# ಮತ್ತೆ ಒಂದಾಗಲಿದ್ದಾರೆ ಸೂಪರ್ ಹಿಟ್ ‘ಬಾಹುಬಲಿ’ ಜೋಡಿ !!| ಮದುವೆ ಆಗುತ್ತಾರೆಂದು ಸುದ್ದಿಯಾಗಿದ್ದ ಈ ಜೋಡಿ ಮತ್ತೆ ಒಂದಾದ ಕಾರಣ !??

- Link: https://hosakannada.com/cinema-sports/bahubali-jodi-and-their-latest-update/
- Published: 2022-03-31T21:13:39+00:00
- Author: ಹೊಸಕನ್ನಡ ನ್ಯೂಸ್

ಅದು ದಕ್ಷಿಣ ಭಾರತದ ಬಲು ಮುದ್ದಾದ ಜೋಡಿ. ಪ್ರತಿ ಸಿನಿಮಾದಲ್ಲೂ ಸಿನಿರಸಿಕರ ಮನಗೆದ್ದ ಕ್ಯೂಟ್ ಕಪಲ್.‘
ಬಾಹುಬಲಿ’ಯ ಮೂಲಕ ಭಾರತೀಯ ಸಿನಿರಂಗದಲ್ಲಿ ಸಂಚಲನ ಸೃಷ್ಟಿಸಿದ್ದ ಈ ಜೋಡಿ ಮತ್ತೆ ತೆರೆ ಮೇಲೆ ಒಂದಾಗಲೇ
ಇಲ್ಲ. ಆದರೆ ಇದೀಗ ಸಿನಿ ರಸಿಕರಿಗೆ ಸಿಹಿ ಸುದ್ದಿ ಸಿಕ್ಕಿದ್ದು, ತೆರೆ ಮೇಲೆ ಕಣ್ಮರೆಯಾಗಿದ್ದ ಆ 
ಜೋಡಿ ಮತ್ತೆ ಒಂದಾಗುತ್ತಿದೆ. ಅಷ್ಟಕ್ಕೂ ನಾವು ಹೇಳ್ತಿರೋದು ಯಾವ ಜೋಡಿ ಬಗ್ಗೆ ಅಂತ ನಿಮಗೆ ಈಗಾಗಲೇ
ಗೊತ್ತಾಗಿದೆ ಅಲ್ವಾ..?

Sponsored

ಆ ಜೋಡಿ ಬೇರಾರೂ ಅಲ್ಲ, ಯಂಗ್ ರೆಬೆಲ್ ಪ್ರಭಾಸ್ ಹಾಗೂ ಕರಾವಳಿ ಮೂಲದ ಬೆಡಗಿ ಅನುಷ್ಕಾ ಶೆಟ್ಟಿ ಜೋಡಿ.
ಬಾಹುಬಲಿ….ಭಾರತೀಯ ಸಿನಿಮಾ ರಂಗದಲ್ಲಿ ಈ ಚಿತ್ರ ಸೃಷ್ಟಿಸಿದ ದಾಖಲೆಗಳು ಒಂದೆರಡಲ್ಲ. ಬಾಕ್ಸ್‌ ಆಫಿಸ್‌ನಿಂದ
ಹಿಡಿದು, ಪ್ರತಿ ಹಂತದಲ್ಲೂ ಈ ಸಿನಿಮಾ ನೂರಾರು ದಾಖಲೆ ಸೃಷ್ಟಿಮಾಡಿತ್ತು. ಅದರಲ್ಲೂ ಪ್ರಭಾಸ್‌ ಮತ್ತು
ಅನುಷ್ಕಾ ಶೆಟ್ಟಿ ಜೋಡಿ ಬಾಹುಬಲಿ ಚಿತ್ರದಲ್ಲಿ ದೊಡ್ಡ ಮೋಡಿ ಮಾಡಿತ್ತು. ಈ ಸಿನಿಮಾ ಬಳಿಕ ಪ್ರಭಾಸ್‌
ಮತ್ತು ಅನುಷ್ಕಾ ಶೆಟ್ಟಿ ಮದುವೆ ಕೂಡ ಆಗ್ತಾರೆ ಅನ್ನೋ ಗಾಸಿಪ್‌ ದೊಡ್ಡದಾಗಿತ್ತು. ಆದರೆ ಅದೆಲ್ಲಾ
ಗಾಸಿಪ್, ನಾವು ಒಳ್ಳೆಯ ಗೆಳೆಯರು ಅಂತಾ ಹೇಳಿ ಈ ಜೋಡಿ ತಕ್ಕ ಉತ್ತರ ನೀಡಿತ್ತು.

Advertisement

Advertisement

![](https://hosakannada.com/wp-content/uploads/2022/03/1bc2a740e38aae9ebaf4e0366b72a503.
jpg)

ಇನ್ನು ಬಾಹುಬಲಿ ಬಳಿಕ ಅನುಷ್ಕಾ ಶೆಟ್ಟಿ ಹಾಗೂ ಪ್ರಭಾಸ್‌ ಜೋಡಿ ಒಟ್ಟಿಗೆ ಯಾವ ಸಿನಿಮಾದಲ್ಲೂ ಕಾಣಿಸಿಕೊಳ್ಳಲೇ
ಇಲ್ಲ. ಈ ಜೋಡಿಯ ಮದುವೆ ವಿಚಾರ ಗಾಸಿಪ್‌ ಅಂತಾ ಗೊತ್ತಾದ ನಂತರ, ಕಡೇ ಪಕ್ಷ ಮತ್ತೆ ಒಟ್ಟಿಗೆ ನಟನೆ
ಮಾಡ್ತಾರಾ ಅಂತಾ ಅವರ ಅಭಿಮಾನಿಗಳು ಕುತೂಹಲದಿಂದ ಕಾಯುತ್ತಿದ್ದರು. ಅಭಿಮಾನಿಗಳ ಈ ಎಲ್ಲಾ ಕುತೂಹಲಗಳಿಗೆ
ಇದೀಗ ಉತ್ತರ ಸಿಕ್ಕಿದೆ. ಫ್ಯಾನ್ಸ್‌ ದಿಲ್‌ ಖುಷ್‌ ಆಗಿದೆ.

