# Avatar 2 On OTT: ಒಟಿಟಿ ಯಲ್ಲಿ ಹೆಚ್ಚುವರಿ ಶುಲ್ಕ ಪಾವತಿಯಿಲ್ಲದೇ ಅವತಾರ್ 2  ಶೀಘ್ರದಲ್ಲೇ ನಿಮ್ಮ ಮುಂದೆ ಈ ದಿನಾಂಕದಂದು

- Link: https://hosakannada.com/cinema-sports/avatar-2-on-ott-release-date/
- Published: 2023-05-17T10:44:45+00:00
- Author: ಕಾವ್ಯ ವಾಣಿ

Avatar 2 on OTT: ವಿಶ್ವದ ಸಿನಿಮಾ ಪ್ರೇಮಿಗಳ ಗಮನ ಸೆಳೆದಿರುವ ಅವತಾರ್ 2, ದಿ ವೇ ಆಫ್ ವಾಟರ್ (
Avatar 2, The way of Water) ಸಿನಿಮಾ ಈಗಾಗಲೇ ಡಿಸೆಂಬರ್‌ 16 2022 ರಂದು ಬಿಡುಗಡೆ ಆಗಿದ್ದು,
ಕೋಟಿ ಕೋಟಿ ಹಣವನ್ನೂ ಬಾಚಿಕೊಂಡಿತ್ತು. ಸದ್ಯ ಚಿತ್ರಮಂದಿರದಲ್ಲಿ 3 D ಯಲ್ಲಿ ಬಿಡುಗಡೆ ಆಗಿದ್ದ ಅವತಾರ್‌
2 (Avatar 2 on OTT) ಚಿತ್ರವನ್ನು ಈಗ ಮನೆಯಲ್ಲಿಯೇ ನೋಡಬಹುದು. ಹೌದು, ಈ ಚಿತ್ರ ಇದೀಗ ಒಟಿಟಿಗೆ
ಬರಲು ತಯಾರಾಗಿದೆ.

Sponsored

[ಅವತಾರ್‌](https://en.m.wikipedia.org/wiki/Avatar:_The_Way_of_Water) 2 ಸಿನಿಮಾ ಯಾವ
ಒಟಿಟಿಗೆ ಬರಬಹುದು ಎಂಬ ಬಗ್ಗೆ ಲೆಕ್ಕಾಚಾರಗಳು ನಡೆಯುತ್ತಲೇ ಇದ್ದವು. ಇದೀಗ ಕೊನೆಗೂ ಅವತಾರ್ 2 ಸಿನಿಮಾದ
ಒಟಿಟಿ ಪ್ರವೇಶ ನಿಗದಿಯಾಗಿದೆ.

Advertisement

Advertisement

ಜೇಮ್ಸ್ ಕ್ಯಾಮರನ್ ನಿರ್ದೇಶನದ ಈ ಸಿನಿಮಾ ನೀರಿನಾಳದ ಅದ್ಭುತ ಪ್ರಪಂಚವನ್ನು ಒಳಗೊಂಡಿದೆ. ಮುಖ್ಯವಾಗಿ
ಅವತಾರ್ 2 ಸಿನಿಮಾದಲ್ಲಿ ಸ್ಯಾಮ್ ವರ್ತಿಂಗ್​ಟನ್, ಜೋ ಸೆಲ್ಡಾನಾ, ಸಿಗುನೇರಿ, ಟೈಟ್ಯಾನಿಕ್ ನಟಿ 
ಕೇಟ್ ವಿನ್​ಸ್ಲೆಟ್ ಇನ್ನೂ ಹಲವರು ನಟಿಸಿದ್ದಾರೆ.

ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆದಾಗ ಈ ಸಿನಿಮಾ 1.90 ಲಕ್ಷ ಕೋಟಿಗೂ ಹೆಚ್ಚಿನ ಹಣ ಗಳಿಸಿದೆ. ಇದೀಗ
ಒಟಿಟಿಯಲ್ಲಿ ಬಿಡುಗಡೆ ಆಗಿ ದೊಡ್ಡ ಸಂಖ್ಯೆಯ ಪ್ರೇಕ್ಷಕರನ್ನು ಈ ಸಿನಿಮಾ ತಲುಪಲಿದೆ.

