# ಕಾಸರಗೋಡು: ತಂದೆಯ ಬಂದೂಕಿನಿಂದ ಹಾರಿದ ಗುಂಡು : 17 ವರ್ಷದ ಬಾಲಕ ಗಂಭೀರ ಗಾಯ

- Link: https://hosakannada.com/accident/kasaragod-bullet-fired-from-fathers-gun-17-year-old-boy-injured/
- Published: 2026-11-09T04:07:23+00:00
- Author: ಹೊಸಕನ್ನಡ ನ್ಯೂಸ್

ಕಾಸರಗೋಡು ಜಿಲ್ಲೆಯ ಪಳ್ಳಿಕರ ಗ್ರಾಮದ ಪೂಚಕ್ಕಡ್ ಪ್ರದೇಶದಲ್ಲಿ ನಡೆದ ತಂದೆಯ ಲೈಸೆನ್ಸ್‌ಡ್ ಬಂದೂಕಿನಿಂದ
ಆಕಸ್ಮಿಕವಾಗಿ ಗುಂಡು ಹಾರಿದ ಘಟನೆ ನಡೆದಿದೆ.
​ಕೇರಳದ ಕಾಸರಗೋಡು ಜಿಲ್ಲೆಯ ಪಳ್ಳಿಕರ ಗ್ರಾಮದ ಪೂಚಕ್ಕಡ್.
ಶನಿವಾರ ರಾತ್ರಿ ಸುಮಾರು 9:30 ರ ಸುಮಾರಿಗೆ ಈ ಘಟನೆ ಸಂಭವಿಸಿದೆ.ಮನೆಯಲ್ಲಿ ತಂದೆಯ ಮಲಗುವ ಕೋಣೆಯಲ್ಲಿ
ಇಡಲಾಗಿದ್ದ ಲೈಸೆನ್ಸ್‌ ಹೊಂದಿದ ಬಂದೂಕನ್ನು 17 ವರ್ಷದ ಬಾಲಕ ತೆಗೆದುಕೊಂಡು ಪರಿಶೀಲಿಸುತ್ತಿದ್ದಾಗ,
ಆಕಸ್ಮಿಕವಾಗಿ ಗುಂಡು ಹಾರಿದೆ.​ಗುಂಡು ಬಾಲಕನ ಹೊಟ್ಟೆಗೆ ತಗುಲಿದ್ದು, ಗಂಭೀರವಾಗಿ ಗಾಯಗೊಂಡಿರುವ 
ಆತನನ್ನು ತಕ್ಷಣವೇ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.​​ಈ ಘಟನೆಗೆ ಸಂಬಂಧಿಸಿದಂತೆ
ಬಾಲಕನ ತಂದೆ ವಿರುದ್ಧ ಪೊಲೀಸರು ಎಫ್‌ಐಆರ್ ದಾಖಲಿಸಿಕೊಂಡಿದ್ದಾರೆ. ಶಸ್ತ್ರಾಸ್ತ್ರಗಳನ್ನು ಸುರಕ್ಷಿತವಾಗಿಡದೆ,
ನಿರ್ಲಕ್ಷ್ಯದಿಂದ ಇತರರ ಜೀವಕ್ಕೆ ಅಪಾಯ ತಂದಿಟ್ಟಿರುವ ಹಿನ್ನೆಲೆಯಲ್ಲಿ ತಂದೆಯ ಬಂದೂಕು ಪರವಾನಗಿಯನ್ನು
ರದ್ದುಪಡಿಸುವಂತೆ ಸಂಬಂಧಪಟ್ಟ ಅಧಿಕಾರಿಗಳಿಗೆ ಪತ್ರ ಬರೆಯಲು ಪೊಲೀಸರು ನಿರ್ಧರಿಸಿದ್ದಾರೆ.​ಬಿಎನ್
ಎಸ್ ಹಾಗೂ ಶಸ್ತ್ರಾಸ್ತ್ರ ಕಾಯ್ದೆಯ ವಿವಿಧ ಸೆಕ್ಷನ್‌ಗಳ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡು ತನಿಖೆ
ಮುಂದುವರೆಸಲಾಗಿದೆ.​ಮನೆಗಳಲ್ಲಿ ಪರವಾನಗಿ ಪಡೆದ ಬಂದೂಕು ಅಥವಾ ಮಾರಕಾಸ್ತ್ರಗಳನ್ನು ಮಕ್ಕಳ ಕೈಗೆ 
ಸಿಗದಂತೆ ಅತ್ಯಂತ ಸುರಕ್ಷಿತವಾಗಿ ಮತ್ತು ಜವಾಬ್ದಾರಿಯಿಂದ ಕಾಪಾಡಿಕೊಳ್ಳಬೇಕೆಂಬುದನ್ನು ಈ ಘಟನೆ ಮತ್ತೊಮ್ಮೆ
ಎಚ್ಚರಿಸಿದೆ.

Sponsored

Advertisement

Advertisement

Advertisement