# ಮಂಗಳೂರು : ಹಳಿ ದ್ವಿಗುಣ ಕಾಮಗಾರಿ ,ಹಲವು ರೈಲು ಸೇವೆಯಲ್ಲಿ ವ್ಯತ್ಯಯ

- Link: https://hosakannada.com/%e0%b2%a6%e0%b2%95%e0%b3%8d%e0%b2%b7%e0%b2%bf%e0%b2%a3-%e0%b2%95%e0%b2%a8%e0%b3%8d%e0%b2%a8%e0%b2%a1/train-double-track-work-in-mangalore/
- Published: 2023-03-02T14:08:05+00:00
- Author: Praveen Chennavara

 

Sponsored

Double track work : ಮಂಗಳೂರು: ಪಡೀಲ್‌-ಜೋಕಟ್ಟೆ ನಡುವೆ ಹಳಿ ದ್ವಿಗುಣ ಕಾಮಗಾರಿ (Double track
work) ಹಿನ್ನೆಲೆಯಲ್ಲಿ ಮಾ. 4ರಂದು ಹಲವು ರೈಲುಗಳ ಸೇವೆಯಲ್ಲಿ ವ್ಯತ್ಯಯವಾಗಲಿದೆ ಎಂದು ತಿಳಿದು ಬಂದಿದೆ.

Advertisement

Advertisement

ಮಂಗಳೂರು ಸೆಂಟ್ರಲ್‌-ಸುಬ್ರಹ್ಮಣ್ಯ ರೋಡ್‌ ನಡುವಿನ ನಂ.06489 ಕಾದಿರಿಸದ ಎಕ್ಸ್‌ಪ್ರೆಸ್‌ ವಿಶೇಷ
ರೈಲು ಮತ್ತು ಸುಬ್ರಹ್ಮಣ್ಯ ರೋಡ್‌- ಮಂಗಳೂರು ಸೆಂಟ್ರಲ್‌ ನಡುವಿನ ನಂ.06488 ಕಾದಿರಿಸದ ಎಕ್ಸ್‌ಪ್ರೆಸ್‌
ವಿಶೇಷ ರೈಲು ರದ್ದುಗೊಂಡಿದೆ.

ಮಂಗಳೂರು ಸೆಂಟ್ರಲ್‌- ಕಬಕ ಪುತ್ತೂರು ನಂ.06487 ಕಾದಿರಿಸದ ಎಕ್ಸ್‌ಪ್ರೆಸ್‌ ವಿಶೇಷ ರೈಲು ಮತ್ತು
ಕಬಕ ಪುತ್ತೂರು -ಮಂಗಳೂರು ಸೆಂಟ್ರಲ್‌ ನಂ. 06486 ಕಾದಿರಿಸದ ಎಕ್ಸ್‌ ಪ್ರಸ್‌ ವಿಶೇಷ ರೈಲು ಮಾ. 
4ರಂದು ರದ್ದಾಗಿದೆ.

ಮಡಗಾಂವ್‌ ಜಂಕ್ಷನ್‌-ಮಂಗಳೂರು ಸೆಂಟ್ರಲ್‌ ನಡುವೆ ಸಂಚರಿಸುವ ನಂ.10107 ಮೆಮು ಎಕ್ಸ್‌ಪ್ರೆಸ್‌ ರೈಲು
ತೋಕೂರು ಮತ್ತು ಮಂಗಳೂರು ಸೆಂಟ್ರಲ್‌ ನಡುವೆ ಭಾಗಶಃ ರದ್ದಾಗಲಿದೆ.

ಮಂಗಳೂರು ಸೆಂಟ್ರಲ್‌- ಮಡಗಾಂವ್‌ ಜಂಕ್ಷನ್‌ ನಂ.10108 ರೈಲು ಮಂಗಳೂರು ಸೆಂಟ್ರಲ್‌ ಮತ್ತು ತೋಕೂರು
ನಡುವೆ ಭಾಗಶಃ ರದ್ದಾಗಲಿದ್ದು, ರೈಲು ಮಾ.4ರಂದು ಸಂಜೆ 3.40ಕ್ಕೆ ತೋಕೂರಿನಿಂದ ಪ್ರಯಾಣ ಆರಂಭಿಸಲಿದೆ.

ಸಿಎಸ್‌ಎಂಟಿ-ಮಂಗಳೂರು ಜಂಕ್ಷನ್‌ ಎಕ್ಸ್‌ಪ್ರೆಸ್‌ ನಂ.12133 ರೈಲು ಸುರತ್ಕಲ್‌-ಮಂಗಳೂರು ಜಂಕ್ಷನ್‌
ನಡುವೆ ಭಾಗಶಃ ರದ್ದಾಗಲಿದೆ. ಮಾ. 4ರಂದು ಸಂಚರಿಸಲಿರುವ ಮಂಗಳೂರು ಜಂಕ್ಷನ್‌- ಮುಂಬಯಿ ಸಿಎಸ್‌ಎಂಟಿ
ಎಕ್ಸ್‌ಪ್ರೆಸ್‌ ನಂ. 12134 ರೈಲು ಮಂಗಳೂರು ಜಂಕ್ಷನ್‌ ಮತ್ತು ಸುರತ್ಕಲ್‌ ನಡುವೆ ಭಾಗಶಃ ರದ್ದಾಗಲಿದೆ.

ಯಶವಂತಪುರ -ಮಂಗಳೂರು ಜಂಕ್ಷನ್‌ ಸಾಪ್ತಾಹಿಕ ಎಕ್ಸ್‌ಪ್ರೆಸ್‌ (ವಯಾ- ಶ್ರವಣಬೆಳಗೊಳ) ನಂ.16539 
ಕಬಕ ಪುತ್ತೂರು-ಮಂಗಳೂರು ಜಂಕ್ಷನ್‌ ನಡುವೆ ಮಾ. 4ರಂದು ಭಾಗಶಃ ರದ್ದಾಗಲಿದೆ.

ಮಾ.3ರಂದು ಹೊರಡಲಿರುವ ವಿಜಯಪುರ -ಮಂಗಳೂರು ಜಂಕ್ಷನ್‌ ಡೈಲಿ ಎಕ್ಸ್‌ಪ್ರಸ್‌ ನಂ.07377 ವಿಶೇಷ ರೈಲು
ಸುಬ್ರಹ್ಮಣ್ಯ ರೋಡ್‌ -ಮಂಗಳೂರು ಜಂಕ್ಷನ್‌ ನಡುವೆ ಭಾಗಶಃ ರದ್ದಾಗಲಿದೆ. ಮಾ. 4ರಂದು ಹೊರಡಲಿರುವ 
ಮಂಗಳೂರು ಜಂಕ್ಷನ್‌-ವಿಜಯಪುರ ಡೈಲಿ ಎಕ್ಸ್‌ಪ್ರಸ್‌ ನಂ.07378 ರೈಲು ಮಂಗಳೂರು ಜಂಕ್ಷನ್‌-ಸುಬ್ರಹ್ಮಣ್ಯ
ರೋಡ್‌ ನಿಲ್ದಾಣದ ನಡುವೆ ಭಾಗಶಃ ರದ್ದಾಗಲಿದೆ ಎಂದು ಪ್ರಕಟನೆ ತಿಳಿಸಿದೆ.

Advertisement