# ರೈಲು ಇಂಜಿನ್‌ ಡಿಕ್ಕಿ: ಪತ್ನಿಯನ್ನು ಸುರಕ್ಷಿತ ಸ್ಥಳಕ್ಕೆ ತಳ್ಳಿ, ಇಂಜಿನ್‌ ಬಡಿದು ಗಂಡ ಸಾವು

- Link: https://hosakannada.com/accident/train-engine-collision-husband-dies-after-pushing-wife-to-safety-and-being-struck-by-the-engine/
- Published: 2026-07-08T08:26:01+00:00
- Author: ಹೊಸಕನ್ನಡ ನ್ಯೂಸ್

ಕೊಪ್ಪಳ: ರೈಲಿನ ಇಂಜಿನ್‌ ಬಡಿದು ಸೇತುವೆ ಮೇಲಿನಿಂದ ವ್ಯಕ್ತಿಯೋರ್ವ ಬಿದ್ದು ಸಾವಿಗೀಡಾದ ದುರ್ಘಟನೆ
ಹುಲಿಗಿಯಲ್ಲಿ ನಡೆದಿದೆ. ಮೃತ ವ್ಯಕ್ತಿ ಜಗದೀಶ್‌ ಕೆ (35) ಎಂದು ವರದಿಯಾಗಿದೆ.

Sponsored

ಜಗದೀಶ್‌ ತನ್ನ ಪತ್ನಿಯೊಂದಿಗೆ ಸಂಬಂಧಿಕರ ಧಾರ್ಮಿಕ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲೆಂದು ಹೋಗುತ್ತಿದ್ದ
ಸಂದರ್ಭದಲ್ಲಿ ಈ ಅವಘಡ ನಡೆದಿದೆ. ಚಿತವಾಡಗಿಯಿಂದ ಬೈಕ್‌ನಲ್ಲಿ ಪತ್ನಿ ಜೊತೆ ಬಂದ ಜಗದೀಶ್‌ ಹುಲಿಗಿಯಲ್ಲಿರು
ತುಂಗಭದ್ರಾ ನದಿಗೆ ನಿರ್ಮಿಸಿರುವ ಬೃಹತ್‌ ರೈಲು ಸೇತುವೆ ಆಚೆ ಬೈಕ್‌ ನಿಲ್ಲಿಸಿ ರೈಲ್ವೆ ಸೇತುವೆ 
ಮೇಲಿನಿಂದ ನಡೆದುಕೊಂಡು ಕಾರ್ಯಕ್ರಮದತ್ತ ಹೊರಟಿದ್ದರು.

Advertisement

Advertisement

ಸೇತುವೆ ಮೇಲಿದ್ದಾಗಲೇ ರೈಲೊಂದು ವೇಗವಾಗಿ ಬಂದಿದ್ದು, ಹತ್ತಿರ ಬಂದಾಗ ಗಮನಿಸಿ ಅವಸರದಲ್ಲಿಯೇ ಪತ್ನಿಯನ್ನು
ಸೇತುವೆ ಪಕ್ಕ ಇರುವ ಬಾಕ್ಸ್‌ ನಂಥ ಸೇಫ್ಟ್‌ ಪ್ಲಾಟ್‌ಫಾರ್ಮ್‌ಗೆ ಕಳಿಸಿ ತಾನೂ ಹೋಗುವ ಪ್ರಯತ್ನದಲ್ಲಿದ್ದಾಗ
ರೈಲಿನ ಇಂಜಿನ್‌ ಬಡಿದು ಜಗದೀಶ್‌ ಸೇತುವೆ ಮೇಲಿನಿಂದ ಕೆಳಗೆ ಬಿದ್ದು ನದಿಯ ಬಂಡೆಗೆ ಬಡಿದು ಸಾವಿಗೀಡಾಗಿದ್ದಾರೆ.

ಕೊಪ್ಪಳ ರೈಲ್ವೆ ಪೊಲೀಸರು ಪ್ರಕರಣ ದಾಖಲು ಮಾಡಿಕೊಂಡಿದ್ದಾರೆ.

Advertisement