ಒಬ್ಬರನ್ನೊಬ್ಬರು ಚಳಿಗಾಲದಲ್ಲಿ ಮುಟ್ಟಿದಾಗ ಶಾಕ್ ಹೊಡೆಯುತ್ತೆ! ಇದಕ್ಕೊಂದು ವೈಜ್ಞಾನಿಕ ಕಾರಣವಿದೆ ಗೊತ್ತಾ?
Electric Shock : ಸಾಮಾನ್ಯವಾಗಿ ನೀರು ಮುಟ್ಟಿ, ನಂತರ ಸ್ವಿಚ್ ಬೋರ್ಡ್ (switch board) ಮುಟ್ಟಿದರೆ ಶಾಕ್ ಹೊಡೆಯುತ್ತದೆ. ಅಲ್ಲದೆ, ಮಳೆಗಾಲದಲ್ಲಿ ಜೋರಾಗಿ, ಗುಡುಗು, ಸಿಡಿಲು ಬಂದಾಗ ನಿವೇನಾದರೂ ಕಬ್ಬಿಣದ ವಸ್ತು ಹಿಡಿದುಕೊಂಡಿದ್ದರೆ, ವಿದ್ಯುತ್ ಶಾಕ್ (Electric shock) ಗೆ ಎಲ್ಲೋ ಬಿದ್ದಿರುತ್ತೀರಿ. ಇದಿಷ್ಟೇ ಅಲ್ಲ ಕೆಲವೊಮ್ಮೆ ನೆಲದಲ್ಲಿ ನಿಂತರೂ ಶಾಕ್ ಹೊಡೆಯುತ್ತದೆ. ಆದರೆ ನಿಮಗೆ ಗೊತ್ತಾ? ಚಳಿಗಾಲದಲ್ಲಿ (winter season) ಒಬ್ಬರನ್ನೊಬ್ಬರು ಮುಟ್ಟಿದಾಗ ಸಣ್ಣದಾಗಿ ಶಾಕ್ ಹೊಡೆದಂತೆ ಅನುಭವವಾಗುತ್ತದೆ. ಯಾಕೆ ಹೀಗೆ? ತಿಳಿಯೋಣ ಇದರ ಮಾಹಿತಿ.
ಚಳಿಗಾಲದಲ್ಲಿ ಒಬ್ಬರನ್ನೊಬ್ಬರು ಮುಟ್ಟಿದಾಗ ಸಣ್ಣದಾಗಿ ಶಾಕ್ ಹೊಡೆದಂತೆ ಭಾಸವಾಗುವುದಕ್ಕೆ ಸ್ಟಾಟಿಕ್ ಕರೆಂಟ್ (Static Current) ಎಂದು ಕರೆಯುತ್ತಾರೆ. ಹೀಗೆ ಏಕೆ ಅನುಭವವಾಗುತ್ತದೆ ಎಂದರೆ, ಸುತ್ತಲೂ ಇರುವ ಎಲ್ಲವೂ ಪರಮಾಣುಗಳಿಂದ ಮಾಡಲ್ಪಟ್ಟಿದೆ. ಅವುಗಳನ್ನು ಬರಿಗಣ್ಣಿನಿಂದ ನೋಡಲಾಗುವುದಿಲ್ಲ. ಧನಾತ್ಮಕ ಆವೇಶದ ಪ್ರೋಟಾನ್‌ಗಳು, ಋಣಾತ್ಮಕ ಆವೇಶದ ಎಲೆಕ್ಟರಾನ್‌ಗಳು ಮತ್ತು ತಟಸ್ಥ ನ್ಯೂಟ್ರಾನ್‌ಗಳನ್ನು ಪರಮಾಣುಗಳು ಹೊಂದಿರುತ್ತವೆ.
ಪರಮಾಣುವಿನಲ್ಲಿ ಪ್ರೋಟಾನ್‌ಗಳು ಮತ್ತು ಎಲೆಕ್ಟ್ರಾನ್ಗಳು ಬೆಸ ಸಂಖ್ಯೆಯಲ್ಲಿದ್ದಾಗ, ಎಲೆಕ್ಟ್ರಾನ್ಗಳು ಉತ್ಸುಕವಾಗುತ್ತವೆ. ಪ್ರೋಟಾನ್‌ಗಳು ಮತ್ತು ನ್ಯೂಟ್ರಾನ್‌ಗಳು ಚಲಿಸುವುದಿಲ್ಲ ಆದರೆ ಎಲೆಕ್ಟ್ರಾನ್ಗಳು ಬೌನ್ಸ್ ಆಗುತ್ತವೆ. ಹಾಗಾಗಿ, ಒಬ್ಬ ವ್ಯಕ್ತಿ ಅಥವಾ ಯಾವುದೇ ವಸ್ತುವು ಹೆಚ್ಚುವರಿ ಎಲೆಕ್ಟ್ರಾನ್ಗಳನ್ನು ಹೊಂದಿರುವಾಗ, ಅದು ಋಣಾತ್ಮಕ ಆವೇಶವನ್ನು ಸೃಷ್ಟಿಸುತ್ತದೆ. ಈ ಎಲೆಕ್ಟ್ರಾನ್ಗಳು ಮತ್ತೊಂದು ವಸ್ತುವಿನ ಅಥವಾ ವ್ಯಕ್ತಿಯ ಧನಾತ್ಮಕ ಎಲೆಕ್ಟ್ರಾನ್‌ಗಳಿಗೆ ಆಕರ್ಷಿತವಾಗುತ್ತವೆ. ಹಾಗಾಗಿ ಸಣ್ಣದಾಗಿ ಶಾಕ್ ಹೊಡೆಯುವುದಕ್ಕೆ ಈ ಎಲೆಕ್ಟ್ರಾನ್‌ಗಳ ತ್ವರಿತ ಚಲನೆಯೇ ಕಾರಣ.
ಚಳಿಗಾಲದಲ್ಲಿ ಅಥವಾ ಸುತ್ತಲಿನ ಹವಾಮಾನವು ಶುಷ್ಕವಾಗಿದ್ದಾಗ ವಿದ್ಯುತ್ ಚಾರ್ಜ್ ರೂಪುಗೊಳ್ಳುತ್ತದೆ. ಗಾಳಿಯು ಶುಷ್ಕವಾಗಿರುತ್ತದೆ ಮತ್ತು ಎಲೆಕ್ಟ್ರಾನ್ಗಳು ನಮ್ಮ ಚರ್ಮದ ಮೇಲ್ಮೈಯಲ್ಲಿ ಸುಲಭವಾಗಿ ಬೆಳೆಯುತ್ತವೆ. ಆದರೆ ಬೇಸಿಗೆಯಲ್ಲಿ, ಗಾಳಿಯ ತೇವಾಂಶವು ಋಣಾತ್ಮಕ ವಿದ್ಯುದಾವೇಶದ ಎಲೆಕ್ಟ್ರಾನ್ಗಳನ್ನು ನಿರ್ಮೂಲನೆ ಮಾಡುತ್ತದೆ. ಹಾಗಾಗಿ ಬೇಸಿಗೆಯಲ್ಲಿ ಶಾಕ್ ಹೊಡೆಯುವುದು ವಿರಳ.