![](https://hosakannada.com/wp-content/uploads/2022/03/Prabhas_anushka.jpg)

ಹೌದು, ಬಾಹುಬಲಿಯ ಜೋಡಿ ಪ್ರಭಾಸ್‌ ಮತ್ತು ಅನುಷ್ಕಾ ಶೆಟ್ಟಿ ಮತ್ತೆ ಬೆಳ್ಳಿತೆರೆ ಮೇಲೆ ಒಂದಾಗುತ್ತಿದ್ದಾರೆ.
ಈ ಸುದ್ದಿ ಕನ್ಫರ್ಮ್‌ ಕೂಡ ಆಗಿದೆ. ಸದ್ಯ ‘ರಾಜ ಡಿಲಕ್ಸ್’ ಎಂದು ಹೆಸರು ಇಟ್ಟಿರುವ ಚಿತ್ರದಲ್ಲಿ 
ಪ್ರಭಾಸ್‌, ಅನುಷ್ಕಾ ಶೆಟ್ಟಿ ಜೋಡಿ ಒಟ್ಟಾಗಿ ನಟಿಸಲಿದ್ದಾರೆ. ಈ ಮೂಲಕ ಮತ್ತೊಮ್ಮೆ ಕಮಾಲ್‌ ಮಾಡಲು
ಪ್ರಭಾಸ್‌ ಮತ್ತು ಅನುಷ್ಕಾ ಶೆಟ್ಟಿ ಸಜ್ಜಾಗಿದ್ದಾರೆ. ಇದು ಇಬ್ಬರ ಅಭಿಮಾನಿಗಳಿಗೆ ರಸದೌತಣ ನೀಡುವ
ಮುನ್ಸೂಚನೆ ನೀಡಿದೆ.

![](https://hosakannada.com/wp-content/uploads/2022/03/1-1-1024x768.jpg)

‘ರಾಜ ಡಿಲಕ್ಸ್’ ಬಗ್ಗೆ ಮಾತುಕತೆ ನಡೆದು ಎಲ್ಲಾ ಫೈನಲ್‌ ಆಗಿದ್ದರು ಕೂಡ ಕಥೆ ಮತ್ತಿತರ ಮಾಹಿತಿಗಳು
ಬಹಿರಂಗವಾಗಿಲ್ಲ. ಅನುಷ್ಕಾ ಶೆಟ್ಟಿ ಕೂಡ ಈ ಸಿನಿಮಾದಲ್ಲಿ ನಟಿಸಲು ಗ್ರೀನ್‌ ಸಿಗ್ನಲ್‌ ಕೊಟ್ಟಿದ್ದಾರಂತೆ.
ಈ ಮೂಲಕ ಮತ್ತೊಮ್ಮೆ ಪ್ರಭಾಸ್‌ ಜೋಡಿಯಾಗಿ ಕಾಣಿಸಿಕೊಳ್ಳಲು ಅನುಷ್ಕಾ ಸಜ್ಜಾಗಿದ್ದಾರೆ. ಈ ಬಾರಿಯೂ
ಬೆಳ್ಳಿತೆರೆ ಮೇಲೆ ಈ ಜೋಡಿ ಮೋಡಿ ಮಾಡೋದು ಪಕ್ಕಾ ಅಂತಿದ್ದಾರೆ ಅಭಿಮಾನಿಗಳು.

![](https://hosakannada.com/wp-content/uploads/2022/03/article-201861694434617026000.
png)

ಒಟ್ಟಿನಲ್ಲಿ ಮತ್ತೊಂದು ಪ್ಯಾನ್‌ ಇಂಡಿಯಾ ಸಿನಿಮಾ ಸೌತ್‌ ಸಿನಿ ಇಂಡಸ್ಟ್ರಿಯಲ್ಲಿ ಸಜ್ಜಾಗುತ್ತಿದ್ದು,‘
ರಾಜ ಡಿಲಕ್ಸ್’ ಸಿನಿಮಾಗೆ ಮಾರುತಿ ಆಕ್ಷನ್‌ ಕಟ್‌ ಹೇಳಲಿದ್ದಾರೆ. ಈ ಮೂಲಕ ಅಭಿಮಾನಿಗಳ ಕುತೂಹಲ ದುಪ್ಪಟ್ಟಾಗಿದ್ದು,
ಯಾವಾಗ ಸಿನಿಮಾ ಕಣ್ತುಂಬಿಕೊಳ್ಳಲಿದ್ದೇವೆ ಎಂದು ಅಭಿಮಾನಿ ಬಳಗ ಕಾಯುತ್ತಿರುವುದಂತು ಸುಳ್ಳಲ್ಲ.

Advertisement
