# ಬಿಗ್ ಬಾಸ್ ಕನ್ನಡ- 13ರ ಪ್ರೊಮೋ ಔಟ್ – ಈ ಬಾರಿ ಬೇಗ ಶುರುವಾಗಲಿದೆ ದೊಡ್ಮನೆ ಆಟ

- Link: https://hosakannada.com/cinema-sports/bigg-boss-kannada-13-promo-out-this-time-the-dodmane-game-will-start-soon/
- Published: 2026-06-04T08:48:45+00:00
- Author: ಹೊಸಕನ್ನಡ ನ್ಯೂಸ್

ಬಿಗ್ ಬಾಸ್ ಎಂಬುದು ಕನ್ನಡ ಕಿರುತೆರೆಯಲ್ಲಿ ಅತ್ಯಂತ ಜನಪ್ರಿಯವಾದ ರಿಯಾಲಿಟಿ ಶೋ ಆಗಿದೆ. ಈಗಾಗಲೇ
ಕನ್ನಡದಲ್ಲಿ 12 ಬಿಗ್ ಬಾಸ್ ಶೋಗಳು ಮುಕ್ತಾಯವಾಗಿವೆ. ಬಿಗ್ ಬಾಸ್ ಕನ್ನಡ ಸೀಸನ್ 12 ನಾಲ್ಕು ತಿಂಗಳ
ಹಿಂದಷ್ಟೇ ಅಂತ್ಯವಾಗಿತ್ತು. ಅಂದರೆ ಈ ಶೋ ನಿನ್ನೆ ಮೊನ್ನೆ ಮುಗಿದಾಗಿದೆ. ಇದರ ಬೆನ್ನಲ್ಲೇ ಇದೀಗ 
ಬಿಗ್ ಬಾಸ್ ಕನ್ನಡ- 13ರ ಪ್ರೋಮೋ ರಿಲೀಸ್ ಆಗಿದೆ.

Sponsored

ಹೌದು, ಬಿಗ್ ಬಾಸ್ ಕನ್ನಡ 12’ ಫೀವರ್‌ನಲ್ಲೇ ಇರುವ ‘ಬಿಗ್ ಬಾಸ್ ಪ್ರಿಯರಿಗೆ’ ಕಲರ್ಸ್ ಕನ್ನಡ ವಾಹಿನಿ‘
ಬಿಗ್’ ಸರ್‌ಪ್ರೈಸ್ ನೀಡಿದೆ. ‘ಬಿಗ್ ಬಾಸ್ ಕನ್ನಡ 13’ ಪ್ರೋಮೋವನ್ನ ಕಲರ್ಸ್ ಕನ್ನಡ ವಾಹಿನಿ ತನ್ನ
ಅಧಿಕೃತ ಸೋಷಿಯಲ್ ಮೀಡಿಯಾ ಪುಟಗಳಲ್ಲಿ ಬಿಡುಗಡೆ ಮಾಡಿದೆ. ಪ್ರೋಮೋದಲ್ಲಿ ‘ಗೋಲ್ಡನ್’ ಬಣ್ಣ ಹೈಲೈಟ್
ಆಗಿದೆ. ಚಿನ್ನದ ಪ್ರತಿಮೆಗಳಂತಹ ವ್ಯಕ್ತಿಗಳು ನಡೆದುಕೊಂಡು ಬರುವಂತೆ… ಅದು ‘ಬಿಗ್ ಬಾಸ್’ ಕಣ್ಣಾಗಿ
ಬದಲಾಗುವಂತೆ ಪ್ರೋಮೋ ಬಿಡುಗಡೆ ಮಾಡಲಾಗಿದೆ.

Advertisement

Advertisement

ಸಾಮಾನ್ಯವಾಗಿ ಪ್ರತಿ ವರ್ಷ ಸೆಪ್ಟೆಂಬರ್ ಅಥವಾ ಅಕ್ಟೋಬರ್ ತಿಂಗಳಿನಲ್ಲಿ ಆರಂಭವಾಗುತ್ತಿದ್ದ ಬಿಗ್
ಬಾಸ್ ಶೋ, ಈ ಬಾರಿ ಎಂದಿಗಿಂತಲೂ ಅತ್ಯಂತ ಬೇಗನೆ ಪ್ರಸಾರವಾಗಲಿದೆ ಎಂಬುದನ್ನು ವಾಹಿನಿ ಖಚಿತಪಡಿಸಿದೆ.
ಸೋಶಿಯಲ್ ಮೀಡಿಯಾದಲ್ಲಿ ಹೊಸ ಪ್ರೋಮೋ ಹಂಚಿಕೊಂಡಿರುವ ಕಲರ್ಸ್ ಕನ್ನಡ ತಂಡ, “ಈ ವರ್ಷ ಬೇಗ ಶುರುವಾಗ್ತಿದೆ
ಕನ್ನಡಿಗರ ಹಬ್ಬ… With something special” ಎಂಬ ಆಕರ್ಷಕ ಕ್ಯಾಪ್ಷನ್ ನೀಡಿದೆ. ಇದು ಬಿಗ್ ಬಾಸ್
ಪ್ರೇಕ್ಷಕರಲ್ಲಿ ತೀವ್ರ ಕುತೂಹಲವನ್ನು ಕೆರಳಿಸಿದೆ. ಅಲ್ಲದೆ ಬಾರಿ ಯಾರಿಲ್ಲ ಸ್ಪರ್ಧಿಗಳಾಗಿ ಮನೆಗೆ
ಎಂಟ್ರಿ ಕೊಡುತ್ತಾರೆ ಎಂಬ ಕಾತರತೆ ಕಾಡುತ್ತಿದೆ.

ಇನ್ನೂ 11ನೇ ಸೀಸನ್​ ಬಳಿಕ ಮುಂದಿನ ಸೀಸನ್​ನಿಂದ ತಾವು ಕಾಣಿಸಿಕೊಳ್ಳುವುದಿಲ್ಲ ಎಂದು ಶಾಕ್​ ಕೊಟ್ಟ
ಕಿಚ್ಚ ಸುದೀಪ್​, ಕೊನೆಗೆ ಒಂದಲ್ಲ, ನಾಲ್ಕು ಸೀಸನ್​ಗಳನ್ನು ಒಪ್ಪಿಕೊಂಡಿದ್ದಾರೆ. ತಾವು ಮುಂದೆ ಕಾಣಿಸಿಕೊಳ್ಳುವುದಿಲ್ಲ
ಎನ್ನುವುದಕ್ಕೂ ತಮ್ಮದೇ ಆದ ಕಾರಣ ಕೊಟ್ಟು, ಕೊನೆಗೆ ತಾವು ಯಾಕೆ ಕಾಣಿಸಿಕೊಳ್ಳುತ್ತಿದ್ದೇವೆ ಎನ್ನುವುದಕ್ಕೂ
ಕಾರಣ ಕೊಟ್ಟಿದ್ದಾರೆ. ಇದರಿಂದಾಗಿ ಕಿಚ್ಚ ಸುದೀಪ್​ (Kichcha Sudeep) 13ನೇ ಸೀಸನ್​ ಅನ್ನು ನಡೆಸಿಕೊಡುವುದು
ಕನ್​ಫರ್ಮ್​ ಆಗಿದೆ

Advertisement