ಶೌಚಾಲಯ ಎನ್ನುವುದು ಮನುಷ್ಯನ ಜೀವನದ ಭಾಗ ಅಂತಾನೇ ಹೇಳಬಹುದು. ಶೌಚಾಲಯ ನೀಟಾಗಿಲ್ಲದಿದ್ದರೆ ಅಥವಾ ಸರಿಯಾದ ಸಮಯಕ್ಕೆ ನೀರು ಬರದಿದ್ದರೆ, ಅದರಷ್ಟು ಯಾತನೀಯ ಯಾವುದೂ ಇಲ್ಲ. ಆದರೆ ಇಲ್ಲಿ ಈಗ ನಾವು ಮಾತನಾಡೋಕೆ ಹೋಗುವುದು ಟಾಯ್ಲೆಟ್ ನ ಕಮೋಡ್ ಬಗ್ಗೆ. ಅದೂ ವೆಸ್ಟರ್ನ್ ಟಾಯ್ಲೆಟ್ ಬಗ್ಗೆ. ಏನಿದು ಅಸಹ್ಯ ಅಂದ್ಕೋಬೇಡಿ. ಈ ವೆಸ್ಟರ್ನ್ ಕಮೋಡ್ ನ ಬಗ್ಗೆ ಒಂದಷ್ಟು ಮಾಹಿತಿ ನಿಮಗೆ ಇಲ್ಲಿ ನಾವು ಹೇಳ್ತಾ ಇದ್ದೀವಿ.
ಈ ಹಿಂದೆ ವೆಸ್ಟರ್ನ್ ಟಾಯ್ಲೆಟ್ ನಲ್ಲಿ ಒಂದೇ ಫ್ಲಶ್ ಬಟನ್ ಇರುತ್ತಿತ್ತು. ಆದರೀಗ ಎರಡು ಫ್ಲಶ್ ಬಟನ್ ಇದೆ. ಅಂದರೆ ಕಮೋಡ್ ನಲ್ಲಿ ಒಂದು ಚಿಕ್ಕದು ಮತ್ತು ಮತ್ತೊಂದು ದೊಡ್ಡದಾದ ಬಟನನ್ನು ನೀವು ಕಾಣಬಹುದು.
ಬಹುತೇಕರು ಈ ಬಟನ್ ಅನ್ನು ವಿನ್ಯಾಸಗೊಳಿಸಲು ಇಡಲಾಗಿದೆ ಎಂದುಕೊಂಡಿದ್ದಾರೆ. ಆದರೆ ಇದು ಕಮೋಡ್ ಅಂದ ಕಾಣಿಸಲು ಇಟ್ಟಿರುವುದು ಒಂದಾದರೆ, ಮತ್ತೊಂದು ಕಾರಣ ಬೇರೆಯೇ ಇದೆ. ಆ ಕಾರಣ ಏನೆಂದು ತಿಳಿಯೋಣ.
ಅಮೇರಿಕನ್ ಇಂಡಸ್ಟ್ರಿಯಲ್ ಡಿಸೈನರ್ ವಿಕ್ಟರ್ ಪಾಪನೆಕ್ ತನ್ನ 1978 ರ ಪುಸ್ತಕ ಡಿಸೈನ್ ಫಾರ್ ದಿ ರಿಯಲ್ ವರ್ಲ್ಡ್ ನಲ್ಲಿ ಈ ಡಬಲ್ ಫ್ಲ್ಯಾಷ್ ಸಿಸ್ಟಮ್ ಬಗ್ಗೆ ಬರೆದಿದ್ದಾರೆ. ಡ್ಯುಯಲ್ ಫ್ಲ್ಯಾಷ್ ಸಿಸ್ಟಮ್ ಅನ್ನು ಮೊದಲು ಆಸ್ಟ್ರೇಲಿಯಾದಲ್ಲಿ 1970 ರಲ್ಲಿ ಬಳಸಲಾಯಿತು.
ದೊಡ್ಡ ಗುಂಡಿಯನ್ನು ಒತ್ತಿದಾಗ ಬರುವ ನೀರಿನ ಪ್ರಮಾಣ ಘನತ್ಯಾಜ್ಯವನ್ನು ತೆಗೆದುಹಾಕಲು ಬಳಸಲು ಉಪಯೋಗವಾಗುತ್ತದೆ. ಅಂದಹಾಗೆಯೇ ದೊಡ್ಡ ಗುಂಡಿಯನ್ನು ಒತ್ತಿದಾಗ 8 ರಿಂದ 9 ಲೀಟರ್ ನೀರು ಬರುತ್ತದೆ. ಆದರೆ ಸಣ್ಣ ಬಟನ್ ಒತ್ತಿದಾಗ 3 ರಿಂದ 4 ಲೀಟರ್ ನೀರು ಬಳಸಲ್ಪಡುತ್ತದೆ. ಈ ಎರಡು ಗುಂಡಿಗಳು ನೀರನ್ನು ಉಳಿಸಲು ಮಾಡಲಾಗಿರುವಂತಹ ವಿನ್ಯಾಸ.
ಎರಡೂ ಗುಂಡಿಗಳು ನಿರ್ಗಮನ ಕವಾಟಕ್ಕೆ ಸಂಪರ್ಕ
ಹೊಂದಿದೆ. ಡ್ಯುಯಲ್ ಫ್ಲಶಿಂಗ್ ಸಿಸ್ಟಮ್ನ
ಉದ್ದೇಶವು ನೀರನ್ನು ಉಳಿಸುವುದು ಮತ್ತು ಸರಿಯಾದ
ಬಳಕೆಯಿಂದ ಸುಮಾರು 20,000 ಲೀಟರ್ ನೀರನ್ನು
ಉಳಿಸಬಹುದು. ಈ ಡ್ಯುಯಲ್ ಫ್ಲ್ಯಾಷ್ ಸಿಸ್ಟಮ್
ಸಾಕಷ್ಟು ಪರಿಸರ ಸ್ನೇಹಿಯಾಗಿದೆ.
ಡಬಲ್ ಫ್ಲ್ಯಾಷ್ ಸಿಸ್ಟಮ್ ಹೆಚ್ಚು ದುಬಾರಿಯಾಗಿದೆ. ಸಿಂಗಲ್ ಫ್ಲ್ಯಾಷ್ ಅಲ್ಲದೆ ಡ್ಯುಯಲ್ ಫ್ಲ್ಯಾಷ್ ವ್ಯವಸ್ಥೆಯು ಹೆಚ್ಚು ದೋಷಪೂರಿತವಾಗಿದೆ ಒಮ್ಮೆ ಸೋರಿಕೆಯಾದರೆ ಬಹಳಷ್ಟು ನೀರು ವ್ಯರ್ಥವಾಗುತ್ತದೆ