# ಮಂಗಳೂರಿನ ಈ ಸೆಲೂನ್ ನಲ್ಲಿದೆ ಕೇವಲ ಒಂದು ರುಪಾಯಿಯ ಹೇರ್ ಕಟ್ಟಿಂಗ್ ಆಫರ್ !! | ಮಾರ್ಚ್ 11 ರಂದು ಮಾತ್ರ ಈ ಆಫರ್ ನಲ್ಲಿ ಕ್ಷೌರ ಮಾಡಿಸಿಕೊಳ್ಳಲು ಅವಕಾಶ

- Link: https://hosakannada.com/%e0%b2%a6%e0%b2%95%e0%b3%8d%e0%b2%b7%e0%b2%bf%e0%b2%a3-%e0%b2%95%e0%b2%a8%e0%b3%8d%e0%b2%a8%e0%b2%a1/manglore-saloon-offer/
- Published: 2022-03-10T14:06:32+00:00
- Author: ಹೊಸಕನ್ನಡ ನ್ಯೂಸ್

ಮಂಗಳೂರಿನ ಜನತೆಗೊಂದು ಬಂಪರ್ ಆಫರ್ ಘೋಷಣೆಯಾಗಿದೆ. ಮಂಗಳೂರು ಮಹಾನಗರ ಪ್ರದೇಶಗಳ ಸೆಲೂನ್‌ಗಳ ಬಗ್ಗೆ
ಜನರಿಗೆ ಅರಿವು ಮೂಡಿಸುವ ಸಲುವಾಗಿ ಮಂಗಳೂರಿನ ಕದ್ರಿ ಕಂಬಳದಲ್ಲಿರುವ “ಸ್ಪಿನ್” ಹೆಸರಿನ ಸೆಲೂನ್ 
ಕೇವಲ 1 ರೂಪಾಯಿಗೆ ಇಡೀ ದಿನ ಕ್ಷೌರದ ಆಫರ್ ನೀಡಿದೆ.

Sponsored

ಹೌದು. ಮಾರ್ಚ್ 11ರಂದು ಬೆಳಗ್ಗೆ 6 ರಿಂದ ರಾತ್ರಿ 10 ಗಂಟೆಯವರೆಗೂ ಕ್ಷೌರ ಮಾಡಿಸಿಕೊಳ್ಳಲು ಅವಕಾಶ
ಇದೆ. ಪುರುಷರು ಕ್ಷೌರ ಮಾತ್ರ ಮಾಡಿಸಿಕೊಳ್ಳಬಹುದು. ಅಲ್ಲದೆ ಮಕ್ಕಳಿಗೂ(ಹೆಣ್ಣು, ಗಂಡು) ಕ್ಷೌರಕ್ಕೆ
ಅವಕಾಶ ನೀಡಲಾಗಿದೆ.ಮಹಿಳೆಯರೂ ಉದ್ದನೆಯ ಕೂದಲನ್ನು ಕಡಿತಗೊಳಿಸಲು ಆಸ್ಪದ ನೀಡಲಾಗಿದೆ. ಇವೆಲ್ಲದಕ್ಕೂ
ಒಬ್ಬರಿಗೆ ಬರೀ 1 ರೂಪಾಯಿ ಮಾತ್ರ.

Advertisement

Advertisement

ಈ ಬಗ್ಗೆ ಬುಧವಾರದಿಂದಲೇ ಬುಕ್ಕಿಂಗ್ ಆರಂಭಿಸಲಾಗಿದೆ. ಈ ಆಫರ್ ಕುರಿತು ಜಾಲತಾಣಗಳಲ್ಲಿ ಮಾಹಿತಿ ಹರಿಯಬಿಡಲಾಗಿದೆ.
ಆದಷ್ಟು ಹೆಚ್ಚಿನ ಸಂಖ್ಯೆಯಲ್ಲಿ 1 ರೂಪಾಯಿ ಕ್ಷೌರಕ್ಕೆ ಆಗಮಿಸಬೇಕು ಎಂಬುದು ಸೆಲೂನ್ ಪಾಲುದಾರ ಬೆಂಗಳೂರಿನ
ನವೀನ್ ಅವರ ಬಯಕೆಯಾಗಿದೆ.

ರಾಜ್ಯದ 36 ಕಡೆಗಳಲ್ಲಿ ಸ್ಪಿನ್ ಹೆಸರಿನ ಸೆಲೂನ್ ಇದೆ. ಇದೇ ಮೊದಲ ಬಾರಿಗೆ ಮಂಗಳೂರಿನಿಂದ ಈ ಆಫರನ್ನು
ಪ್ರಾರಂಭಿಸಲಾಗಿದೆ. ನಿರೀಕ್ಷೆಗೂ ಮೀರಿ ಜನರು ಬಂದರೆ, ಟೋಕನ್ ನೀಡಿ ಮುಂದಿನ ದಿನಾಂಕವನ್ನು ನಿಗದಿಪಡಿಸಲಾಗುತ್ತದೆ.
ಮಂಗಳೂರು ಬಳಿಕ ರಾಜ್ಯದ ವಿವಿಧ ಕಡೆಗಳಲ್ಲಿ ಸ್ಪಿನ್ ಸೆಲೂನ್‌ಗಳಲ್ಲಿ 1 ರೂಪಾಯಿಗೆ ಕ್ಷೌರ ಆಫರ್ ಘೋಷಿಸಲಾಗುವುದು
ಎಂದು ಮಾಲೀಕರು ತಿಳಿಸಿದ್ದಾರೆ.

Advertisement