# Samsung phones: ಬಿಡುಗಡೆಗೂ ಮೊದಲೇ ರೀವಿಲ್ ಆಯ್ತು ಈ ಸ್ಮಾರ್ಟ್ ಫೋನ್ ಬೆಸ್ಟ್ ಫೀಚರ್ಸ್!!

- Link: https://hosakannada.com/business/smart-phone-features-were-leaked-before-the-release/
- Published: 2023-01-29T16:09:22+00:00
- Author: ಕಾವ್ಯ ವಾಣಿ

ಸ್ಯಾಮ್​ಸಂಗ್​ ಕಂಪನಿಯೆಂದರೆ ಮೊದಲು ನೆನಪಾಗೊದು ಸ್ಮಾರ್ಟ್​ಫೋನ್​ಗಳು. ದಕ್ಷಿಣ ಕೊರಿಯಾದ ಟೆಕ್​
ದೈತ್ಯ ಕಂಪನಿಯಾಗಿರುವ ಸ್ಯಾಮ್​ಸಂಗ್​ ಸ್ಮಾರ್ಟ್​​ಫೋನ್ಸ್​, ಸ್ಮಾರ್ಟ್​ಟಿವಿ, ಟ್ಯಾಬ್ಲೆಟ್​​ಗಳನ್ನು
ಬಿಡುಗಡೆ ಮಾಡುವ ಮೂಲಕ ಎಲ್ಲರ ಗಮನಸೆಳೆದಿತ್ತು. ಆದರೆ ಇದೀಗ ಸ್ಯಾಮ್​ಸಂಗ್ ಕಂಪನಿ ಹೊಸ ಹೊಸ ಮಾದರಿಯ
ಸ್ಮಾರ್ಟ್​​ಫೋನ್​ಗಳನ್ನು ತನ್ನ ಗ್ರಾಹಕರಿಗೆ ಪರಿಚಯಿಸುತ್ತಲೇ ಇದೆ. ಜನಪ್ರಿಯ ಮೊಬೈಲ್​ ಕಂಪೆನಿಗಳಲ್ಲಿ
ಒಂದಾದ ಸ್ಯಾಮ್​ಸಂಗ್ ಈ ಹಿಂದೆ ತನ್ನ ಬ್ರಾಂಡ್​​ನ ಅಡಿಯಲ್ಲಿ ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎಸ್​23 
ಸೀರಿಸ್​ನ ಸ್ಮಾರ್ಟ್​​ಫೋನ್​ಗಳನ್ನು ಬಿಡುಗಡೆ ಮಾಡುವುದಾಗಿ ಘೋಷಿಸಿದೆ.

Sponsored

ಹೌದು, ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಎಸ್​23 ಸೀರಿಸ್​​ನಿಂದ ಬಿಡುಗಡೆಯಾಗುವ ಸ್ಮಾರ್ಟ್​​​ಫೋನ್​ಗಳಲ್ಲಿ
ಗ್ಯಾಲಕ್ಸಿ ಎಸ್​​23 ಅಲ್ಟ್ರಾ ಸ್ಮಾರ್ಟ್​ಫೋನ್​ ಗುಣಮಟ್ಟದ ಫೀಚರ್ಸ್​ಗಳನ್ನು ಹೊಂದಿರುತ್ತದೆ ಎಂದು
ಸುದ್ದಿಯಾಗಿತ್ತು. ಅದೇ ರೀತಿ ಈ ಸ್ಮಾರ್ಟ್​​ಫೋನ್​ ಫೀಚರ್ಸ್​ ಸಾಮಾಜಿಕ ಜಾಲತಾಣದಲ್ಲಿ ಸೋರಿಕೆಯಾಗಿದೆ

Advertisement

Advertisement

ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎಸ್​23 ಅಲ್ಟ್ರಾ ಸ್ಮಾರ್ಟ್​ಫೋನ್ ಫೀಚರ್ಸ್​​ :

