# Floating Rate Savings Bond: ಸರ್ಕಾರಿ ಸಾಲಪತ್ರಗಳಲ್ಲಿ ಹೂಡಿಕೆ ಮಾಡೋರಿಗೆ ಬೊಂಬಾಟ್ ಸುದ್ದಿ – ಫ್ಲೋಟಿಂಗ್ ರೇಟ್ ಸೇವಿಂಗ್ಸ್ ಬಾಂಡ್ ಖರೀದಿಸುವ ಸುವರ್ಣವಕಾಶ ನೀಡಿದ RBI

- Link: https://hosakannada.com/business/business-news-rbi-introduces-floating-rate-savings-bonds-latest-news/
- Published: 2023-10-25T10:51:28+00:00
- Author: ಕಾವ್ಯ ವಾಣಿ

Floating Rate Savings Bond: ಆರ್​ಬಿಐನ ರೀಟೇಲ್ ಡೈರೆಕ್ಟ್ ಸ್ಕೀಮ್ ಅಡಿಯಲ್ಲಿ, ಸರ್ಕಾರದ ಸಾಲಪತ್ರಗಳಲ್ಲಿ
ಹೂಡಿಕೆ ಮಾಡುವ ಕ್ರಮವನ್ನು ಸರಳಗೊಳಿಸಲು ಹೊಸ ಚಿಂತನೆ ರೂಪಿಸಲಾಗಿದ್ದು, ವೈಯಕ್ತಿಕ ರೀಟೇಲ್ ಹೂಡಿಕೆದಾರರು
ಈ ಪೋರ್ಟಲ್ ಮೂಲಕ ಆರ್​ಬಿಐನ ರೀಟೇಲ್ ಡೈರೆಕ್ಟ್ ಗಿಲ್ಟ್ ಅಕೌಂಟ್ ಅನ್ನು ತೆರೆಯಬಹುದಾಗಿದೆ. ಜೊತೆಗೆ
ಈ ಖಾತೆಯಿಂದ ವಿವಿಧ ಸರ್ಕಾರಿ ಸಾಲಪತ್ರಗಳನ್ನು ಖರೀದಿಸಬಹುದಾಗಿದೆ.

Sponsored

ಸದ್ಯ ಆರ್​ಬಿಐ ಡೈರೆಕ್ಟ್ ಪೋರ್ಟಲ್​ನಲ್ಲಿ ಫ್ಲೋಟಿಂಗ್ ರೇಟ್ ಸೇವಿಂಗ್ಸ್ ಬಾಂಡ್​ಗಳನ್ನು (FRSB-
floating rate savings bond) ಖರೀದಿಸಲು ಅವಕಾಶ ನೀಡಿರುವುದಾಗಿ ರಿಸರ್ವ್ ಬ್ಯಾಂಕ್ ಸೋಮವಾರ ತಿಳಿಸಿದೆ.
ಇದರೊಂದಿಗೆ ಕೇಂದ್ರ ಸರ್ಕಾರದ ಬಾಂಡ್​ಗಳು, ರಾಜ್ಯ ಸರ್ಕಾರಗಳ ಬಾಂಡ್​ಗಳು, ಟ್ರೆಷರಿ ಬಿಲ್​ಗಳು, 
ಸಾವರೀನ್ ಗೋಲ್ಡ್ ಬಾಂಡ್​ಗಳ ಜೊತೆಗೆ ಎಫ್​ಆರ್​ಎಸ್​ಬಿಗಳೂ ರೀಟೇಲ್ ಡೈರೆಕ್ಟ್ ಸ್ಕೀಮ್ ಅಡಿಯಲ್ಲಿ
ಪೋರ್ಟಲ್​ಗಳಲ್ಲಿ ಖರೀದಿಗೆ ಲಭ್ಯ ಇರಲಿವೆ.

