# Belthangady : ಧರ್ಮಸ್ಥಳ ಕೇಸ್ – ಮತ್ತೆರಡು ಹೊಸ ಪ್ರಕರಣದ ತನಿಖೆ ನಡೆಸಲು SIT ಗೆ ಆದೇಶ !!

- Link: https://hosakannada.com/%e0%b2%a6%e0%b2%95%e0%b3%8d%e0%b2%b7%e0%b2%bf%e0%b2%a3-%e0%b2%95%e0%b2%a8%e0%b3%8d%e0%b2%a8%e0%b2%a1/dharmasthala-case-sit-ordered-to-investigate-two-more-new-cases/
- Published: 2025-08-05T23:40:23+00:00
- Author: ಹೊಸಕನ್ನಡ ನ್ಯೂಸ್

Belthangady : ದೇಶಾದ್ಯಂತ ಸಂಚಲನ ಸೃಷ್ಟಿಸಿರುವ ಧರ್ಮಸ್ಥಳ ಹೆಣ ಹೂತಿಟ್ಟ ಪ್ರಕರಣದ ತನಿಖೆಯನ್ನು
ಚುರುಕಿನಿಂದ ನಡೆಸುತ್ತಿದೆ. ಈ ಪ್ರಕರಣ ದಿನದಿಂದ ದಿನಕ್ಕೆ ಹೊಸ ತಿರುಗು ಪಡೆದುಕೊಂಡು ಸಾಗುತ್ತಿದ್ದು,
ಇದರ ನಡುವೆಯೇ ಎಸ್ಐಟಿ ತಂಡಕ್ಕೆ ಮತ್ತೆರಡು ಹೊಸ ಪ್ರಕರಣಗಳನ್ನು ವಹಿಸಲಾಗಿದೆ.

Sponsored

ಹೌದು, ಹಲವಾರು ಮೃತದೇಹ ಹೂತು ಹಾಕಿದ ಆರೋಪ ಪ್ರಕರಣ ಸಂಬಂಧ ಧರ್ಮಸ್ಥಳ ಪೊಲೀಸ್‌ ಠಾಣೆಯಲ್ಲಿ ಜುಲೈ
31 ರಂದು 6 ನೇ ಗುರುತು ಅಗೆದ ಜಾಗದಲ್ಲಿ ಪತ್ತೆಯಾದ ಅಸ್ಥಿಪಂಜರ ಪ್ರಕರಣದ ಕುರಿತು ಆಗಸ್ಟ್ 1 ರಂದು
ಧರ್ಮಸ್ಥಳ ಪೊಲೀಸ್ ಠಾಣೆಯಲ್ಲಿ ಯುಡಿಆ‌ರ್ ಪ್ರಕರಣ ದಾಖಲಾಗಿದೆ. ಈ ಪ್ರಕರಣ ಮತ್ತು ಆಗಸ್ಟ್ 4 ರಂದು
ಅಪ್ರಾಪ್ತ ಬಾಲಕಿಯನ್ನು ಕಾನೂನು ಬಾಹಿರವಾಗಿ ಹೂತು ಹಾಕಿರುವ ಬಗ್ಗೆ ಜಯಂತ್.ಟಿ ನೀಡಿದ ದೂರಿನ ಪಿಟಿಷನ್
ಪ್ರಕರಣವನ್ನು ಮುಂದಿನ ತನಿಖೆಗಾಗಿ ಕರ್ನಾಟಕ ರಾಜ್ಯದ ಡಿಜಿಪಿ & ಐಜಿಪಿ ರವರು ಇಂದು ( ಆ.5 ರಂದು)
ಎಸ್‌.ಐ.ಟಿ ಗೆ ನೀಡಲು ಆದೇಶ ಮಾಡಿದ್ದಾರೆ.

Advertisement

Advertisement

ಇನ್ನು ಶವ ಹೂತಿರುವ ಪಾಯಿಂಟ್ಸ್ ಗುರುತಿಸುವಿಕೆ ವಿಚಾರದ ಬಗ್ಗೆ ಮಾಧ್ಯಮಗಳಿಗೆ ಪ್ರತಿಕ್ರಿಯೆ ನೀಡಿದ
ಗೃಹ ಸಚಿವ ಪರಮೇಶ್ವರ್‌ ಅವರು ಇದರಲ್ಲಿ ಸರ್ಕಾರ ಯಾವುದೇ ಹಸ್ತಕ್ಷೇಪ ಮಾಡಲ್ಲ, ಎಲ್ಲವೂ ಎಸ್ ಐ ಟಿ
ವಿವೇಚನೆಗೆ ಬಿಡಲಾಗಿದೆ. ಅನಾಮಿಕ ವ್ಯಕ್ತಿ ಎಲ್ಲೆಲ್ಲಿ ತೋರಿಸುತ್ತಾನೋ ಅಲ್ಲಿಗೆ ಎಸ್ ಐಟಿ ಹೋಗಿ 
ಹುಡುಕುತ್ತಾರೆ. ಎಲ್ಲಿ ತನಕ ಅವರು ತನಿಖೆ ಮಾಡುತ್ತಾರೋ ಅಲ್ಲಿವರೆಗೆ ಎಸ್ ಐ ಟಿ ವಿವೇಚನೆಗೆ ಬಿಟ್ಟ
ವಿಚಾರ ಎಂದು ಸ್ಪಷ್ಟವಾಗಿ ಹೇಳಿದ್ದಾರೆ.

Advertisement