Amazefit Pop 2 : ಮಾರುಕಟ್ಟೆಯಲ್ಲಿ ಸಂಚಲನ ಮೂಡಿಸಲು ಬರುತ್ತಿದೆ ಅಮೇಜ್ಫಿಟ್ ಸ್ಮಾರ್ಟ್ವಾಚ್! ನವೆಂಬರ್ 22 ರಿಂದ ಬಿಡುಗಡೆ
ಇದೀಗ ಅಮೇಜ್ಫಿಟ್ ಸ್ಮಾರ್ಟ್ವಾಚ್ ಮಾರುಕಟ್ಟೆಯಲ್ಲಿ ಸಂಚಲನ ಮೂಡಿಸಲು ಬರುತ್ತಿದೆ. ಇದು ಈ ಬಾರಿ ಅಮೇಜ್ಫಿಟ್ ಕಂಪನಿಯಿಂದ ಬಿಡುಗಡೆಯಾಗುತ್ತಿರುವ ಹೊಸ ವರ್ಷನ್ನ ಸ್ಮಾರ್ಟ್ವಾಚ್ ಆಗಿದೆ. ಹಾಗೇ ಇದು ಅಮೇಜ್ಫಿಟ್ ಪಾಪ್ 2 ಎಂಬ ಹೆಸರಿನೊಂದಿಗೆ ಮಾರುಕಟ್ಟೆಗೆ ಭರ್ಜರಿ ಎಂಟ್ರಿ ನೀಡಲಿದೆ ಎಂದು ತಂತ್ರಜ್ಞರು ತಿಳಿಸಿದ್ದಾರೆ.
ಸದ್ಯ ಸ್ಮಾರ್ಟ್ ವಾಚ್ನ ಬೇಡಿಕೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿದ್ದು, ಅದಕ್ಕೆ ತಕ್ಕಂತೆ ಕಂಪನಿಗಳು ಕೂಡ ಹೊಸ ಹೊಸ ಫೀಚರ್ಸ್ನೊಂದಿಗೆ ಸ್ಮಾರ್ಟ್ವಾಚ್ಗಳನ್ನು ಲಾಂಚ್ ಮಾಡುವ ಮೂಲಕ ಗ್ರಾಹಕರನ್ನು ಸೆಳೆಯುತ್ತಿದೆ. ಇತ್ತೀಚೆಗೆ ಅಮೇಜ್ಫಿಟ್ ಕಂಪನಿಯು ಭಾರತದಲ್ಲಿ ಅಮೇಜ್ಫಿಟ್ ಪಾಪ್ 2 ಹೆಸರಿನ ಮತ್ತೊಂದು ಸ್ಮಾರ್ಟ್ ವಾಚ್ ಅನ್ನು ಬಿಡುಗಡೆ ಮಾಡಿದೆ. ತನ್ನ ಪ್ರತಿಸ್ಪರ್ಧಿ ಕಂಪನಿಗಳಾದ ನಾಯ್ಸ್, ಫೈರ್ ಬೋಲ್ಟ್ ಮತ್ತು ಬಾಟ್‌ಗಳಿಂದ ಬಿಡುಗಡೆಯಾದ ಸ್ಮಾರ್ಟ್ವಾಚ್ ಮಾದರಿಗಳೊಂದಿಗೆ ಸ್ಪರ್ಧಿಸಲು ಇದು ಮಾರುಕಟ್ಟೆಯಲ್ಲಿ ಸಜ್ಜಾಗಿ ನಿಂತಿದೆ. ಇನ್ನೂ ಈ ಅಮೇಜ್ಫಿಟ್ ಸ್ಮಾರ್ಟ್ವಾಚ್ ನ ಬಗ್ಗೆ ಹೆಚ್ಚಿನ ಮಾಹಿತಿ ತಿಳಿಯೋಣ.
ಈ ಅಮೇಜ್ಫಿಟ್ ಪಾಪ್ 2 ಬೆಲೆ ಹೀಗಿದೆ, ಈ ಸ್ಮಾರ್ಟ್ ವಾಚ್ ಅನ್ನು ಭಾರತೀಯ ಮಾರುಕಟ್ಟೆಗಳಲ್ಲಿ 3999 ರೂಪಾಯಿಯ ಆರಂಭಿಕ ಬೆಲೆಯೊಂದಿಗೆ ಬಿಡುಗಡೆ ಮಾಡಲಾಗಿದೆ. ಆದರೆ ಬಿಡುಗಡೆಯ ಕೊಡುಗೆಯ ಭಾಗವಾಗಿ ಈ ಸ್ಮಾರ್ಟ್ ವಾಚ್ ಅನ್ನು 3299 ರೂಪಾಯಿಗೆ ಖರೀದಿಸಬಹುದಾಗಿದೆ. ಹಾಗೂ ಇದು ಕಪ್ಪು ಮತ್ತು ಗುಲಾಬಿಯಂತಹ ಎರಡು ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಿದೆ. ಸದ್ಯ ನೀವು ಸುಮಾರು 700 ರೂಪಾಯಿಯ ರಿಯಾಯಿತಿಯೊಂದಿಗೆ ಈ ಸ್ಮಾರ್ಟ್ ವಾಚ್ ಅನ್ನು ಪಡೆಯಬಹುದಾಗಿದೆ.
