ಕರ್ನಾಟಕದಲ್ಲಿ ಉಪ ಚುನಾವಣೆಗಳು ನಡೆದು ಎರಡು ತಿಂಗಳು ಕಳೆದು ಹೋದ ಮೇಲೆ ಕೊನೆಗೂ ಬಸವ ಕಾದಂತೆ ಹತ್ತು ಮಂದಿ ಸಚಿವರುಗಳು ಪ್ರಮಾಣವಚನ ಸ್ವೀಕರಿಸಿದ್ದಾರೆ. ಆದರೆ ಅವರಿಗಿನ್ನೂ ಖಾತೆ ಹಂಚಿಕೆ ನಡೆದಿರಲಿಲ್ಲ.
ಆದರೆ ಇವತ್ತು ಖಾತೆ ಹಂಚಿಕೆ ಪ್ರಕ್ರಿಯೆ ಕೂಡ ಮುಗಿದಿದ್ದು, ಕಾಂಗ್ರೆಸ್-ಜೆಡಿಎಸ್ ಸರ್ಕಾರವನ್ನು ಬೀಳಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದ ರಮೇಶ ಜಾರಕಿಹೊಳಿ ಅವರಿಗೆ ತಾನು ಇಷ್ಟಪಟ್ಟ ಜಲಸಂಪನ್ಮೂಲ ಖಾತೆಯೇ ದೊರೆತಿದೆ. ದೊರೆತಿದೆ ಎನ್ನುವುದಕ್ಕಿಂತ ಅವರು ಫೈಟ್ ಮಾಡಿ ಪಡೆದುಕೊಂಡಿದ್ದಾರೆ ಅನ್ನುವುದೇ ಹೆಚ್ಚು ಸೂಕ್ತವೆನಿಸುತ್ತದೆ.
ಮಂತ್ರಿಗಳಿಗೆ ಹಂಚಿಕೆಯಾದ ಖಾತೆಗಳ ವಿವರ ಹೀಗಿದೆ.
ರಮೇಶ್ ಜಾರಕಿಹೊಳಿ : ಜಲಸಂಪನ್ಮೂಲ ಖಾತೆ
ಎಸ್ ಟಿ ಸೋಮಶೇಖರ್ : ಸಹಕಾರ ಖಾತೆ
ಬೈರತಿ ಬಸವರಾಜ್ : ನಗರಾಭಿವೃದ್ಧಿ ಇಲಾಖೆ
ಬಿಸಿ ಪಾಟೀಲ್ : ಸಹಕಾರ ಇಲಾಖೆ
ಕೆ ಗೋಪಾಲಯ್ಯ : ಸಣ್ಣ ಕೈಗಾರಿಕೆ
ಶಿವರಾಮ್ ಹೆಬ್ಬಾರ್ : ಕಾರ್ಮಿಕ ಇಲಾಖೆ
ಡಾಕ್ಟರ್ ಕೆ. ಸುಧಾಕರ್ : ಇಂಧನ ಇಲಾಖೆ
ಶ್ರೀಮಂತ ಪಾಟೀಲ್ : ಜವಳಿ ಖಾತೆ
ನಾರಾಯಣಗೌಡ : ಪೌರಾಡಳಿತ ಮತ್ತು ತೋಟಗಾರಿಕೆ
ಆನಂದ ಸಿಂಗ್ : ಆಹಾರ ಮತ್ತು ನಾಗರಿಕ ಪೂರೈಕೆ
ಬಿಜೆಪಿಯ ರಾಜ್ಯ ಮತ್ತು ಕೇಂದ್ರ ನಾಯಕರುಗಳು ಅಳೆದು ಸುರಿದು, ತಿಣುಕಾಡಿ ಕೊನೆಗೂ ಟೀಮ್ ಸೆಟ್ ಮಾಡಿದ್ದಾರೆ. ಇನ್ನುಳಿದ ಮೂರು ವರ್ಷಗಳಲ್ಲಿ ಈ ಆಟಗಾರರು ಯಾವ ರೀತಿ ಪರ್ಫಾರ್ಮೆನ್ಸ್ ತೋರಿಸುತ್ತಾರೆ ಎಂಬುದು ಕಾದು ನೋಡಬೇಕಷ್ಟೇ.
