# Tata Nexon EV: ಟಾಟಾ ನೆಕ್ಸಾನ್ ಇವಿ ಬೆಲೆಯಲ್ಲಿ ಭಾರೀ ಇಳಿಕೆ | ಈ ಬೆಲೆ ಇಳಿಕೆಗೆ ಕಾರಣ ಮಹೀಂದ್ರಾ XUV400 ಇವಿ

- Link: https://hosakannada.com/business/tata-nexon-electric-low-prices-revised/
- Published: 2023-01-21T15:23:07+00:00
- Author: ಕಾವ್ಯ ವಾಣಿ

ಸ್ಪರ್ಧಾತ್ಮಕ ಜಗತ್ತಿನಲ್ಲಿ ನಮಗೆ ಬೇಕು ಬೇಕಾದ ಆಯ್ಕೆಗಳು ಹಲವಾರು ರೀತಿಯಲ್ಲಿ, ಅನುಕೂಲ ದರದಲ್ಲಿ
ಲಭ್ಯ ಇದೆ. ಅಲ್ಲದೆ ಜನರ ಬೇಡಿಕೆಗಳು ಸಹ ಬದಲಾಗುತ್ತಲೇ ಇರುತ್ತವೆ ಮತ್ತು ಹೆಚ್ಚುತ್ತಲೇ ಇರುತ್ತವೆ.
ಈ ನಡುವೆ ಕಂಪನಿಗಳು ತಾನು ಹೆಚ್ಚು ನಾನು ಹೆಚ್ಚು ಎಂದು ಬಿಗುತ್ತಿದೆ. ಇದೀಗ ಟಾಟಾ ಮೋಟಾರ್ಸ್ ಕಂಪನಿಯು
ತನ್ನ ಜನಪ್ರಿಯ ನೆಕ್ಸಾನ್ ಎಲೆಕ್ಟ್ರಿಕ್ ಕಾರು ಆವೃತ್ತಿಯ ಬೆಲೆ ಇಳಿಕೆಯೊಂದಿಗೆ ಹೊಸ ಕಾರಿನಲ್ಲಿ 
ಮತ್ತೊಂದು ಹೊಸ ವೆರಿಯೆಂಟ್ ಬಿಡುಗಡೆ ಮಾಡಿದ್ದು, ಜೊತೆಗೆ ಸಾಫ್ಟ್ ವೇರ್ ಅಪ್ ಡೇಟ್ ಮೂಲಕ ಮೈಲೇಜ್
ಪ್ರಮಾಣದಲ್ಲಿ ಹೆಚ್ಚಳ ಮಾಡಿರುವುದಾಗಿ ಮಾಹಿತಿ ತಿಳಿಸಿದೆ.

Sponsored

ಹೌದು ಟಾಟಾ ಮೋಟಾರ್ಸ್ ಕಂಪನಿಯು ನೆಕ್ಸಾನ್ ಇವಿ ಮಾದರಿಯಲ್ಲಿ ಭಾರೀ ಬದಲಾವಣೆಯೊಂದಿಗೆ ಬೆಲೆ ಇಳಿಕೆ
ಘೋಷಣೆ ಮಾಡಿದೆ. ಹೊಸ ನೆಕ್ಸಾನ್ ಎಲೆಕ್ಟ್ರಿಕ್ ಕಾರಿನ ವಿವಿಧ ವೆರಿಯೆಂಟ್ ಗಳ ಬೆಲೆಯಲ್ಲಿ ರೂ. 31
ಸಾವಿರದಿಂದ ರೂ. 85 ಸಾವಿರ ತನಕ ಇಳಿಕೆ ಮಾಡಲಾಗಿದ್ದು, ಹೊಸ ದರಪಟ್ಟಿಯಲ್ಲಿ ನೆಕ್ಸಾನ್ ಇವಿ ಕಾರು
ರೂ. 14.49 ಲಕ್ಷ ಆರಂಭಿಕ ಎಕ್ಸ್ ಶೋರೂಂ ದರ ಪಡೆದುಕೊಂಡಿದೆ.