ಇನ್ನು ಈ ಸ್ಮಾರ್ಟ್ ವಾಚ್ ಅನ್ನು ಮೆಟಾಲಿಕ್ ಮಿಡಲ್ ಫ್ರೇಮ್‌ನೊಂದಿಗೆ ವಿನ್ಯಾಸಗೊಳಿಸಲಾಗಿದೆ ಮತ್ತು 150 ಕ್ಕೂ ಹೆಚ್ಚು ವಾಚ್‌ಫೇಸ್‌ಗಳೊಂದಿಗೆ 1.78-ಇಂಚಿನ HD AMOLED ಡಿಸ್ಪ್ಲೇಯೊಂದಿಗೆ ಬರುತ್ತದೆ. ಇದು ರಕ್ತ-ಆಮ್ಲಜನಕ (spO2) ಮಾಪನ, ಹೃದಯ ಬಡಿತ, 100+ ಸ್ಪೋರ್ಟ್ ಮೋಡ್ ಟ್ರ್ಯಾಕಿಂಗ್‌ನಂತಹ ಹಲವು ಫೀಚರ್ಸ್ ಅನ್ನು ಒಳಗೊಂಡಿದೆ. ಅಷ್ಟೇ ಅಲ್ಲದೆ, 24 ಗಂಟೆಗಳ ಕಾಲ ಹೃದಯ ಬಡಿತದ ಮೇಲ್ವಿಚಾರಣೆಯನ್ನು ಸಹ ಮಾಡುತ್ತಿರುತ್ತದೆ.
ಹಾಗೂ ಈ ಸ್ಮಾರ್ಟ್ವಾಚ್ನಲ್ಲಿ ಮೈಕ್ ಮತ್ತು ಸ್ಪೀಕರ್ ಕೂಡ ಇದೆ. ಜೊತೆಗೆ ಬಳಕೆದಾರರು ಸ್ಮಾರ್ಟ್ ವಾಚ್ ಮೂಲಕ ನೇರವಾಗಿ ಕರೆಗಳನ್ನು ಸ್ವೀಕರಿಸಬಹುದಾಗಿದೆ. ನಿರ್ದಿಷ್ಟ ಅಪ್ಲಿಕೇಶನ್‌ಗಳು, SMS ಗೆ ಸಂಬಂಧಿಸಿದ ಸೂಚನೆಗಳನ್ನು ವೈಬ್ರೇಶನ್ ಫೀಚರ್ ಮೂಲಕ ಪಡೆಯಬಹುದು. ಮತ್ತು ಈ ಸ್ಮಾರ್ಟ್ ವಾಚ್ ರಿಮೋಟ್ ಮ್ಯೂಸಿಕ್ ಪ್ಲೇಬ್ಯಾಕ್ ಕಂಟ್ರೋಲ್‌ಗಳು, ವಾಯ್ಸ್ ಅಸಿಸ್ಟೆಂಟ್‌ನಂತಹ ಸಾಮಾನ್ಯ ವೈಶಿಷ್ಟ್ಯಗಳನ್ನು ಕೂಡ ಒಳಗೊಂಡಿದೆ.
ಅಷ್ಟೇ ಅಲ್ಲದೆ, ಈ ಸ್ಮಾರ್ಟ್ವಾಚ್ನಲ್ಲಿ 270 mAh ಯುನಿಟ್ ಮೂಲಕ ಬಳಕೆದಾರರು 10 ದಿನಗಳ ಬ್ಯಾಟರಿ ಸಾಮರ್ಥ್ಯವನ್ನು ಪಡೆಯಬಹುದಾಗಿದೆ. ಈ ಸ್ಮಾರ್ಟ್ ವಾಚ್ IP68 ವಾಟರ್ ಪ್ರೂಫ್ ರೇಟಿಂಗ್ ಅನ್ನು ಹೊಂದಿದ್ದು, ಸ್ಮಾರ್ಟ್‌ಫೋನ್‌ನೊಂದಿಗೆ ಸಂಪರ್ಕಿಸಲು ಬ್ಲೂಟೂತ್ 5.2 ಕನೆಕ್ಟಿವಿಟಿ ಸೆಟ್ಟಿಂಗ್ಸ್ ಕೂಡ ಇದೆ.
ಭಾರತದಲ್ಲಿ Amazfit ಸ್ಮಾರ್ಟ್ ವಾಚ್‌ಗಳು ಅಮೆಜಾನ್ ಮೂಲಕ ಮಾರಾಟ ಮಾಡಲಿದ್ದು, ಕಂಪನಿಯು ಬಿಡುಗಡೆ ಮಾಡುವ ಎಲ್ಲಾ ಮಾದರಿಗಳನ್ನು ಈ ಪೋರ್ಟಲ್ ಮೂಲಕ ಮಾರಾಟ ಮಾಡಲಾಗುತ್ತದೆ. ಆದರೆ ಇತ್ತೀಚಿನ Amazfit ಪಾಪ್ 2 Amazfit ವೆಬ್‌ಸೈಟ್ ಮತ್ತು ಫ್ಲಿಪ್‌ಕಾರ್ಟ್‌ನಲ್ಲಿ ಲಭ್ಯವಾಗಲಿದೆಯಂತೆ. ಹಾಗೂ ಭಾರತದಲ್ಲಿ ಇದರ ಮಾರಾಟ ನವೆಂಬರ್ 22 ರಿಂದ ಆರಂಭವಾಗಲಿದೆ ಎಂದು ತಂತ್ರಜ್ಞರು ತಿಳಿಸಿದ್ದಾರೆ.
