# Loan EMI Hike:  ಬಡ್ಡಿ ದರ ಹೆಚ್ಚಳ ಮಾಡಿದ ಈ ಬ್ಯಾಂಕ್‌ಗಳು ; ಇಎಂಐ ದುಬಾರಿ

- Link: https://hosakannada.com/business/mclr-hike-by-pnb-icici-bank-bank-of-india-loan-emis-to-go-up/
- Published: 2022-12-01T15:53:14+00:00
- Author: ಕೆ. ಎಸ್. ರೂಪಾ

ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್‌ಬಿಐ) ದೇಶದ ವಾಣಿಜ್ಯ ಬ್ಯಾಂಕುಗಳಿಗೆ ಕೊಡುವ ಸಾಲದ ಮೇಲಿನ ಬಡ್ಡಿ
ದರವೇ ರೆಪೋ ರೇಟ್ ಆಗಿದ್ದು, ವಾಣಿಜ್ಯ ಬ್ಯಾಂಕುಗಳು ತಮ್ಮಲ್ಲಿ ಹಣದ ಕೊರತೆಯಾದಾಗ ಆರ್‌ಬಿಐನಿಂದ ಹಣ
ಪಡೆಯುತ್ತವೆ. ಈ ಹಣಕ್ಕೆ ಬಡ್ಡಿ ನೀಡುವ ದರವನ್ನು ರೆಪೋ ದರ ಎಂದು ಪರಿಗಣಿಸಲಾಗುತ್ತದೆ.

Sponsored

ತಾತ್ಕಾಲಿಕ ಅವಧಿಯ ಅಗತ್ಯ ಪೂರೈಸುವ ನಿಟ್ಟಿನಲ್ಲಿ ಭಾರತೀಯ ರಿಸರ್ವ್ ಬ್ಯಾಂಕಿನಿಂದ ಬ್ಯಾಂಕುಗಳು 
ಹಣ ಪಡೆಯುತ್ತವೆ. ಬ್ಯಾಂಕುಗಳು ಪಡೆದ ಸಾಲದ ಮೇಲೆ ಆರ್‌ಬಿಐ ಕೊಂಚ ಬಡ್ಡಿದರ ವಿಧಿಸಲಿದ್ದು, ಈ ಬಡ್ಡಿದರವೆ
ರೆಪೊ ದರವಾಗಿದೆ. ಬ್ಯಾಂಕುಗಳಿಗೆ  ಹೆಚ್ಚು ಸಾಲ ಪಡೆಯುವುದನ್ನು ನಿಯಂತ್ರಿಸಲು  ಆರ್‌ಬಿಐ  ರೆಪೊ 
ದರಗಳನ್ನು ಹೆಚ್ಚಿಸುತ್ತದೆ. ರೆಪೊ ದರ ತಗ್ಗಿಸಿದರೆ ಬ್ಯಾಂಕುಗಳು ಆರ್‌ಬಿಐನಿಂದ ಕಡಿಮೆ ಬಡ್ಡಿದರಕ್ಕೆ
ಸಾಲ ಪಡೆಯಬಹುದಾಗಿದೆ.

Advertisement

Advertisement

ಇತ್ತೀಚೆಗೆ ಹೆಚ್ಚುತ್ತಿರುವ ಹಣದುಬ್ಬರ (Inlfation) ತಡೆಯುವ ನಿಟ್ಟಿನಲ್ಲಿ ವಿಶ್ವದಾದ್ಯಂತ ಬ್ಯಾಂಕ್​
ಗಳು ಬಡ್ಡಿ ದರ ಹೆಚ್ಚಿಸುವ ಮನವಿ ಸಲ್ಲಿಸಿದ್ದು , ಹಾಗಾಗಿ,  ಭಾರತದಲ್ಲಿಯೂ ಇತ್ತೀಚೆಗಷ್ಟೇ ಎಸ್​
ಬಿಐ (SBI) ಸೇರಿದಂತೆ ಹಲವು ಬ್ಯಾಂಕ್​ಗಳು ಸಾಲದ ಹಾಗೂ ವಿವಿಧ ಠೇವಣಿಗಳ ಮೇಲಿನ ಬಡ್ಡಿ ದರಗಳನ್ನು
ಹೆಚ್ಚಿಸಿವೆ.ಈ ಪರಿಷ್ಕೃತ ಬಡ್ಡಿ ದರ ಇಂದಿನಿಂದಲೇ (December 1) ಜಾರಿಗೆ ಬರಲಿದೆ.

