# Mangaluru: ಚಡ್ಡಿ ಗ್ಯಾಂಗ್‌ ದರೋಡೆ ಪ್ರಕರಣ; ನಾಲ್ವರ ಬಂಧನ, ಇನ್ನೋರ್ವ ಎಲ್ಲಿ?

- Link: https://hosakannada.com/%e0%b2%a6%e0%b2%95%e0%b3%8d%e0%b2%b7%e0%b2%bf%e0%b2%a3-%e0%b2%95%e0%b2%a8%e0%b3%8d%e0%b2%a8%e0%b2%a1/mangaluru-chaddi-gang-robbery-case-arrest-of-four-where-else/
- Published: 2024-07-11T08:38:17+00:00
- Author: ಹೊಸಕನ್ನಡ ನ್ಯೂಸ್

Mangaluru: ಇತ್ತೀಚೆಗೆ ಮಂಗಳೂರು ನಗರದಲ್ಲಿ ನಡೆದ ದರೊಡೆ ಪ್ರಕರಣದಲ್ಲಿ ಚಡ್ಡಿ ಗ್ಯಾಂಗ್‌ನಲ್ಲಿ
ನಾಲ್ವರನ್ನು ಪೊಲೀಸರು ಬಂಧಿಸಿದ್ದು, ಆದರೆ ಈ ತಂಡದಲ್ಲಿ ಹಲವು ಸದಸ್ಯರು, ತಂಡಗಳು ಇದೆಯೇ ಎಂಬ ಅನುಮಾನವನ್ನು
ಪೊಲೀಸರು ವ್ಯಕ್ತಪಡಿಸಿದ್ದಾರೆ.

Sponsored

> [Govind Karajola: 3 ಗುಂಪುಗಳಾಗಿ ಒಡೆದುಹೋದ ರಾಜ್ಯ ಕಾಂಗ್ರೆಸ್- ಒಂದು ಸಿದ್ದರಾಮಯ್ಯದ್ದು, ಇನ್ನೊಂದು ಡಿಕೆಶಿ ಯದ್ದು, ಹಾಗಿದ್ರೆ ಮತ್ತೊಂದು ಯಾವುದು?](https://hosakannada.com/news/state-congress-that-has-split-into-3-factions-one-is-siddaramaiah-the-other-is-dk-if-so-what-is-the-other-one/)
> Advertisement
> Advertisement

ಕೋಡಿಕಲ್‌ನ ಮನೆಯೊಂದರಲ್ಲಿ ನಡೆದ ಕಳ್ಳತನದ ಸಿಸಿಟಿವಿ ದೃಶ್ಯದಲ್ಲಿ ಚಡ್ಡಿ ಬನಿಯನ್‌ ಧರಿಸಿದ ಐವರ
ಚಹರೆ ಕಂಡು ಬಂದಿದ್ದು, ಇದಕ್ಕೆ ಸಂಬಂಧಿಸಿದಂತೆ ನಾಲ್ವರ ಬಂಧನ ಮಾಡಲಾಗಿದೆ. ಹಾಗಾದರೆ ಇನ್ನೋರ್ವ 
ಎಲ್ಲಿ ಎಂಬ ಪ್ರಶ್ನೆ ಈಗ ಉದ್ಭವಿಸಿದೆ. ಈ ಎರಡೂ ಕೃತ್ಯ ಚಡ್ಡಿ ಗ್ಯಾಂಗ್‌ ಮಾಡಿದ್ದೇ ಎಂಬುವುದು ಇನ್ನೂ
ಪೊಲೀಸ್‌ ತನಿಖೆಯಿಂದ ತಿಳಿಯಬೇಕಿದೆ.

