# ನಾವೂರು: ಆರೋಗ್ಯ ಕ್ಲಿನಿಕ್‌ಗೆ ಬೆಂಕಿ: ಔಷಧಿಗಳು ಸುಟ್ಟು ಕರಕಲು

- Link: https://hosakannada.com/accident/navuru-fire-at-the-health-clinic-medicines-burned-to-ashes/
- Published: 2026-10-07T11:55:44+00:00
- Author: ಹೊಸಕನ್ನಡ ನ್ಯೂಸ್

ನಾವೂರು ಪೇಟೆಯಲ್ಲಿರುವ ಆರೋಗ್ಯ ಕ್ಲಿನಿಕ್‌ಗೆ ತಡರಾತ್ರಿ ಬೆಂಕಿ ಬಿದ್ದು ಅಪಾರ ವಸ್ತುಗಳು ಸುಟ್ಟು
ಕರಕಲಾದ ಘಟನೆ ಅ.7 ರಂದು ಬೆಳಿಗ್ಗೆ ಬೆಳಕಿಗೆ ಬಂದಿದೆ.

Sponsored

ಅನಾಹುತದ ಹಿಂದೆ ಹಲವಾರು ಅನುಮಾನಗಳು ವ್ಯಕ್ತವಾಗುತ್ತಿದ್ದು,ಯಾರೋ ಕಿಡಿಗೇಡಿಗಳು ಡಿಸೇಲ್‌ ಸುರಿದು
ಬೆಂಕಿ ಹಚ್ಚಿರುವ ವದಂತಿ ಹರಡಿದೆ. ಘಟನಾ ಸ್ಥಳದಲ್ಲಿ ನೂರಾರು ಮಂದಿ ಸಾರ್ವಜನಿಕರು ಜಮಾಯಿಸಿದ್ದರು.

Advertisement

Advertisement

ನಾವೂರು ಗ್ರಾಮದ ಶೇಖರ್‌ ಪೂಜಾರಿ ಎಂಬುವವರ ಮಾಲೀಕತ್ವದ ಸ್ವಾತಿ ಕಟ್ಟಡದಲ್ಲಿ ಡಾ.ಪ್ರದೀಪ ಎ ಅವರಿಗೆ
ಸೇರಿದ ಆರೋಗ್ಯ ಕ್ಲಿಬಿಕ್‌ ಕಾರ್ಯಾಚರಿಸುತ್ತಿದ್ದು ಬುಧವಾರ ತಡರಾತ್ರಿ ದುಷ್ಕರ್ಮಿಗಳು ಕ್ಲಿನಿಕ್‌ನ
ಕಿಟಕಿ ಬಳಿ ಡಿಸೇಲ್‌ ಬೆಂಕಿ ಹಚ್ಚಿರುವ ಶಂಕೆ ಸಾರ್ವಜನಿಕರಲ್ಲಿ ವ್ಯಕ್ತವಾಗಿದೆ.

ಆರೋಗ್ಯ ಕ್ಲಿನಿಕ್‌ನ ಕನ್ಸಲ್‌ಟೆಂಟ್‌ ಕೊಠಡಿ ಸೇರಿ ಮೂರು ಕೊಠಡಿಗಳು ಸುಟ್ಟು ಹಾನಿಯಾಗಿದೆ. ಹಾಸಿಗೆ,
ಔಷಧಿಗಳು, ಇಲೆಕ್ಟ್ರಾನಿಕ್‌ ಸೊತ್ತುಗಳು ಬೆಂಕಿ ಅಹುತಿಯಾಗಿ ಅಪಾರ ಹಾನಿ ಸಂಭವಿಸಿದೆ. ಬೆಳ್ತಂಗಡಿ
ಪೊಲೀಸ್‌ ಠಾಣಾ ಪೊಲೀಸರು, ಅಗ್ನಿಶಾಮಕ ದಳ, ಸೋಕೋ ತಂಡ ಭೇಟಿ ನೀಡಿ ಪರಿಶೀಲನೆ ನಡೆಸುತ್ತಿದ್ದಾರೆ.

Advertisement