ಸಾಲದ ಮೇಲಿನ ಕನಿಷ್ಠ ಬಡ್ಡಿ ದರವನ್ನು (MCLR) ಪಿಎನ್​ಬಿ (PNB), ಐಸಿಐಸಿಐ ಬ್ಯಾಂಕ್ (ICICI Bank),
ಬ್ಯಾಂಕ್​ ಆಫ್ ಇಂಡಿಯಾ (Bank of India) ಏರಿಕೆ ಮಾಡಿದ್ದು, ಪರಿಷ್ಕೃತ ಬಡ್ಡಿ ದರ ಇಂದಿನಿಂದಲೇ(
December 1) ಜಾರಿಗೆ ಬರಲಿರುವ ಕುರಿತು ಬ್ಯಾಂಕ್​ಗಳು ಮಾಹಿತಿ ನೀಡಿವೆ. ಹಲವು  ಬ್ಯಾಂಕ್ಗಳು ಸಾಲದ
ಹಾಗೂ ವಿವಿಧ ಠೇವಣಿಗಳ ಮೇಲಿನ ಬಡ್ಡಿ ದರಗಳನ್ನು ಏರಿಕೆ ಮಾಡಿದ ಪರಿಣಾಮವಾಗಿ ಗೃಹ, ವಾಹನ ಸೇರಿದಂತೆ
ವಿವಿಧ ಸಾಲಗಳ ಇಎಂಐ ಕಂತಿನ ಮೊತ್ತ ಹೆಚ್ಚಾಗಿದೆ.

ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (ಆರ್​ಬಿಐ) ಮೇ ನಂತರ ಈವರೆಗೆ 190 ಮೂಲಾಂಶದಷ್ಟು ರೆಪೊ ದರ ಹೆಚ್ಚಳ
ಮಾಡಿದ್ದು, ಇದಕ್ಕೆ ಅನುಸಾರವಾಗಿ, ಬ್ಯಾಂಕ್​ಗಳು ಮತ್ತು ಹಣಕಾಸು ಸಂಸ್ಥೆಗಳು ಸಾಲ ಹಾಗೂ ಠೇವಣಿಗಳ
ಮೇಲಿನ ಬಡ್ಡಿ ದರ ಪರಿಷ್ಕರಿಸುತ್ತವೆ.

ಹಾಗಾದ್ರೆ, ಐಸಿಐಸಿಐ, ಪಿಎನ್​ಬಿ, , ಬ್ಯಾಂಕ್​ ಆಫ್ ಇಂಡಿಯಾ ಪರಿಷ್ಕೃತ ಕನಿಷ್ಠ ಬಡ್ಡಿ ದರ ಎಷ್ಟು??
ಎಂಬ ಮಾಹಿತಿ ಇಲ್ಲಿದೆ ನೋಡಿ;
ಐಸಿಐಸಿಐ ಬ್ಯಾಂಕ್ (ICICI Bank)