ಈ ಚಡ್ಡಿಗ್ಯಾಂಗ್‌ ಯಾವ ಮನೆಯ ದರೋಡೆ ಮಾಡಬೇಕೆಂದು ಮೊದಲೇ ಸಂಚು ರೂಪಿಸಿ ಆ ಪ್ರದೇಶವನ್ನು ಇಡೀ ಸುತ್ತುತ್ತಾ,
ಬಸ್‌ ನಿಲ್ದಾಣದಲ್ಲೂ ತಂಗುತ್ತಾರೆ. ಇದೇ ತಂಡದವರು ನಗರದ ಕೆಲವೆಡೆ ಬಲೂನ್‌ ಮಾರುತ್ತಾ ಇದ್ದಾರೆ ಎನ್ನಲಾಗಿದೆ.
ಕೆಲವು ಸದಸ್ಯರು ಕೃತ್ಯಕ್ಕೆ ಸೂಕ್ತವಾದ ಮನೆಗಳನ್ನು ಹುಡುಕುತ್ತಾ ಇರುತ್ತಾರೆ.

ಮಂಗಳೂರಿನಲ್ಲಿ ದರೋಡೆ ಕೃತ್ಯ ನಡೆಸಿದ ಬೆನ್ನಲೇ ಈ ಗ್ಯಾಂಗ್‌ ಬೇರೆ ಕಡೆ ನಡೆಸಿದ ಕೃತ್ಯದ ಸಿಸಿ ಟಿವಿ
ದೃಶ್ಯಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಈ ದೃಶ್ಯದಲ್ಲಿ ನಾಲ್ಕೈದು ಜನರಿದ್ದಾರೆ. ಒಬ್ಬ
ದೊಡ್ಡ ಹೊಟ್ಟೆಯವನಿದ್ದಾನೆ. ಇವರ ಕೈಯಲ್ಲಿ ಚಡ್ಡಿ ಜೊತೆ ಜಾಕೆಟ್‌, ಮಂಕಿ ಕ್ಯಾಪ್‌, ವಯರ್‌ನಂತರ 
ವಸ್ತುವನ್ನು ಕೈನಲ್ಲಿ ಹಿಡಿದಿಟ್ಟುಕೊಂಡಿದ್ದಾರೆ. ಆದರೆ ಇದು ಎಲ್ಲಿಯ ದೃಶ್ಯ ಎಂಬುವುದು ಇನ್ನೂ ಗೊತ್ತಾಗಿಲ್ಲ.
ಈ ಗ್ಯಾಂಗ್‌ ಮಳೆಗಾಲದಲ್ಲೇ ಈ ಕೃತ್ಯ ಮಾಡುತ್ತದೆ.

ದರೋಡೆ ಮಾಡಲು ಸ್ಕೆಚ್‌ ಹಾಕುವವರು ಆ ಮನೆಯಲ್ಲಿ ಇರುವವರ ಸ್ಥಿತಿಗತಿ, ಚಲನವಲನಗಳ ಕುರಿತು ಮಾಹಿತಿ
ಪಡೆಯುವ ಈ ಗ್ಯಾಂಗ್‌ಗೆ ಸ್ಥಳೀಯವಾಗಿ ಯಾರಾದರೂ ಸಹಕಾರ ನೀಡುತ್ತಿದ್ದಾರೆಯೇ? ಏಕೆಂದರೆ ಏಕಾಏಕಿ ಬಂದು
ಮುಖ್ಯವಾಗಿ ಹಿರಿಯ ನಾಗರಿಕರು ಇರುವ ಮನೆಯಲ್ಲೇ ಗುರಿ ಮಾಡಲು ಸಾಧ್ಯವಿಲ್ಲ ಎನ್ನಲಾಗಿದೆ. ಈ ದೃಷ್ಟಿಕೋನದಲ್ಲಿಯೂ
ಪೊಲೀಸರು ತಮ್ಮ ತನಿಖೆಯನ್ನು ಮುಂದುವರೆಸಿದ್ದಾರೆ.

> [Maharastra: ಕೈ ಕೈ ಹಿಡಿದು, ಬೆವರುತ್ತಾ, ಅಳುತ್ತಾ ಹೋಗಿ ರೈಲಿಗೆ ತಲೆ ಕೊಟ್ಟ ತಂದೆ ಮಗ – ಅಬ್ಬಾ.. ಭಯಾನಕ ವಿಡಿಯೋ ವೈರಲ್ !!](https://hosakannada.com/crime/maharastra-father-and-son-head-to-the-train-video-viral/)

Advertisement