# EPFO : ಪಿಂಚಣಿ ಪಡೆಯುವವರಿಗೆ ಇಪಿಎಫ್‌ಒ ಬಿಗ್​ ಶಾಕ್!

- Link: https://hosakannada.com/business/epfo-pension-scheme-latest-updates/
- Published: 2023-01-27T16:16:58+00:00
- Author: ಹೊಸಕನ್ನಡ ನ್ಯೂಸ್

ಉದ್ಯೋಗಿಗಳ ಭವಿಷ್ಯ ನಿಧಿ (ಇಪಿಎಫ್ ಅಥವಾ ಉದ್ಯೋಗಿಗಳ ಭವಿಷ್ಯ ನಿಧಿ) ಖಾತೆ ಹೊಂದಿದ್ದರೆ, ನೀವು 
ತಿಳಿಯಲೇಬೇಕಾದ ಸುದ್ದಿ ಇದು. ಇಪಿಎಫ್ ಅಥವಾ ಕಾರ್ಮಿಕ ಭವಿಷ್ಯ ನಿಧಿ ಸೇವಾ ಕ್ಷೇತ್ರದಲ್ಲಿ ಕೆಲಸ 
ಮಾಡುವ ಉದ್ಯೋಗಿಗಳಿಗಾಗಿ ಭಾರತ ಸರಕಾರ ಜಾರಿಗೆ ತಂದಿರುವ ಪ್ರಮುಖ ಉಳಿತಾಯ ಯೋಜನೆಯಾಗಿದೆ. ಉದ್ಯೋಗಿಗಳ
ಪಾಲಿಗೆ ಪಿಎಫ್ (PF) ಮೊತ್ತವು ಸಂಕಷ್ಟದ ಸಂದರ್ಭಗಳಲ್ಲಿ ಆರ್ಥಿಕ ನೆರವನ್ನು ನೀಡುವ ಖಾತೆ ಎಂದರೇ 
ತಪ್ಪಾಗಲಾರದು. ಕುಟುಂಬದ ಸದಸ್ಯರಿಗೆ ಸಾಮಾಜಿಕ ಭದ್ರತೆಯನ್ನು ಒದಗಿಸುತ್ತದೆ. ಉದ್ಯೋಗಿಗಳ ಭವಿಷ್ಯ
ನಿಧಿ ಸಂಸ್ಥೆ (EPFO) ಯುನಿವರ್ಸಲ್ ಅಕೌಂಟ್ ನಂಬರ್ (UAN) ಮೂಲಕ ಇ-ನಾಮನಿರ್ದೇಶನವನ್ನು ಮಾಡಬಹುದಾಗಿದೆ.

Sponsored

ಹೂಡಿಕೆ ಭವಿಷ್ಯದ ದೃಷ್ಟಿಯಿಂದ ಅನಿವಾರ್ಯವಾಗಿದ್ದು ಮುಂದೆ ಎದುರಾಗುವ ಆರ್ಥಿಕ ಸಂಷ್ಟದಿಂದ ಪಾರು 
ಮಾಡಲು ನೆರವಾಗುತ್ತದೆ. ವೃದ್ಧಾಪ್ಯದಲ್ಲಿ ಹಣಕಾಸಿನ ಅಗತ್ಯಗಳನ್ನು ಪಡೆಯಲು ಅನೇಕ ಜನರು ಇಪಿಎಫ್‌ನಲ್ಲಿ
ಹೂಡಿಕೆ ಮಾಡುವುದು ಸಹಜ. ಇದನ್ನು ಸರ್ಕಾರ ಖಾತರಿಪಡಿಸಲಿದ್ದು, ಉದ್ಯೋಗಿ ನಿವೃತ್ತಿಯ ಹಂತಕ್ಕೆ ತಲುಪಿದಾಗ,
ದೊಡ್ಡ ಮೊತ್ತದ ಉಳಿತಾಯ ಗಳಿಸಬಹುದು.

Advertisement

Advertisement

ಇಪಿಎಫ್‌ಒದ ಪ್ರಾದೇಶಿಕ ಕಚೇರಿಗಳಿಗೆ ಬುಧವಾರ ಹೊರಡಿಸಿದ ಸುತ್ತೋಲೆಯಲ್ಲಿ, ಹೆಚ್ಚಿನ ಪಿಂಚಣಿ ಪಡೆಯುವವರಿಗೆ
ಸಂಬಂಧಿಸಿದ ಪ್ರಕರಣಗಳನ್ನು ಮತ್ತೊಮ್ಮೆ ತೆರೆಯಬೇಕಾದ ವಿಚಾರದ ಕುರಿತಂತೆ ವಿವರಣೆ ನೀಡಲಾಗಿದೆ. ಪೂರ್ವ-
ತಿದ್ದುಪಡಿಗೊಂಡ ನೌಕರರ ಪಿಂಚಣಿ ಯೋಜನೆ, 1995 (ಇಪಿಎಸ್-95) ಪ್ಯಾರಾ 11 (3) ಅಡಿಯಲ್ಲಿ, ಸೆಪ್ಟೆಂಬರ್
1, 2014 ರ ಮೊದಲು ನಿವೃತ್ತರಾಗಿರುವ ಹಾಗೂ ಯಾವುದೇ ಆಯ್ಕೆಯನ್ನು ಉಪಯೋಗಿಸದೆ ಹೆಚ್ಚಿನ ವೇತನದಲ್ಲಿ
ಪಿಂಚಣಿ ಮಂಜೂರು ಮಾಡಿದ ಉದ್ಯೋಗಿಗಳ ಪ್ರಕರಣಗಳು ಮರುಪರಿಶೀಲನೆ ಮಾಡಲಾಗಿದೆ.