ಐಸಿಐಸಿಐ ಬ್ಯಾಂಕಿನ ಪರಿಷ್ಕೃತ ದರ  ಎಂಸಿಎಲ್​ಆರ್ 10 ಮೂಲಾಂಶದಷ್ಟು ಏರಿಕೆಯಾಗಿದೆ. ಒಂದು ತಿಂಗಳವರೆಗಿನ
ಎಂಸಿಎಲ್​ಆರ್ ಶೇಕಡಾ 8.05ರಿಂದ 8.15ಕ್ಕೆ ಹೆಚ್ಚಳವಾಗಿದ್ದು, ಆರು ತಿಂಗಳು ಮತ್ತು 1 ವರ್ಷ ಅವಧಿಯ
ಎಂಸಿಎಲ್​ಆರ್ ಕ್ರಮವಾಗಿ ಶೇಕಡಾ 8.35 ಶೇಕಡಾ 8.40ಕ್ಕೆ ಏರಿಕೆ ಮಾಡಲಾಗಿದೆ. ಮೂರು ತಿಂಗಳ ಎಂಸಿಎಲ್​
ಆರ್ ಅನ್ನು ಶೇಕಡಾ 8.25ರಿಂದ 8.35ಕ್ಕೆ ಹೆಚ್ಚಿಸಲಾಗಿದೆ.

ಇನ್ನೂ ಪಂಜಾಬ್ ನ್ಯಾಷನಲ್ ಬ್ಯಾಂಕ್ ಬಡ್ಡಿ ದರ (PNB) ಗಮನಿಸಿದರೆ:

ಸರ್ಕಾರಿ ಸ್ವಾಮ್ಯದ ಪಂಜಾನ್ ನ್ಯಾಷನಲ್ ಬ್ಯಾಂಕ್ ಸಾಲದ ಮೇಲಿನ ಕನಿಷ್ಠ ಬಡ್ಡಿ ದರ ಅಥವಾ ಎಂಸಿಎಲ್​
ಆರ್​ ಅನ್ನು 5 ಮೂಲಾಂಶ ಏರಿಕೆ ಮಾಡಿದ್ದು, ಇದರೊಂದಿಗೆ ಬ್ಯಾಂಕ್​ನ ಒಂದು ವರ್ಷದ ಎಂಸಿಎಲ್​ಆರ್ ಈ
ಹಿಂದೆ ಇದು ಶೇಕಡಾ 8.05 ಇತ್ತು. ಈಗ ಶೇಕಡಾ 8.10 ಆಗಿದೆ.  ಆರು ತಿಂಗಳ ಎಂಸಿಎಲ್​ಆರ್ ಶೇಕಡಾ 7.75ರಿಂದ
ಶೇಕಡಾ 7.80ಗೆ ತಲುಪಿದೆ.

ಅದೇ ರೀತಿ ಬ್ಯಾಂಕ್ ಆಫ್ ಇಂಡಿಯಾ (Bank of India) ದ ಪರಿಷ್ಕೃತ ದರ ಗಮನಿಸಿದರೆ,

ಬ್ಯಾಂಕ್ ಆಫ್ ಇಂಡಿಯಾ ಎಂಸಿಎಲ್​ಆರ್ ಅನ್ನು 25 ಮೂಲಾಂಶ ಏರಿಕೆಯಾಗಿದ್ದು,  ಒಂದು ವರ್ಷ ಅವಧಿಯ ಎಂಸಿಎಲ್​
ಆರ್ ಇದೀಗ ಶೇಕಡಾ 7.95ರಿಂದ 8.15ಕ್ಕೆ ಹೆಚ್ಚಳವಾಗಿದೆ. ಒಂದು ತಿಂಗಳ, ಮೂರು ತಿಂಗಳ ಮತ್ತು ಮೂರು
ವರ್ಷಗಳ ಅವಧಿಯ ಎಂಸಿಎಲ್​ಆರ್ ಅನ್ನು ಕ್ರಮವಾಗಿ ಶೇಕಡಾ 7.30, ಶೇಕಡಾ 7.65 ಹಾಗೂ ಶೇಕಡಾ 7.70ಕ್ಕೆ
ಏರಿಕೆ ಮಾಡಲಾಗಿದೆ.

Advertisement