ತನ್ನ ಗಂಡ ಸಾಯುತ್ತಿದ್ದಾನೆ, ಇನ್ನೇನು ಒಂದೆರಡು ದಿನಗಳಲ್ಲಿ ಆತ ಇಹಲೋಕ ತ್ಯಜಿಸಿ ಬಿಡುತ್ತಾನೆ ಎಂದರೆ ಎಂಥ ಪತ್ನಿಗೂ ಕೂಡಾ ಬರಸಿಡಿಲು ಬಡಿದಂತಾಗುವುದು ಸಾಮಾನ್ಯ. ಆದರೆ ಇಲ್ಲೊಬ್ಬ ಮಹಿಳೆಗೆ ತನ್ನ ಗಂಡ ಸಾಯುವ ಸ್ಥಿತಿಯಲ್ಲಿರುವಾಗ ಆತನ ವೀರ್ಯ ಸಂಗ್ರಹಣೆ ಮಾಡಬೇಕು, ಆ ಮೂಲಕ ತಾನು ಕೃತಕ ಗರ್ಭಧಾರಣೆ ಮಾಡಬೇಕು ಇದಕ್ಕೆ ಅನುಮತಿ ನೀಡಿ ಎಂದು ಕೋರ್ಟ್ ಮೊರೆ ಹೋಗಿರುವ ಘಟನೆ ಗುಜರಾತ್ ನಲ್ಲಿ ನಡೆದಿದೆ.
ಘಟನೆ ವಿವರ:ಮಹಿಳೆಯ ಪತಿ ಕೋವಿಡ್ 19 ಸೊಂಕಿಂನಿಂದಾಗಿ ಆಸ್ಪತ್ರೆಗೆ ದಾಖಲಾಗಿದ್ದು, ಆಸ್ಪತ್ರೆಯ ವರದಿಯ ಪ್ರಕಾರ ಆತನ ಪ್ರಜ್ಞೆ ತಪ್ಪಿದ್ದು,ಇನ್ನೆರಡು ದಿನಗಳಲ್ಲಿ ಆತನ ಸಾವು ಖಚಿತವಾಗುತ್ತದೆ. ಇದನ್ನು ತಿಳಿದ ಆ ಮಹಿಳೆ ಆತನ ತನ್ನ ಗಂಡನ ವೀರ್ಯದಿಂದಲೇ ತಾನು ಗರ್ಭ ವತಿಯಾಗಬೇಕು, ತನ್ನ ಗಂಡನ ವೀರ್ಯವನ್ನು ಸಂಗ್ರಹಿಸಲು ಅನುಮತಿ ನೀಡಬೇಕೆಂದು ಪತಿಯ ಕುಟುಂಬಸ್ಥರ ಸಮ್ಮುಖದಲ್ಲಿ ಗುಜರಾತ್ ಕೋರ್ಟ್ ಗೆ ಮನವಿ ಸಲ್ಲಿಸುತ್ತಾಳೆ.
ಈ ಬಗ್ಗೆ ಮಹಿಳೆಯ ಪರ ವಕೀಲೆ ನಿಲೇ ಪಟೇಲ್ ನ್ಯಾಯಾಲಯದಲ್ಲಿ ಮನವಿ ಮಾಡಿದಾಗ ವೈದ್ಯಕೀಯ ಸಲಹೆಯ ಪ್ರಕಾರ ವೀರ್ಯ ಸಂಗ್ರಹಿಸಿಡಲು ಆಸ್ಪತ್ರೆಗೆ ಆದೇಶ ನೀಡಿತ್ತು. ಆದರೂ ಮುಂದಿನ ಆದೇಶದವರೆಗೂ ಕೃತಕ ಗರ್ಭಧಾರಣೆಯೊಂದಿಗೆ ಮುಂದುವರಿಯಲು ನ್ಯಾಯಾಲಯವು ಅನುಮತಿ ನೀಡಿಲ್ಲ. ಈ ಬಗ್ಗೆ ಪುನಃ ವಿಚಾರಣೆ ನಡೆಯುವ ಸಾಧ್ಯತೆ ಇದೆ.
ಒಟ್ಟಿನಲ್ಲಿ ಇನ್ನೇನು ಸಾಯಲಿರುವ ತನ್ನ ಪ್ರೀತಿಯ ಗಂಡನ ವೀರ್ಯದಿಂದಲೇ ತನಗೆ ಮಗು ಹುಟ್ಟಬೇಕು ಎಂದು ಕೋರ್ಟ್ ಮೆಟ್ಟಿಲೇರಿದ ಈ ಪ್ರಕರಣ ಅಪರೂಪದಲ್ಲಿ ಅಪರೂಪವಾಗಿದೆ.