ಮುಖ್ಯವಾಗಿ, ಡಿಸ್ಲಿ ಪ್ಲಸ್ ನಲ್ಲಿ ಅವತಾರ್ 2 (Avatar 2) ಸಿನಿಮಾ ಜೂನ್ 7 ರಿಂದ ಪ್ರಸಾರವಾಗಲಿದೆ.
ಅದಲ್ಲದೆ ಡಿಸ್ನಿ ಪ್ಲಸ್ ಅವತಾರ್ 2 ನೋಡಲು ಯಾವುದೇ ಹೆಚ್ಚುವರಿ ಶುಲ್ಕವನ್ನು ವಿಧಿಸುತ್ತಿಲ್ಲ ಎನ್ನಲಾಗಿದೆ.

ಅವತಾರ್ 2 ಸಿನಿಮಾದ ಮುಂದಿನ ಭಾಗದ ಬಹುತೇಕ ಚಿತ್ರೀಕರಣವನ್ನು ನಿರ್ದೇಶಕ ಜೇಮ್ಸ್ ಕ್ಯಾಮರನ್ ಮುಗಿಸಿದ್ದಾರೆ.
ಅವತಾರ್ 2 ಸಿನಿಮಾದಲ್ಲಿದ್ದ ಹಲವು ಮಕ್ಕಳು ಅವತಾರ್ 3 ಸಿನಿಮಾದಲ್ಲಿಯೂ ಇರುವ ಕಾರಣ ಅವರು ಬೆಳೆದ 
ದೇಹಾಕಾರದಲ್ಲಿ ಬದಲಾವಣೆ ಆಗುವ ಮುನ್ನವೇ ಸಿನಿಮಾದ ಚಿತ್ರೀಕರಣ ಮುಗಿಸಬೇಕೆಂಬ ಕಾರಣಕ್ಕೆ ಜೇಮ್ಸ್ 
ಕ್ಯಾಮರನ್ ಅವತಾರ್ 2 ಜೊತೆಗೇ ಅವತಾರ್ 3 ಸಿನಿಮಾದ ಚಿತ್ರೀಕರಣವನ್ನು ಬಹುತೇಕ ಮುಗಿಸಿದ್ದಾರೆ.

ಅವತಾರ್ 3 ಸಿನಿಮಾದ ಬಿಡುಗಡೆ ಮುಂದಿನ ವರ್ಷಾಂತ್ಯಕ್ಕೆ ಆಗಲಿದೆ. ಆ ಬಳಿಕ ಅವತಾರ್ 4 ಹಾಗೂ ಅವತಾರ್
5 ಸಿನಿಮಾ ಸಹ ನಿರ್ಮಾಣಗೊಳ್ಳಲಿದೆ. ಈ ಎಲ್ಲ ಸಿನಿಮಾವನ್ನು ಜೇಮ್ಸ್ ಕ್ಯಾಮರನ್ ಅವರೇ ನಿರ್ದೇಶನ ಮಾಡಲಿದ್ದಾರೆ.
ಅವತಾರ್ 2 ಸಿನಿಮಾ ಡಿಸೆಂಬರ್ 16 ರಂದು ವಿಶ್ವದಾದ್ಯಂತ ಬಿಡುಗಡೆ ಆಗಿತ್ತು. ಆದರೆ ಅವತಾರ್ ಸಿನಿಮಾದ
ಮೊದಲ ಭಾಗ ಬಿಡುಗಡೆ ಆಗಿ 13 ವರ್ಷಗಳ ಬಳಿಕ ಎರಡನೇ ಭಾಗ ಬಿಡುಗಡೆ ಆಗಿದ್ದು ವಿಶೇಷ ಎನ್ನಬಹುದು.

ಇದನ್ನೂ ಓದಿ:[Karnataka election commission: ಚುನಾವಣೆ ವೆಚ್ಚದ ವರದಿ ನೀಡದ ಶಾಸಕರನ್ನು ಅನರ್ಹ ಮಾಡುವ ಅಧಿಕಾರವಿದೆ: ಚುನಾವಣಾ ಆಯೋಗ](https://hosakannada.com/2023/05/17/mlas-who-do-not-submit-election-expenditure-details-are-disqualified-karnataka-election-commission/)

Advertisement