ಕೊಳ್ತಿಗೆ ಗ್ರಾಮದ ಎಕ್ಕಡ್ಕದ 10 ವರ್ಷ ಪ್ರಾಯದ ಅವಿನಾಶ್ ಎಂಬ ಹುಡುಗನಿಗೆ ವೇಗವಾಗಿ ಹೋಗುತ್ತಿದ್ದ ಬೈಕು ಡಿಕ್ಕಿಯಾಗಿ ಮೃತಪಟ್ಟಿದ್ದಾನೆ.
ಕೊಳ್ತಿಗೆಯ ಬಾಯಂಬಾಡಿ ಶ್ರೀ ಸುಬ್ರಮಣ್ಯ ದೇವಸ್ಥಾನಕ್ಕೆ ಜಾತ್ರೋತ್ಸವಕ್ಕೆ ಹೋಗಿ ಮರಳುತ್ತಿದ್ದಾಗ ಈ ಘಟನೆ ನಡೆದಿದೆ. ಎಕ್ಕಡ್ಕದ ಮೋಹನ್ – ಸೇಸಮ್ಮ ದಂಪತಿಗಳ ಪುತ್ರನಾದ ಅವಿನಾಶ್ ನಡೆದುಕೊಂಡು ಹೋಗುತ್ತಿದ್ದಾಗ ಒಮ್ಮೆಲೇ ಬಂದ ಬೈಕ್ ಆತನ ಮೇಲೆ ಚಲಿಸಿದೆ.
ಬೈಕ್ ನ ಡಿಕ್ಕಿಯ ತೀವ್ರತೆಗೆ ತಲೆ ಮತ್ತು ದೇಹದ ಇತರ ಭಾಗಗಳಿಗೆ ಗಾಯವಾಗಿದ್ದು, ಆತನನ್ನು ಆ ಕೂಡಲೇ ಬೆಳ್ಳಾರೆಯ ಆಸ್ಪತ್ರೆಗೆ ಸೇರಿಸಲಾಯಿತು. ಪರಿಸ್ಥಿಯ ತೀವ್ರತೆಯನ್ನು ಅರಿತು ಆತನನ್ನು ಹೆಚ್ಚಿನ ತುರ್ತು ಚಿಕಿತ್ಸೆಗಾಗಿ ಪುತ್ತೂರಿಗೆ ಕರೆತರಲಾಯಿತು.
ಆದರೆ ಅಷ್ಟರಲ್ಲೇ ಪ್ರಾಣಪಕ್ಷಿ ಹಾರಿ ಹೋಗಿತ್ತು.
ಈ ದುರ್ಘಟನೆಯು ಅಂಚಿನಡ್ಕ ಬಾಯಂಬಾಡಿ ರಸ್ತೆಯಲ್ಲಿ ನಡೆದಿದ್ದು, ಆಕ್ಸಿಡೆಂಟಿಗೆ ಕಾರಣವಾದ ಬೈಕ್ ಸವಾರ ಕನಿಷ್ಠ ಕರುಣೆ ಮರೆತು ಬೈಕ್ ನ ಸಮೇತ ಪರಾರಿಯಾಗಿದ್ದಾನೆ.
