‘ರಿವರ್ಸ್’ ಬ್ಯಾಂಕ್ ಆಫ್ ಇಂಡಿಯಾ ಮುದ್ರಿಸಿದ 2000 ರೂ. ಬೆಲೆಯ ನೋಟುಗಳು | ಕಾಗುಣಿತ ಗೊತ್ತಿಲ್ದೇ ಸ್ಪೆಲ್ಲಿಂಗ್ ಮಿಸ್ಟೇಕ್ ಮಾಡಿದ ಕಳ್ಳರು !

ಸೂರತ್​ : ಕಾಗುಣಿತ ಮತ್ತು ಪ್ರಿಂಟಿಗೆ ಹೋಗುವ.ಮೊದಲು ಚೆಕ್ ಮಾಡೋದು ಎಷ್ಟು ಮುಖ್ಯ ಅನ್ನುವುದಕ್ಕೆ ಇದೊಂದು ಒಳ್ಳೆಯ ಉದಾಹರಣೆ ಆದೀತು. ಕಳ್ಳರು ಕೂಡಾ ಒಳ್ಳೆಯ ಓದು ಓದಿಕೊಂಡು ಬರಬೇಕು, ಇಲ್ಲದೆ ಪೊಲೀಸರ ಕೈಗೆ ಸಿಕ್ಕಿಬೀಳುತ್ತಾರೆ. ಗುಜರಾತ್​ನ ಸೂರತ್​ನಲ್ಲಿ ಆಂಬುಲೆನ್ಸ್​ನಲ್ಲಿ ಕಳ್ಳನೋಟು ಸಾಗಣೆ ಮಾಡಿ ಸಿಕ್ಕಿಬಿದ್ದಿದ್ದಾರೆ ಖದೀಮರು.

ಇಷ್ಟೇ ಆಗಿದ್ದರೆ, ಇದು ದೊಡ್ಡ ಸುದ್ದಿನೇ ಆಗುತ್ತಿರಲಿಲ್ಲವೇನೋ. 26 ಕೋಟಿ ರೂಪಾಯಿಗೂ ಅಧಿಕ ಮೌಲ್ಯದ ಕಳ್ಳನೋಟನ್ನು ಇಲ್ಲಿ ಸಾಗಾಟ ಮಾಡಲಾಗುತ್ತಿತ್ತು. ಆದರೆ ಚೋದ್ಯ ಏನೆಂದರೆ ನೋಡಲು ಥೇಟ್​ ಅಸಲಿ ನೋಟಿನಂತೆಯೇ ಇದ್ದ ಈ ನಕಲಿ ನೋಟುಗಳನ್ನು ಸೂಕ್ಷ್ಮವಾಗಿ ಗಮನಿಸಿದಾಗ ಪೊಲೀಸರು ಮುಖ ಮುಖ ನೋಡಿಕೊಂಡಿದ್ದರು. ಕಾರಣ, ಆ ನೋಟನ್ನು ಮುದ್ರಿಸಿದ್ದು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಅಲ್ಲ, ಬದಲಿಗೆ ‘ ರಿವರ್ಸ್ ‘ ಬ್ಯಾಂಕ್ ಆಫ್ ಇಂಡಿಯಾ !

ಅಲ್ಲಿನ ಅಂಬುಲೆನ್ಸ್​ನಲ್ಲಿ ಸಾಗಿಸುತ್ತಿದ್ದ ಈ ಕಳ್ಳನೋಟನ್ನು ಪರಿಶೀಲಿಸಿದಾಗ ಅದರಲ್ಲಿ ರಿಸರ್ವ್​ ಬ್ಯಾಂಕ್​ ಬದಲು ಸ್ಪೆಲ್ಲಿಂಗ್ ಮಿಸ್ಟೇಕ್ ಆಗಿ ‘ ರಿವರ್ಸ್​’  ಬ್ಯಾಂಕ್​ ಆಫ್​ ಇಂಡಿಯಾ ಎಂದು ಪ್ರಿಂಟ್​ ಮಾಡಲಾಗಿತ್ತು! ಕಳ್ಳ ನೋಟು ಆಗಿದ್ದರೂ, ಎಲ್ಲಾ ರೀತಿಯಿಂದ ಒರಿಜಿನಲ್ ನೋಟಿನ ಹಾಗೇ ಡಿಸೈನ್ ಮಾಡಿ ಪ್ರಿಂಟ್ ಹಾಕಿಸಿದ್ದ ಕಳ್ಳರು, ಸ್ಪೆಲ್ಲಿಂಗ್ ತಿದ್ದುವಲ್ಲಿ ಸೋತಿದ್ದರು. ಬಹುಶಃ ಗ್ರಾಮರಿನಲ್ಲಿ ವೀಕ್ ಅನ್ಸುತ್ತೆ. ಇದೀಗ ಆ ಕಾರಣಕ್ಕೆ ಸಿಕ್ಕಿ ಬಿದ್ದಿದ್ದಾರೆ.

2 ಸಾವಿರ ರೂಪಾಯಿ ಮುಖಬೆಲೆಯ ನೋಟುಗಳನ್ನು  1,290 ಬಂಡಲ್  ಆರು ಪೆಟ್ಟಿಗೆಗಳಲ್ಲಿ ಇಡಲಾಗಿತ್ತು. ಪೊಲೀಸರು ‘ರಿವರ್ಸ್ ಬ್ಯಾಂಕ್ ಆಫ್ ಇಂಡಿಯಾ’ ದ ನೋಟುಗಳನ್ನು ವಶಕ್ಕೆ ಪಡೆದಿದ್ದಾರೆ. ಇದೇ ರೀತಿ, ಹಿಂದೊಮ್ಮೆ ಓದು ಬರಹ ತಿಳಿಯದ ಕಳ್ಳರು ಎಟಿಎಂ ಹೊತ್ತೊಯ್ಯುವ ಬದಲು, ಪಾಸ್ ಬುಕ್ ಪ್ರಿಂಟ್ ಮಾಡುವ ಮಿಶಿನ್ ಅನ್ನು ಕಿತ್ತೊಯ್ದು ಯಾಮಾರಿದ್ದರು. ಕಳ್ಳತನ ಮಾಡಲು ಕೂಡಾ ಎಜುಕೇಶನ್ ಅಗತ್ಯ ಮಾರಾಯ್ರೆ !

Leave A Reply

Your email address will not be published.