದನ್ನು ಓದಿ: [Congress Government: ಬಿಜೆಪಿ ಸರ್ಕಾರದ ಬರೋಬ್ಬರಿ 17 ಯೋಜನೆಗಳಿಗೆ ಕೊಕ್ಕೆ ಮಡಗಿದ ಡಿಕೆ – ಸಿದ್ದು ಜೋಡಿ ](https://hosakannada.com/2023/07/08/congress-government-siddaramaiah-d-k-sivakumar-17-projects-of-bjp-government-have-been-dropped-in-the-budget/)

Advertisement