‘ಕಚ್ಚಾಬಾದಾಮ್’ ಹಾಡಿಗೆ ನಾಗಿಣಿ ಸ್ಟೆಪ್ ಹಾಕಿದ ಮಹಿಳೆ; ಸಖತ್ ವೈರಲ್ ಈ ವೀಡಿಯೋ

ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆದ ಹಾಡು ಕಡಲೆಕಾಯಿ ಮಾರುವವನ ಹಾಡು. ಅದೇ…ಕಚ್ಚಾ ಬಾದಾಮ್ ಸಾಂಗ್…ಪುಟ್ಟ ಪುಟ್ಟ ಮಕ್ಕಳಿಂದ ಹಿಡಿದು ವೃದ್ಧರೂ ಸೊಂಟ ಬಳುಕಿಸಿದ ಹಾಡೇ ಈ ಕಚ್ಚಾ ಬಾದಾಮ್ ಹಾಡು.

ಬುಬನ್ ಬದ್ಯಾಕರ್ ಎಂಬ ಸಾಮಾನ್ಯ ಕಡಲೆಕಾಯಿ ವ್ಯಾಪಾರಿಯ ಈ ಹಾಡು ಇಷ್ಟು ಪ್ರಸಿದ್ಧಿ ಪಡೆಯುತ್ತೆ ಅನ್ನೋದು ಮೂಲ ಹಾಡುಗಾರನಿಗೂ ತಿಳಿದಿರಲಿಲ್ಲವೇನೋ? ಸದ್ಯ ಈ ಹಾಡಿಗೆ ಮಹಿಳೆಯೊಬ್ಬರು ನೃತ್ಯ ಮಾಡಿದ್ದು, ಡ್ಯಾನ್ಸ್ ವಿಡಿಯೋ ತಮಾಷೆಯಿಂದ ಕೂಡಿದೆ. ಸೋಶಿಯಲ್ ಮೀಡಿಯಾದಲ್ಲಿ ಈ ವೀಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗಿದೆ.

ಕಚ್ಚಾ ಬಾದಾಮ್ ಹಾಡಿಗೆ ಹೆಜ್ಜೆ ಹಾಕಿರುವ ಮಹಿಳೆ ತನ್ನ ನಾಲಿಗೆಯನ್ನು ಹಾವಿನಂತೆ ಹೊರಹಾಕಿ, ಜೊತೆಗೆ ಹಾವಿನಂತೆ ಕೈಗಳನ್ನು ಚಲಿಸುವ ಮೂಲಕ ನಾಗಿಣಿ ಡ್ಯಾನ್ಸ್ ಮಾಡಿದ್ದಾರೆ. ಮಹಿಳೆಯ ಸ್ಟೆಪ್ಸ್ಗೆ ಸುತ್ತಮುತ್ತಲಿನ ಜನರು ನಗೆ ಬೀರಿದ್ದಾರೆ.

https://www.instagram.com/reel/Cbzl5N_hy6c/?utm_source=ig_web_copy_link

ಕಚ್ಚಾ ಬಾದಾಮ್ ಹಾಡಿಗೆ ಹಲವು ಮಂದಿ ಹಲವು ರೀತಿಯ ಡ್ಯಾನ್ಸ್ ಮಾಡಿದ್ದು, ನಾಗಿಣಿ ಸ್ಟೆಪ್ ಹಾಕಿ ಮಾಡಿದ ಈ ಡ್ಯಾನ್ಸ್ ಸಖತ್ ವೈರಲ್ ಆಗಿದೆ.

Leave A Reply

Your email address will not be published.