 * ಈ ಹೊಸ ಸ್ಮಾರ್ಟ್‌ಫೋನ್​ ಇದು ಸ್ನಾಪ್​ಡ್ರಾಗನ್​ 8 ಜೆನ್​ 2 ಪ್ರೊಸೆಸರ್ ಹೊಂದಿರಲಿದ್ದು, ಕರ್ವ್ಡ್
   ಡಿಸ್‌ಪ್ಲೇ ಮತ್ತು ಮ್ಯಾಟ್ ಫಿನಿಶ್‌ನೊಂದಿಗೆ ಎಲ್ಇಡಿ ಫ್ಲ್ಯಾಷ್ ಲೈಟ್​​ ಜೊತೆಗೆ ನಾಲ್ಕು ಕ್ಯಾಮೆರಾ
   ಸೆನ್ಸಾರ್​​ಗಳನ್ನು ಹೊಂದಿರಬಹುದು ಎಂದು ನಿರೀಕ್ಷಿಸಲಾಗಿದೆ. ಇನ್ನು ಈ ಸ್ಮಾರ್ಟ್​​​ಫೋನ್​ನ 
   ಹಿಂಭಾಗದಲ್ಲಿ ಕ್ವಾಡ್ ರಿಯರ್ ಕ್ಯಾಮೆರಾ ಸೆಟಪ್​ ಅನ್ನು ಇದು ಹೊಂದಿದೆ.
 * ಗ್ಯಾಲಕ್ಸಿ ಎಸ್​23 ಅಲ್ಟ್ರಾ ಸ್ಮಾರ್ಟ್‌ಫೋನ್ 200 ಮೆಗಾಪಿಕ್ಸೆಲ್​ ಸಾಮರ್ಥ್ಯದ ಸ್ಯಾಮ್‌ಸಂಗ್
   ಹೆಚ್​​ಪಿ2 ಪ್ರಾಥಮಿಕ ಕ್ಯಾಮೆರಾವನ್ನು ಹೊಂದಿರುತ್ತದೆ.
 * ಇನ್ನು ಇದರಲ್ಲಿ 12 ಮೆಗಾಪಿಕ್ಸೆಲ್​ ಸೋನಿ IMX564 ಅಲ್ಟ್ರಾ ವೈಡ್ ಕ್ಯಾಮೆರಾ, 10 ಮೆಗಾಪಿಕ್ಸೆಲ್​
   ಸೋನಿ IMX756 ಟೆಲಿಫೋಟೊ ಮತ್ತು 10 ಮೆಗಾಪಿಕ್ಸೆಲ್​ ಸೋನಿ IMX756 10x ಟೆಲಿಫೋಟೊ ಸೆನ್ಸಾರ್​​
   ಗಳನ್ನು ಈ ಸ್ಮಾರ್ಟ್​​ಫೋನ್ ಹೊಂದಿರುತ್ತದೆ ಮತ್ತು 200 ಮಿಲಿಯನ್ ಪಿಕ್ಸೆಲ್‌ಗಳನ್ನು ಆಟೋಫೋಕಸಿಂಗ್
   ಸಿಸ್ಟಮ್‌ ಅನ್ನು ಒಳಗೊಂಡಿರುತ್ತದೆ ಎಂದು ಕಂಪೆನಿ ಹೇಳಿದೆ.
 * ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಎಸ್​23 ಅಲ್ಟ್ರಾ ಸ್ಮಾರ್ಟ್​​ಫೋನ್​ ಮುಖ್ಯವಾಗಿ 5000mAh ಬ್ಯಾಟರಿ
   ಬ್ಯಾಕಪ್​ ಅನ್ನು ಹೊಂದಿರುತ್ತದೆ. ಈ ಬ್ಯಾಟರಿಯು 45W ವೇಗದ ಚಾರ್ಜಿಂಗ್​ ಸಾಮರ್ಥ್ಯವನ್ನು ಹೊಂದಿರುತ್ತದೆ.
 * ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಎಸ್​23 ಅಲ್ಟ್ರಾ ಸ್ಮಾರ್ಟ್​​ಫೋನ್ ಅನ್ನು $1,400 ಅಂದರೆ ಭಾರತದಲ್ಲಿ
   ಸುಮಾರು ರೂ. 1,13,400 ಎಂದು ಗುರುತಿಸಲಾಗಿದೆ. ಈ ಬೆಲೆಯನ್ನು ಹೊಂದಿರುವ ಸ್ಮಾರ್ಟ್​​ಫೋನ್​​
   12 ಜಿಬಿ ರ್‍ಯಾಮ್ ಮತ್ತು 256 ಜಿಬಿ ಸ್ಟೋರೇಜ್​ ಆಯ್ಕೆಯನ್ನು ಹೊಂದಿರುತ್ತದೆ. ಇನ್ನು ಸ್ಯಾಮ್​
   ಸಂಗ್​ ಗ್ಯಾಲಕ್ಸಿ ಎಸ್​23 ಅಲ್ಟ್ರಾ ಸ್ಮಾರ್ಟ್​​ಫೋನ್​ ಖರೀದಿಸುವ ಪ್ಲ್ಯಾನ್​ನಲ್ಲಿದ್ದವರಿಗೆ
   ಸ್ಯಾಮ್​ಸಂಗ್​ನ ಅಧಿಕೃತ ವೆಬ್​ಸೈಟ್​ ಮೂಲಕ ಪ್ರೀಬುಕಿಂಗ್ ಮಾಡುವ ಮೂಲಕ ಖರೀದಿಸಬಹುದಾಗಿದೆ.

ಪ್ರಸ್ತುತ ಸ್ಯಾಮ್​ಸಂಗ್​ ಕಂಪೆನಿ ಆಯೋಜಿಸಿರುವ ಗ್ಯಾಲಕ್ಸಿ ಅನ್​​ಪ್ಯಾಕ್ಡ್​ 2023 ಕಾರ್ಯಕ್ರಮ 
ದೇಶದಲ್ಲಿ ಇದೇ ಫೆಬ್ರವರಿ 1 ರಂದು ರಾತ್ರಿ 11.30 ಕ್ಕೆ ಆರಂಭವಾಗುತ್ತದೆ. ಇನ್ನು ಈ ಕಾರ್ಯಕ್ರಮದಲ್ಲಿ
ಸ್ಯಾಮ್​ಸಂಗ್ ತನ್ನ ಗ್ಯಾಲಕ್ಸಿ ಎಸ್​​23 ಸೀರಿಸ್​ನ ಸ್ಮಾರ್ಟ್​​ಫೋನ್​ಗಳನ್ನು ಬಿಡುಗಡೆ ಮಾಡುವುದಾಗಿ
ಘೋಷಿಸಿದೆ. ಸದ್ಯ ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎಸ್​23 ಅಲ್ಟ್ರಾ ಸ್ಮಾರ್ಟ್‌ಫೋನ್ ಬೊಟಾನಿಕ್ ಗ್ರೀನ್,
ಕಾಟನ್ ಫ್ಲವರ್, ಮಿಸ್ಟಿ ಲಿಲಾಕ್ ಮತ್ತು ಫ್ಯಾಂಟಮ್ ಬ್ಲ್ಯಾಕ್ ಬಣ್ಣ ಆಯ್ಕೆಗಳಲ್ಲಿ ನಿಮಗೆ ಸಿಗಲಿದೆ.

Advertisement