# ಹನಿಮೂನ್‌ ಚಳಿಯಿಂದ ಪಾರಾಗಲು ಹಾಕಿದ ಬೆಂಕಿಯಿಂದ ಸಾವಿಗೀಡಾದ ನವವಧು

- Link: https://hosakannada.com/accident/newlywed-who-died-from-the-fire-set-to-escape-the-cold-during-her-honeymoon/
- Published: 2026-11-20T11:48:04+00:00
- Author: ಹೊಸಕನ್ನಡ ನ್ಯೂಸ್

Sponsored

ಕೋಲ್ಕತ್ತಾ: ಎರಡು ತಿಂಗಳ ಹಿಂದೆ ಡಾರ್ಜಿಲಿಂಗ್‌ ಜಿಲ್ಲೆಯ ಸಿಟ್ಟಾಂಗ್‌ನಲ್ಲಿ ಮಧುಚಂದ್ರದ ವೇಳೆ 
ಬಾರ್ಬೆಕ್ಯೂ ಬೆಂಕಿ ಅವಘಡದಲ್ಲಿ ಗಂಭೀರ ಗಾಯಗೊಂಡಿದ್ದ ನವವಧು ಸಾವು ಬದುಕಿನ ನಡುವೆ ಹೋರಾಟ ನಡೆಸಿ
ಗುರುವಾರ (ನ.19) ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾರೆ.

Sponsored

ಪಶ್ಚಿಮ ಬಂಗಾಳದ ಉತ್ತರ ದಿನಾಜ್‌ಪುರ ಜಿಲ್ಲೆಯ ಚೋಪ್ರಾ ನಿವಾಸಿ ಸಹಾ ಮೃತ ಮಹಿಳೆ.

Advertisement

Advertisement

ಸೆ.13 ರಂದು ನಿಕಿತಾ ಹಾಗೂ ಪತಿ ಸಮೀರ್‌ ಹನಿಮೂನ್‌ಗಾಗಿ ಸಿಟ್ಟಾಂಗ್‌ನ ಹೋಂಸ್ಟೇಗೆ ಬಂದಿದ್ದರು. 
ಚಳಿ ಹೆಚ್ಚಿದ್ದ ಕಾರಣ ದಂಪತಿ ರಾತ್ರಿ ಬಾರ್ಬಿಕ್ಯೂ ಬಳಿ ಕುಳಿತದ್ದಾಗ ಸಿಬ್ಬಂದಿ ಬೆಂಕಿಗೆ ಎಣ್ಣೆ
ಸುರಿದಿದ್ದಾನೆ. ಈ ವೇಳೆ ಬೆಂಕಿಯ ಜ್ವಾಲೆ ಭುಗಿಲೆದ್ದಿದ್ದು, ಪಕ್ಕದಲ್ಲೇ ಇದ್ದ ಎಣ್ಣೆಯ ಡ್ರಮ್‌ಗೂ
ಬೆಂಕಿ ಹೊತ್ತಿಕೊಂಡು ಪಕ್ಕದಲ್ಲಿಯೇ ಕುಳಿತಿದ್ದ ನಿಕಿತಾ ಅವರಿಗೆ ಹಬ್ಬಿದೆ.

ಈ ಘಟನೆಯಲ್ಲಿ ಶೇ.60ರಷ್ಟು ಸುಟ್ಟ ಗಾಯಗಳಿಂದ ನರಳುತ್ತಿದ್ದ ಮಹಿಳೆಯನ್ನು ಆಸ್ಪತ್ರೆಗೆ ದಾಖಲು ಮಾಡಿ
ನಂತರ ಹೆಚ್ಚಿನ ಚಿಕಿತ್ಸೆಗೆಂದು ಕೋಲ್ಕತ್ತಾದ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ಇದೀಗ ಆರೋಗ್ಯ 
ಸ್ಥಿತಿ ಹದಗೆಟ್ಟ ಕಾರಣ ಇಂದು (ನ.19) ಮಹಿಳೆ ಮೃತಪಟ್ಟಿದ್ದಾರೆ.

Advertisement
