ಮಂಗಳೂರು:ಕುಡುಕನಿಗೆ ಸಿಕ್ಕಿದ 10 ಲಕ್ಷ ನೋಟಿನ ಕಂತೆ!!ಠಾಣೆ ಮೆಟ್ಟಿಲೇರಿದ ಬಳಿಕ ಮುಚ್ಚಿಹೋಯಿತೇ!? ಮಂಗಳೂರು ನಗರ ಪೊಲೀಸರ ನಡೆಯಲ್ಲಿ ಹಲವು ಅನುಮಾನ!?
ಮಂಗಳೂರು:ಕುಡುಕನಿಗೆ ಸಿಕ್ಕಿದ 10 ಲಕ್ಷ ನೋಟಿನ ಕಂತೆ!!ಠಾಣೆ ಮೆಟ್ಟಿಲೇರಿದ ಬಳಿಕ ಮುಚ್ಚಿಹೋಯಿತೇ!? ಮಂಗಳೂರು ನಗರ ಪೊಲೀಸರ ನಡೆಯಲ್ಲಿ ಹಲವು ಅನುಮಾನ!?
ಮಂಗಳೂರು: ನಗರದ ಪಂಪ್ ವೆಲ್ ನ ಬಳಿಯ ಬಾರ್ ಒಂದರ ಬಳಿ ನವೆಂಬರ್ 27ರಂದು 2,000, 500 ರೂಂ ಮುಖಬೆಲೆಯ ಗರಿ ಗರಿನೋಟಿನ ಹಣದ ಬಾಕ್ಸ್ ಕುಡುಕರೊಬ್ಬರಿಗೆ ಸಿಕ್ಕಿದ್ದು,ಬಳಿಕ ಕುಡುಕನ ಸಹಿತ ಹಣವನ್ನು ಪೊಲೀಸರು ವಶಕ್ಕೆ ಪಡೆದಿದ್ದು,ದಿನಗಳು ಹಲವು ಕಳೆದರೂ ಈ ವರೆಗೆ ಯಾವುದೇ ಪ್ರಕರಣ ದಾಖಲಾಗದೆ ತೆರೆಮರೆಯಲ್ಲೇ ಮುಚ್ಚಿಹೋಗಿರುವ ವಿಚಾರವೊಂದು ಕುಡುಕನಿಂದಲೇ ವೈರಲ್ ಆಗಿದ್ದು, ನಗರ ಪೊಲೀಸರ ನಡೆ ಹಲವು ಅನುಮಾನಗಳಿಗೆ ಎಡೆಮಾಡಿಕೊಟ್ಟಿದೆ.
ಮದ್ಯ ವ್ಯಸನಿಯಾಗಿದ್ದ ಹಣ ಶಿವರಾಜ್ ಎಂಬಾತನಿಗೆ ಬಾರ್ ಬಳಿಯಲ್ಲಿ ಬ್ಯಾಗ್ ಒಂದು ಕಂಡಿದ್ದು, ಅಲ್ಲೇ ಇದ್ದ ಕಾರ್ಮಿಕನೊಂದಿಗೆ ಸೇರಿ ಅದನ್ನು ಪರಿಶೀಲಿಸಿದಾಗ ಸಾವಿರ ಮುಖಬೆಲೆಯ ಗರಿಗರಿ ನೋಟುಗಳು ಕಂಡುಬಂದಿತ್ತು.ಆ ಹಣದಲ್ಲಿ ಕಾರ್ಮಿಕನಿಗೆ ಒಂದೆರಡು ಕಂತೆ ನೀಡಿದ ಬಳಿಕ, ಇಬ್ಬರೂ ಸೇರಿ ಮದ್ಯ ಸೇವಿಸಿದ್ದಾರ.
ಮಾರನೇ ದಿನ ಈ ವಿಚಾರ ಕಂಕನಾಡಿ ಪೊಲೀಸರಿಗೆ ತಿಳಿಯುತ್ತಿದ್ದಂತೆ ಸ್ಥಳಕ್ಕೆ ಬಂದು ಹಣದ ಬಾಕ್ಸ್ ಸಮೇತ ಶಿವರಾಜ್ನನ್ನ ವಶಕ್ಕೆ ಪಡೆದಿದ್ದಾರೆ.ಹಣದ ಮೂಲ ಪತ್ತೆ ಮಾಡುವ ಉದ್ದೇಶದಿಂದ ಮೂರು ದಿನಗಳ ಕಾಲ ಠಾಣೆಯಲ್ಲಿ ಇಟ್ಟುಕೊಂಡು ನಂತರ ಶಿವರಾಜ್ ನನ್ನು ಬಿಟ್ಟು ಕಳಿಸಿದ್ದಾರೆ. ಈ ವಿಚಾರವನ್ನು ಶಿವರಾಜ್ ಬಹಿರಂಗಗೊಳಿಸಿದ್ದು,ಶಿವರಾಜ್ ಬಾಕ್ಸ್ನಲ್ಲಿ 5ರಿಂದ 10 ಲಕ್ಷ ಇತ್ತು ಎಂದು ಹೇಳಿಕೆ ನೀಡಿದ್ದ ವಿಡಿಯೋ ಒಂದು ಮಾಧ್ಯಮಗಳಿಗೆ ಸಿಕ್ಕಿತ್ತು.
ಈ ಬಗ್ಗೆ ಈ ವರೆಗೆ ಪೊಲೀಸರು ಯಾವುದೇ ಕೇಸ್ ದಾಖಲಿಸದೇ ಇರುವುದು ಹಲವು ಅನುಮಾನಗಳಿಗೆ ಎಡೆಮಾಡಿಕೊಟ್ಟಿದ್ದು,ನೋಟಿನ ಕಂತೆಯ ವಾರೀಸುದಾರರ ಪತ್ತೆಗಾಗಲಿ, ಅಥವಾ ಹಣದ ಮೂಲದ ಪತ್ತೆಗೆ ಪೊಲೀಸರು ಮನಸ್ಸು ಮಾಡದೆ ಇರುವುದು ಸಾರ್ವಜನಿಕರಿಗೆ ಅನುಮಾನ ಹೆಚ್ಚಿಸಿದೆ. ಈ ಹಿಂದೆ ಸೀಜ್ ಮಾಡಿದ್ದ ವಾಹನಗಳನ್ನು ಸೇಲ್ ಮಾಡಿದ್ದ ನಗರ ಪೊಲೀಸರ ಮುಡಿಗೆ ಕುಡುಕನ ಹಣದ ವಿಚಾರ ಕಿರೀಟವಾದಂತಿದೆ ಎನ್ನುತ್ತಿದ್ದಾರೆ ಪ್ರಜ್ಞಾವಂತ ನಾಗರಿಕರು.