ಅಧಿಕ ದಂಡ ಪಾವತಿ ಮಾಡುವುದನ್ನು ತಡೆಯುವ ನಿಟ್ಟಿನಲ್ಲಿ ಈ ಸುತ್ತೋಲೆ ಹೊರಡಿಸಲಾಗಿದೆ ಎನ್ನಲಾಗಿದೆ.
ಈ ರೀತಿಯ ಪಿಂಚಣಿದಾರರು ಜನವರಿ 2023 ರಿಂದ ಹೆಚ್ಚಿನ ಪಿಂಚಣಿ ಪಡೆಯುವುದಿಲ್ಲ ಎಂದು ಅಂದಾಜಿಸಬೇಕು.
ಅಂತಹವರ ಪಿಂಚಣಿಯನ್ನು ಈಗ ರೂ.5,000 ಅಥವಾ ರೂ.6,500 ರ ವೇತನದ ಮಿತಿಯನ್ನು ಆಧರಿಸಿ ಪರಿಷ್ಕರಿಸಲಾಗುವುದು
ಎಂದು ಸುತ್ತೋಲೆಯಲ್ಲಿ ತಿಳಿಸಲಾಗಿದೆ.

ಇಪಿಎಫ್‌ಒ ತನ್ನ ಅಧಿಕಾರದೊಂದಿಗೆ ಸುತ್ತೋಲೆ ಹೊರಡಿಸಿದೆ ಎಂದು ಪಿಂಚಣಿದಾರರ ಹಕ್ಕುಗಳ ಕಾರ್ಯಕರ್ತ
ಪರ್ವೀನ್ ಕೊಹ್ಲಿ ಮಾಧ್ಯಮವೊಂದರಲ್ಲಿ ತಿಳಿಸಿದ್ದಾರೆ ಎನ್ನಲಾಗಿದೆ. ಈಗ ಕೈಗೊಂಡಿರುವ ಕ್ರಮಗಳು ಸಾವಿರಾರು
ಪಿಂಚಣಿದಾರರ ಮೇಲೆ ಪ್ರಭಾವ ಬೀರಲಿದೆ. OTIS ಎಲಿವೇಟರ್ ಪ್ರಕರಣದಲ್ಲಿ ಸುಪ್ರೀಂ ಕೋರ್ಟ್ 2003 ರಲ್ಲಿ
EPS-95 ಅನ್ನು ಎತ್ತಿಹಿಡಿದಿದ್ದು, ಬಳಿಕ 24,672 ಜನರು ತಮ್ಮ ಪಿಂಚಣಿಯನ್ನು ಪರಿಷ್ಕರಿಸಿದ್ದಾರೆ
ಎಂದು ತಿಳಿದುಬಂದಿದೆ.

ಈಗ ಕೈಗೊಂಡಿರುವ ನಿರ್ಣಯಕ್ಕೆ ಬೆಂಬಲವಾಗಿ, ಇಪಿಎಫ್‌ಒ ನವೆಂಬರ್ 2022 ರ ಸುಪ್ರೀಂ ಕೋರ್ಟ್ ತೀರ್ಪಿನ
ಕೆಲವು ಪ್ಯಾರಾಗಳನ್ನು ಉಲ್ಲೇಖ ಮಾಡಿದೆ. ಪ್ಯಾರಾಗ್ರಾಫ್ 11(3) ಪಿಂಚಣಿ ಡ್ರಾ ಮಾಡಬಹುದಾದ ಹೆಚ್ಚಿನ
ಸಂಬಳವನ್ನು ಬಹಿರಂಗಪಡಿಸುತ್ತದೆ. ಸೆಪ್ಟೆಂಬರ್ 1, 2014 ರಂದು ಉದ್ಯೋಗಿಗಳಿಗೆ ಮತ್ತು ಉದ್ಯೋಗದಾತರಿಗೆ
ಶಾಸನಬದ್ಧ ಸೀಲಿಂಗ್‌ಗಿಂತ ಹೆಚ್ಚಿನ ವೇತನದಲ್ಲಿ ಉದ್ಯೋಗದಾತರ ಕೊಡುಗೆಯನ್ನು ಪಾವತಿಸಲು ಜಂಟಿ ಆಯ್ಕೆಯನ್ನು
ಅನುಮತಿಸಲು ವಿಭಾಗವನ್ನು ತಿದ್ದುಪಡಿ ತರಲಾಗಿದೆ.

Advertisement