Advertisement

Advertisement

ನೆಕ್ಸಾನ್ ಇವಿ ಮ್ಯಾಕ್ಸ್ ಹೈಎಂಡ್ ಮಾದರಿಯು ಎಕ್ಸ್ ಶೋರೂಂ ಪ್ರಕಾರ ರೂ. 18.99 ಲಕ್ಷ ಬೆಲೆ ಪಡೆದುಕೊಂಡಿದ್ದು,
ಇದು ಈ ಹಿಂದಿನ ಮಾದರಿಗಿಂತಲೂ ರೂ. 85 ಸಾವಿರದಷ್ಟು ಬೆಲೆ ಇಳಿಕೆ ಪಡೆದುಕೊಂಡಿದೆ.

ಟಾಟಾ ಮೋಟಾರ್ಸ್ ಕಂಪನಿಯು ನೆಕ್ಸಾನ್ ಇವಿಯಲ್ಲಿ ಪ್ರೈಮ್ ಮತ್ತು ಮ್ಯಾಕ್ಸ್ ಎಡಿಷನ್ ಮಾರಾಟ ಮಾಡುತ್ತಿದ್ದು,
ನೆಕ್ಸಾನ್ ಇವಿ ಮ್ಯಾಕ್ಸ್ ನಲ್ಲಿ ಟಾಟಾ ಕಂಪನಿಯು ಹೊಸದಾಗಿ ಎಕ್ಸ್ಎಂ ವೆರಿಯೆಂಟ್ ಪರಿಚಯಿಸಿದೆ. ನೆಕ್ಸಾನ್
ಇವಿ ಕಾರಿನ ಬೆಲೆ ಇಳಿಕೆ ಮತ್ತು ಹೊಸ ವೆರಿಯೆಂಟ್ ಬಿಡುಗಡೆಯ ಜೊತೆಗೆ ಟಾಟಾ ಮೋಟಾರ್ಸ್ ಕಂಪನಿಯು ನೆಕ್ಸಾನ್
ಇವಿ ಮ್ಯಾಕ್ಸ್ ಮೈಲೇಜ್ ರೇಂಜ್ ನಲ್ಲೂ ಹೆಚ್ಚಳ ಮಾಡಿದ್ದು, 34.5 kWh ಬ್ಯಾಟರಿ ಪ್ಯಾಕ್ ಅನ್ನು ನವೀಕರಿಸಲಾಗಿದೆ.

ನವೀಕರಿಸಿದ ನೆಕ್ಸಾನ್ ಇವಿ ಮ್ಯಾಕ್ ಮಾದರಿಯು ಪ್ರತಿ ಚಾರ್ಜ್ ಗೆ 453 ಕಿ.ಮೀ ಮೈಲೇಜ್ ನೀಡಲಿದ್ದು,
ಇದು ಹಳೆಯ ಮಾದರಿಗಿಂತಲೂ ಹೆಚ್ಚುವರಿಯಾಗಿ 16 ಕಿ.ಮೀ ಮೈಲೇಜ್ ನೀಡುತ್ತದೆ. ಹೊಸ ನೆಕ್ಸಾನ್ ಇವಿ ಕಾರಿನಲ್ಲಿ
ಪ್ರೈಮ್ ವೆರಿಯೆಂಟ್ ಗಳು ಎಕ್ಸ್ ಶೋರೂಂ ಪ್ರಕಾರ ರೂ. 14.49 ಲಕ್ಷದಿಂದ ರೂ. 16.99 ಲಕ್ಷ ಬೆಲೆ ಹೊಂದಿದ್ದು,
ಮ್ಯಾಕ್ಸ್ ವೆರಿಯೆಂಟ್ ಗಳು ಎಕ್ಸ್ ಶೋರೂಂ ಪ್ರಕಾರ ರೂ. 16.49 ಲಕ್ಷದಿಂದ ರೂ. 18.99 ಲಕ್ಷ ಬೆಲೆ
ಹೊಂದಿದೆ ಎಂದು ಮಾಹಿತಿ ನೀಡಲಾಗಿದೆ.

ಇದೊಂದು ಸುವರ್ಣ ಅವಕಾಶ ಹೌದು ಭರ್ಜರಿ ಬೆಲೆ ಇಳಿಕೆ ಮಾಡಿರುವ ಟಾಟಾ ಮೋಟಾರ್ಸ್ ಕಂಪನಿಯು ಸದ್ಯ ಗ್ರಾಹಕರ
ಬುಕಿಂಗ್ ನಲ್ಲಿ ನಿರತವಾಗಿದೆ.

Advertisement