ಆತ ತನ್ನ ಮುದ್ದಿನ ನಾಯಿಯ ಬರ್ತ್ ಡೇಗೆ ಖರ್ಚು ಮಾಡಿದ್ದು ಬರೋಬ್ಬರಿ 7 ಲಕ್ಷ ರೂಪಾಯಿ | ಪಾರ್ಟಿಯಲ್ಲಿದ್ದ ಮೂವರ ಬಂಧನ !

ಗಾಂಧಿನಗರ : ನನ್ನ ಮುದ್ದಿನ ನಾಯಿಯ ಬರ್ತಡೇಗೆ ಆತ ಬರೊಬ್ಬರಿ ಏಳು ಲಕ್ಷ ರೂಪಾಯಿಗಳನ್ನು ಖರ್ಚು ಮಾಡಿದ್ದ. ಆದರೆ ನಾಯಿಯ ಹುಟ್ಟು ಹಬ್ಬ ಆಚರಣೆ ಮಾಡಿದ ಆತನೂ ಸೇರಿ ಒಟ್ಟು ಮೂವರನ್ನು ಪೊಲೀಸರು ಶನಿವಾರ ಬಂಧಿಸಿದ್ದಾರೆ.

ಅಹ್ಮದಾಬಾದ್ ನ ನವ ನರೋಡಾದ ನಿವಾಸಿ ಚಿರಾಗ್ ಆಲಿಯಾಸ್ ದಾಗೊ ಮಿನೇಶ್ಭಾ ತನ್ನ ಕುಟುಂಬದೊಂದಿಗೆ ವಾಸಿಸುತ್ತಿದ್ದು, ಸ್ವಂತ ಪಾನ್ ಪಾರ್ಲರ್ ಇಟ್ಟುಕೊಂಡಿದ್ದ.
ಈತ ತನ್ನ ಪೊಮೆರಿಯನ್ ನಾಯಿ ( ಆಯಬಿ)ಯ ಹುಟ್ಟುಹಬ್ಬವನ್ನು ಪಾರ್ಟಿ ಪ್ಲಾಟ್ ನಲ್ಲಿರುವ ನಿಕೋಲೆಯಲ್ಲಿ ಏರ್ಪಡಿಸಿದ್ದ.

ಈ ಹುಟ್ಟುಹಬ್ಬಕ್ಜೆ ಪಟೇಲ್ ಸರಿಸುಮಾರು 7 ಲಕ್ಷ ರೂಪಾಯಿ ವೆಚ್ಚ ಮಾಡಿದ್ದಾನೆ. ಈ ಅದ್ಧೂರಿ ಪಾರ್ಟಿಗೆ ತನ್ನ ಸಂಬಂಧಿಕರನ್ನು ಕೂಡಾ ಆಹ್ವಾನಿಸಿದ್ದ. ಆದರೆ ಯಾರೂ ಕೂಡಾ ಮಾಸ್ಕ್ ಹಾಕದೇ ಪಾರ್ಟಿಯಲ್ಲಿ ಪಾಲ್ಗೊಂಡಿದ್ದು, ಈ ಸಮಾರಂಭದ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಈ ವೀಡಿಯೋದಲ್ಲಿ ಇತರರೊಂದಿಗೆ ಚಿರಾಗ್ ಅಲಿಯಾಸ್ ಡಾಗೋ ಪಟೇಲ್, ಊರ್ವಶಿ ಪಟೇಲ್, ದಿವ್ಯೇಶ್ ಮೆಹ್ರಿ ಮಾಸ್ಕ್ ಧರಿಸದೇ ಪಾಲ್ಗೊಂಡಿರುವುದು ದಾಖಲಾಗಿತ್ತು. ವೀಡಿಯೋ ವೀಕ್ಷಿಸಿದ ಪೊಲೀಸರು ಕೋವಿಡ್ ನಿಯಮ ಉಲ್ಲಂಘನೆ ಆರೋಪದಲ್ಲಿ ಸಾಂಕ್ರಾಮಿಕ ರೋಗ ಕಾಯ್ದೆ ಅಡಿಯಲ್ಲಿ ದೂರು ದಾಖಲು ಮಾಡಿದ್ದಾರೆ. ಮೂವರನ್ನು ಬಂಧಿಸಿದ್ದಾರೆ.

Leave A Reply

Your email address will not be published.