ಆಧಾರ್ ಕಾರ್ಡ್ ಬಳಕೆದಾರರು ಇ-ಸೈಕಲ್ ಖರೀದಿಸಲು ಯೋಜಿಸುತ್ತಿದ್ದರೆ, ಅಂತಹವರಿಗೆ ದೆಹಲಿ ಸರ್ಕಾರ ಗುಡ್ ನ್ಯೂಸ್ ನೀಡಿದೆ. ದೆಹಲಿಯಲ್ಲಿ ಇ-ಸೈಕಲ್ ಖರೀದಿಸುವವರಿಗೆ ಸರ್ಕಾರ ಶೀಘ್ರದಲ್ಲೇ ಸಬ್ಸಿಡಿ ನೀಡಲಿದ್ದು, ಇದಕ್ಕಾಗಿ ದೆಹಲಿ ಸರ್ಕಾರ ಶೀಘ್ರದಲ್ಲೇ ಮಾರ್ಗಸೂಚಿಯನ್ನು ಹೊರಡಿಸಲಿದೆ. ಕಳೆದ ತಿಂಗಳು ರಾಜ್ಯ ಸರ್ಕಾರ ಇ-ಸೈಕಲ್ ಖರೀದಿಸುವವರಿಗೆ ಸಬ್ಸಿಡಿ ಘೋಷಿಸಿತ್ತು.
ಇ-ಸೈಕಲ್‌ಗಳ ಬಳಕೆಯನ್ನು ಉತ್ತೇಜಿಸಲು ಸರ್ಕಾರವು ಕಳೆದ ತಿಂಗಳು ಸಬ್ಸಿಡಿಯನ್ನು ಘೋಷಿಸಿತ್ತು. ಆದರೆ ಅರ್ಹರಿಗೆ ಸಹಾಯಧನ ನೀಡಲು ಕಾರ್ಯಾಚರಣೆಯ ಮಾರ್ಗಸೂಚಿಗಳನ್ನು ನಿರೀಕ್ಷಿಸಲಾಗಿದೆ. “ಇ-ಸೈಕಲ್‌ಗಳ ಖರೀದಿಯ ಮೇಲಿನ ಸಬ್ಸಿಡಿ ಪಾವತಿಯ ಕಾರ್ಯಾಚರಣೆಯ ಮಾರ್ಗಸೂಚಿಗಳನ್ನು ಮುಂದಿನ ವಾರ ಬಿಡುಗಡೆ ಮಾಡಲಾಗುವುದು” ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಆರಂಭದಲ್ಲಿ 10 ಸಾವಿರ ಸೈಕಲ್‌ಗಳ ಸಬ್ಸಿಡಿ ಲಾಭವನ್ನು ರಾಜ್ಯ ಸರ್ಕಾರ ನೀಡಲಿದೆ. ಈ ನಿಟ್ಟಿನಲ್ಲಿ ಶೀಘ್ರವೇ ಸರಕಾರದಿಂದ ವಿವರವಾದ ಮಾರ್ಗಸೂಚಿ ಹೊರಡಿಸಲಾಗುವುದು ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಸಾರಿಗೆ ಸಚಿವ ಕೈಲಾಶ್ ಗಹ್ಲೋಟ್ ಪ್ರಕಾರ, ಇ-ಸೈಕಲ್‌ಗಳ ಮೊದಲ 1,000 ಖರೀದಿದಾರರಿಗೆ ದೆಹಲಿ ಎಲೆಕ್ಟ್ರಿಕ್ ವೆಹಿಕಲ್ (ಇವಿ) ನೀತಿಯಡಿಯಲ್ಲಿ ರೂ. 2,000 ಹೆಚ್ಚುವರಿ ಸಬ್ಸಿಡಿ ನೀಡಲಾಗುತ್ತದೆ. ಅಂದರೆ, ಆರಂಭಿಕ 1,000 ಖರೀದಿದಾರರಿಗೆ 7500 ರೂ ಸಬ್ಸಿಡಿ ಸಿಗುತ್ತದೆ. ವಾಣಿಜ್ಯ ಬಳಕೆಗಾಗಿ ಕಾರ್ಗೋ ಇ-ಸೈಕಲ್ ಮತ್ತು ಇ-ಕಾರ್ಟ್‌ಗಳ ಮೊದಲ 5,000 ಖರೀದಿದಾರರಿಗೆ 15,000 ರೂಪಾಯಿಗಳ ಸಹಾಯಧನವನ್ನು ಸರ್ಕಾರ ಅನುಮೋದಿಸಿದೆ.
ಈ ಹಿಂದೆ ಇ-ಕಾರ್ಟ್‌ಗಳ ಖರೀದಿದಾರರಿಗೆ ಸಬ್ಸಿಡಿ ನೀಡಲಾಗುತ್ತಿತ್ತು. ಆದರೆ ಈಗ ಈ ವಾಹನಗಳನ್ನು ಖರೀದಿಸುವ ಕಂಪನಿ ಅಥವಾ ಕಾರ್ಪೊರೇಟ್ ಸಂಸ್ಥೆಗೆ 30,000 ರೂ.ಗಳ ಸಬ್ಸಿಡಿ ನೀಡಲಾಗುತ್ತದೆ. ದೆಹಲಿ ಸರ್ಕಾರವು ಮಾಲಿನ್ಯದ ಮಟ್ಟವನ್ನು ಕಡಿಮೆ ಮಾಡಲು ಇ-ಸೈಕಲ್‌ಗಳನ್ನು ಉತ್ತೇಜಿಸಲು ಯೋಜಿಸಿದೆ. ಈ ಸಬ್ಸಿಡಿಯನ್ನು ಆಧಾರ್ ಕಾರ್ಡ್ ಹೊಂದಿರುವ ದೆಹಲಿ ನಿವಾಸಿಗಳಿಗೆ ಪಾವತಿಸಲಾಗುತ್ತದೆ. ಮಾರ್ಗಸೂಚಿಯ ಪ್ರಕಾರ, ಉತ್ತಮ ಗುಣಮಟ್ಟದ ಇ-ಸೈಕಲ್‌ನ ಬೆಲೆ 25 ಸಾವಿರದಿಂದ 30 ಸಾವಿರ ರೂಪಾಯಿಗಳವರೆಗೆ ಎಂದು ನಿರೀಕ್ಷಿಸಲಾಗಿದೆ.
ಅಧಿಕಾರಿಗಳ ಪ್ರಕಾರ ಕಾರ್ಗೋ ಇ-ಸೈಕಲ್ ಬೆಲೆ 40 ಸಾವಿರದಿಂದ 45 ಸಾವಿರ ರೂ. ಇರುತ್ತದೆ. ಅದೇ ಸಮಯದಲ್ಲಿ, ಇ-ಕಾರ್ಟ್‌ನ ವಿವಿಧ ಮಾದರಿಗಳು 90 ಸಾವಿರದಿಂದ 3 ಲಕ್ಷ ರೂಪಾಯಿವರೆಗೆ ಲಭ್ಯವಿದೆ. ಎಲೆಕ್ಟ್ರಿಕ್ ವಾಹನಗಳನ್ನು ಉತ್ತೇಜಿಸುವುದರ ಜೊತೆಗೆ, ಚಾರ್ಜಿಂಗ್ ಸ್ಟೇಷನ್‌ಗಳ ಅಳವಡಿಕೆಗೂ ಸರ್ಕಾರ ಗಮನ ಹರಿಸುತ್ತಿದೆ ಎಂದು ತಿಳಿದುಬಂದಿದೆ.