Advertisement

Advertisement

ಸೇವಿಂಗ್ ಬಾಂಡ್​ಗಳು ಅಂದರೆ ಕೇಂದ್ರ ಸರ್ಕಾರ ವಿತರಿಸುವ ಸಾಲಪತ್ರ. ಬ್ಯಾಂಕುಗಳಲ್ಲಿ ಫ್ಲೋಟಿಂಗ್ 
ರೇಟ್ ಸಾಲಗಳಂತೆ ಈ ಬಾಂಡ್​ಗಳಲ್ಲಿ ನಿಶ್ಚಿತ ಬಡ್ಡಿ ಇರುವುದಿಲ್ಲ. ಕಾಲಕಾಲಕ್ಕೆ ಬಡ್ಡಿದರ ಪರಿಷ್ಕರಣೆ
ಆಗಬಹುದು. ಫ್ಲೋಟಿಂಗ್ ರೇಟ್ ಸೇವಿಂಗ್ ಬಾಂಡ್​ಗಳು ವಿತರಣೆಯಾಗಿ ಏಳು ವರ್ಷಗಳ ಬಳಿಕ ಮೆಚ್ಯೂರ್ ಆಗುತ್ತವೆ.
ಆದರೆ, ಬಾಂಡ್ ಮಾರುಕಟ್ಟೆಯಲ್ಲಿ ಇವುಗಳನ್ನು ಖರೀದಿಸಬಹುದೇ ಹೊರತು ಮಾರಾಟ ಮಾಡಲು ಆಗುವುದಿಲ್ಲ.

ಮುಖ್ಯವಾಗಿ ವೈಯಕ್ತಿಕ ರೀಟೇಲ್ ಹೂಡಿಕೆದಾರರು ಈ ಪೋರ್ಟಲ್ ಮೂಲಕ ಆರ್​ಬಿಐನ ರೀಟೇಲ್ ಡೈರೆಕ್ಟ್ ಗಿಲ್ಟ್
ಅಕೌಂಟ್ (RBI RDG Account) ಅನ್ನು ತೆರೆಯಬಹುದು. ಈ ಖಾತೆಯಿಂದ ವಿವಿಧ ಸರ್ಕಾರಿ ಸಾಲಪತ್ರಗಳನ್ನು
ಖರೀದಿಸಬಹುದಾಗಿದೆ. ಈ ಪೋರ್ಟಲ್​ನ ವಿಳಾಸ ಇಂತಿದೆ: rbiretaildirect.org.in

ಇನ್ನು ಆರ್​ಬಿಐನ ರೀಟೇಲ್ ಡೈರೆಕ್ಟ್ ಗಿಲ್ಟ್ ಅಕೌಂಟ್ ಅನ್ನು ಮೇಲಿನ ಪೋರ್ಟಲ್​ನಲ್ಲಿ ತೆರೆಯಬಹುದು.
ಪ್ಯಾನ್ ನಂಬರ್, ಅಧಿಕೃತ ಕೆವೈಸಿ ದಾಖಲೆಗಳು, ಇಮೇಲ್ ಐಡಿ ಮತ್ತು ನೊಂದಾಯಿತ ಮೊಬೈಲ್ ನಂಬರ್ ಹೊಂದಿದ್ದಲ್ಲಿ
ಆರ್​ಡಿಜಿ ಖಾತೆ ತೆರೆಯಬಹುದು.

ಇದನ್ನೂ ಓದಿ: [ಮಹಿಳೆಯರೇ ಮೆಸೇಜ್ ಬಂದ್ರೂ, ಎಲ್ಲಾ ದಾಖಲೆ ಸರಿ ಇದ್ರೂ ಗೃಹಲಕ್ಷ್ಮೀ ದುಡ್ಡು ಬಂದಿಲ್ವಾ ?! ಹಾಗಿದ್ರೆ ಇದೇ ಕಾರಣ ನೋಡಿ](https://hosakannada.com/2023/10/25/karnataka-news-congress-guarantee-did-you-get-gruhalakshmi-scheme-message-but-not-money-here-is-details/)

Advertisement